German Angst – Donostiako Beldurrezko Astearen gaineko oharrak
German Angst, Beldurrezko Astearen programak egoki itzultzen duen bezala, beldur alemana da, Alemaniatik heldu den beldurra –hiru zuzendarietako bat, Michal Kosakowski, poloniarra den arren, berak Donostian azpimarratu zuen bezala–. German Angst kontzeptu bat ere bada, alemanek berezko omen duten beldur mota bat definitzen duena –beldurra, adibidez, etorkizunari–, eta beldur horrek dakartzan zalantza eta erabakimen falta; edota zenbait gertakizunen aitzinean alemanek berezkoa omen duten...
Read MoreHowl (Ulua) – Donostiako Beldurrezko Astearen gaineko oharrak
Atzo, baten prezioan, bi aldiz gozatzeko aukera izan genuen Victoria Eugenia antzokian: lehendabizi, Begoña del Tesoren aurkezpenarekin, eta, bigarrenik, Howl filmarekin berarekin. Izu film klasikoa, ironiarik eta txiste errazik gabea, tentsioa sortzeko zeregina serio hartzen du Paul Hyett-en lan honek. Gaueko tren bat, bertan dabilen pertsonaia talde bat –gehienak desatseginak, ikusleak ez du pena handirik sentituko gizotsoen atzaparretan desagertzen hasten direlarik–, eta baso ilun bat...
Read MoreCrimson Peak (Gailur Gorrimina)
Diotenez, gidoia da –gidoiaren koherentzia, erran nahi baita– puntu ahulenetarik Italiako genero-zineman. Eta Gailur gorriminari igartzen zaizkion eraginen artean Italiako gotikoa eta gialloa –Antonio Margheriti, Mario Bava, Dario Argento– daudenez, ez naiz erabat oker ibiliko, film honen puntu ahulena gidoia –kontatzen digun istorioa, alegia– dela erraten badut. Edith Cushing (Mia Wasikowska) –erreparatu diozue pertsonaiaren deituraren omenaldi zoliari?–, idazlea eta Buffaloko...
Read MoreWelp
Egitura paraleloen gainean dago eraikia Welp, Jonas Govaerts-ek zuzenduriko lehen film luzea. Elkarren isla baitira kanpaldi batera joandako eskaut taldeko umeei monitoreek kontatzen dieten gizotso beldurgarriaren istorioa, eta ume horietarik bati –filmeko protagonistari– gertatuko zaion istorioa –filmaren funtsa osatzen duena hain zuzen ere–. Basoan bizi den eta gauez harrapakin bila ibiltzen den gizotsoak norbaiti hozka eginez gero –hala azaldu dute monitoreek, haurrak izitu...
Read MoreAux yeux des vivants
Aspalditik nenbilen “Odolaren mintzoa” berriz martxan paratu nahian, eta iduritzen zitzaidan Eguberriak tenore ona izaten ahal zirela bloga berpizteko. Gerora ohartu nintzen berez Aste Saindua dela gauzak berpizteko garai hoberena, eta Gabonek zer ikusteko handiagoa dutela jaiotzarekin. Sortu ala birsortu, nolanahi den ere, hona hemen “Odolaren mintzoa” blogeko sarrera berria. Halere, beharbada alferrik ari naiz, dagoeneko Gaizka Izagirrek komentatua baitu bere blogean nik lerro...
Read MoreModus anomali
Modus anomali (Ritual paratu diote izenburua Estatu Batuetan; Le réveil de la proie eta Gefangen im Wahnsinn azpi-izenburuekin hornitu dute Frantzian eta Alemanian, hurrenez hurren) bi hitzetan laburbiltzen ahal da: survival film bat da –alegia, pertsonaia nagusiak borroka egin beharko du bizirik irauteko, eta hori da filmaren funtsa– akaberan, ustekabeko bira baten bidez, ordura artio ikusitako guziari bertze esanahi bat ematen diona. Hala ere, eztabaida liteke amaierako...
Read MoreThe Lords of Salem
Rob Zombie-ren The Lords of Salem-ek ez du ez susto merkerik, ez munstro gogoangarririk, ezta ia-ia gorerik ere. Bere borzgarren film hau egiteko, zuzendariak giroan paratu du arreta, estilo bisualean eta soinu-banda, pertsonaia nagusiaren hondoratze psikologiko progresiboa erakusteko. Droga berriki gibelean utzita, Heidi Hawthorne (Sheri Moon Zombie) musika saio batez arduratzen da Salemgo irrati batean, Herman Salvadorrekin (Jeffrey Daniel Phillips) eta Herman Jacksonekin (Ken Foree)...
Read MoreArrosa, loto-lorea
Jatorrizko bertsioan, koreeraz alegia, filmak hala (omen) du izena: Arrosa, loto-lorea, eta Arrosa eta loto-lorea tituluko ipuin tradizionalean dago oinarritua. Ea zer kontatzen duen ipuin horrek? Bada, bi ahizparen istorioa. Naski horregatik hautatu zuten izenburu hori nazioarteko bertsiorako: A tale of two sisters, gure auzo erdaretan laburbildua (eta nafartua) izan zena: 2 hermanas / 2 soeurs. Kim Jee-Woonen lehen filma, The Quiet Family (1998), komedia beltz bat izan zen (geroago,...
Read MoreAmerican Mary
American Mary (2012) Jen eta Sylvia Soska ahizpa bikien bigarren filma da. Lehendabizikoa, Dead hooker in a trunk (2009) –Kanadako bi zuzendarien beren hitzetan– dibertsio hutsa izan zen, tarte on bat pasarazi bertze asmorik ez zuen jenero-film bat. Bigarren lan honetan, ordea, bertze zerbait bilatu dute, film europarrago bat egin nahi izan omen dute. Aitortu behar dut ez dudala 2009ko filma ikusi, baina hura nolanahikoa zelarik ere, bistan da American Mary anbizio handiko lana dela. Soska...
Read MoreExecutive koala
Neoculto liburu argitaratu berrian, Ángel Salak dio kultuko filmak sortzea dela Japoniako zenbait zuzendariren espezialitatea, atzerriko merkatuari begira betiere. Haiengandik zer film mota (eta zer xelebrekeria klase) espero dugun, huraxe ematen digute film-egile batzuek. Salak bi izen aipatzen ditu: Yoshihiro Nishimura eta Noburo Iguchi. Minoru Kawasakiren izena, ordea, ez da haren zerrendan ageri, ezta –nik dakidala– liburu osoan ere. Alta, Kawasakiren filmek kultuko bihurtzeko bokazio...
Read More
Iruzkin berriak