Osasun eskubidea konfinatuta Gazan

Visualizing Palestine kolektiboak egindako infografia hauek Osasunaren Mundu Erakundearen datuetan oinarrituta daude, Gazan konfinatuta bizi diren bi milioi palestinarri –horietatik 1,4 milioi errefuxiatuak dira– osasun eskubidea ukatzen dielako Israelek.

Giza eskubideei buruzko nazioarteko arauek eta nazioarteko zuzenbide humanitarioak babesten dute osasun fisiko eta mentaleko ahalik eta mailarik altuena izateko eskubidea. Indar okupatzaile gisa, nazioarteko zuzenbidearen arabera, Israel behartuta dago palestinarren osasunerako eskubidea bermatzera. Bai, badakit, legez kanpoko okupazio armatua eta okupatuen osasunarekiko kezka esaldi berean, ez dute ondo errimatzen, ezta?

Baina errealitatea hain da gordina, munduan den aire zabaleko kartzelarik handienean, ezen sionisten basakeria betikotzen laguntzen dutenek ere ondorengoa onartu behar izan duten pandemia garaiotan: “Gazan koronabirusak bereziki bortitz jotzeko arrisku handia dago, bere osasun sistema huts egiten ari baita munduko eremu jendetsuenetako batean”.

ARGIAren eta Visualizing Palestine kolektiboaren arteko elkarlanari esker sortutako lana.

350 ume palestinar gatibu dira Israelgo espetxeetan

12 eta 17 urte bitarteko ehunka haur palestinar espetxeratzen dituzte urtero-urtero Israelen. Batezbeste urtero, 500 eta 700 ume artean, Palestinako Defense for Children International erakundeak emandako datuek diotenez. Adameerrek, preso palestinarren elkarteak, egindako azken kontaketaren arabera, 2018ko apirilean 304 ziren Israelgo kartzeletan zeuden ume palestinarrak, horietako gehienak etxetik urrun. 2000tik hona, Palestinako 12.000 haur baino gehiago atxilotu dituzte. Israelek haurrei egotzitako deliturik ohikoena harriak jaurtitzea da eta, Israelgo lege militarraren arabera, delitu horren zigorra 20 urtera arteko espetxealdia da.
Infografia kalitate handiz deskargatzeko: Umeak-espetxean-EUS.pdf
ARGIAren eta Visualizing Palestine kolektiboaren arteko elkarlanari esker sortutako lana.

Ahed Tamimik ez du epaiketa justurik izango

2017ko abenduaren 20an, Israelgo okupazio indarrak Zisjordaniako Nabi Saleh herriko etxe batera sartu ziren eta 16 urteko palestinar bat atxilo eraman zuten. Gazte hori Ahed Tamimi da eta askatasunaren aldeko palestinarren borrokaren ikono bihurtu da. Igandean –martxoak 11– epaituko du Israelgo epaitegi militar batek. 10 urteko espetxe zigorra jaso lezake.
Segi irakurtzen

Jerusalemen bizitzeko baimenik ez

1967an Jerusalem Ekialdea legez kontra okupatu eta beretu zuenetik, Israelek “bizilagun iraunkorrak” izeneko estatusa sortu zuen Jerusalemgo palestinarrentzat. Ordutik hona palestinarren hazkunde galarazteko neurriak abiatu ditu. Horietako bat da bizileku-baimena ukatzea.
Segi irakurtzen

Trump vs adostasun globala

Abenduaren 6an Amerikako Estatu Batuetako gobernuak, unilateralki, legitimatu zuen hiri bat bortxaz okupatu eta anexionatzea, Jerusalem Israelgo hiriburu izendatuz eta enbaxada hara mugitzeko asmoa erakutsitz. Israelek ‘hiri santua’ gerran okupatu (1948) eta beretu (1967) zuenetik, lehen mailako lehen aitortza ofiziala da. Segi irakurtzen

Apartheida da Trumpek Israelgo hiriburu izendatutakoa

Mendebaldeko Jerusalemen garbiketa etnikoa egin zuten 1948an, ez zuten palestinarren arrastorik utzi. Hiriaren gainerako tokiak 1967an anexionatu zituen Israelek bortxaz, baita han bizi ziren palestinar guztiak ere. Gaur egun, Israelen menpeko Jerusalemgo udalerriak apartheid politikak eta legeak sustatzen ditu, palestinarren hazkundea galarazteko, biztanleriaren %40 baino gehiago izan ez daitezen. Segi irakurtzen

Kapitalismoari aurre egin gabe, arrazakeria ezabatzen saiatu zen ikonoa

David Rockefeller, Bilderberg Kluba sortu eta CIA diruz lagundu zuen milloiduna Nelson Mandelarekin. CIAren parte-hartzea ezinbestekoa izan zen Mandela atxiltzeko, eta ondoren 27 urtez espetxean izateko.

David Rockefeller, Bilderberg Kluba sortu eta AEBtako CIAren lana diruz lagundu zuen milioiduna Nelson Mandelarekin. CIAren parte-hartzea ezinbestekoa izan zen Mandela atxiltzeko, eta ondoren 27 urtez espetxean izateko.


Gaur, abenduak 5, munduko agintariak Nelson Rolihlahla Mandelaren izaera goraipatzen ari dira, heriotzaren laugarren urteurrenarekin bat. Hegoafrikako Apartheidaren aurkako borrokan “terrorista” izandakoa, bakearen aldeko ikur dugu egun, baita gerra eta biolentzia munduan barreiatzen ari diren agintarien ahotan ere. Nolatan bada? Segi irakurtzen

Gladys del Estal ETAk hil zuela argitaratu du El Diario Vascok

Jose Martínez Salas guardia zibilak buruan tiro bat emanez hil zuen 23 urteko Gladys del Estal donostiarra 1979ko ekainean. Espainiako Gobernuak Euskal Herrian eraiki nahi zituen zentral nuklearren aurka Tuteran egindako protesta batean izan zen. Bada, atzo –azaroak 9–, Vocento taldeko egunkariak, Lemoizko zentralaren inguruko erreportaje batean, argitaratu du ETAk hil zuela Gladys del Estal. Segi irakurtzen

Palestinako errefuxiatuen etxeratzea posible da

1948an, NBEko Batzar Orokorrak ondorengoa adierazi zuen: Palestinako “errefuxiatuen etxera itzultzeko eta auzokideekin bakean bizitzeko nahia bermatu behar litzateke ahalik eta azkarren”. Egun, etxera itzultzeko eskubidea sistematikoki ukatzen die Israelek palestinarrei, jaioterrietako lurrek orohar hutsik jarraitzen badute ere. Israelen menpeko palestinarren jatorrizko herri eta hirien %77a ez dute berreraiki. Segi irakurtzen

2014an Gazan "ez zen krimenik gertatu"

Orain dela hiru urte, 2014ko uztaila eta abuztu artean, Israelek erasoaldi militarra abiatu zuen Gazako Zerrendan. 556 haur hil eta 30.838 etxerik gabe utzi zituzten. 66 eskola, 24 anbulantzia eta 31.979 etxebizitza kaltetu edo suntsitu zituzten. Visualizing Palestine kolektiboaren “Krimenik Ez Hemen” infografiek agerian utzi nahi dituzte Israelek erabilitako bereizkuntzarik gabeko taktikek zibilengan eta azpiegitura zibiletan eragindako ondorioak, baina, batez ere, azpimarratu nahi dute Israelek daukan inpunitatea, nazioarteko legedia sarri urratu badu ere. Segi irakurtzen