Nafarroako Gobernuak lege aurreproiektua onartu du mezenasgo kulturala bultzatzeko. Besteak beste, ekintza kulturalak diruztatzen dituzten pertsona fisikoen errenta aitorpenean %50eraino irits daitezkeen kenketak ezartzen ditu; enpresen kasuan, sozietate zerga %30 gutxitzea.
Batzar tirabiratsua izan zuten duela aste eta erdi egile eskubideen kudeaketa monopolizatzen duen Espainiako elkartean eta ondorioak berehala etorri dira: Anton Reixa galiziarra SGAEko presidente kargutik kentzea erabaki du elkarteko zuzendaritzak.
Joan den astean aipatu genuen Ekaitzaldi saretik desagertu zela. San Fermin bezperatik bloga berriz bisitatzeko moduan dago eta behean irakur dezakezuen mezua argitaratu dute:
Badira hiru egun gutxienez albistea zirkulatzen dabilela: Ekaitzaldi bloga itxita dago. Euskal Herriko musikarien diskoak doan deskargatzeko loturak eskaintzen zituen eta sekulako artxiboa osatu du azken urteetan, atari undergrounda eta ez-dakit-erabat-legezkoa izan arren, musikazale askoren erreferente bihurtzeraino.
Elkarrizketa polita egin diote Koldo Almandozi Zart! webgune kulturalean eta, bideoari CC-by lizentzia jarri diotenez, txoko honetara ekartzeko aukera ezin hobea eman digute.
Imanolen Forjarien kantara iritsi nintzen aurrekoan ustekabeko lotura baten bidez eta sentsazio arraro batek hartu ninduen, gustatu egin zitzaidalako. Azalpen laburra: txikitan antiguotarraren kanta asko entzundakoa naiz, gurasoek atsegin zuten. Transmisio-paradigman sinesten dutenak harrituko dira agian, baina horrek ez nau […]
Denok dantzatu dugu noizbait pogoa kontzertu batean. Denok? Ez: agertokiaren aurreneko lerroetan bultzaka ibiltzearen zentzua asko aldatu da punkaren sorreratik eta irudipena daukat gure belaunaldiari iritsi zaion ideia zera dela: “Ea nor den indartsuena, ea nork bereganatzen duen espazioa, ea […]
Notizia handia egun seinalatuan: atzo, ekainak 16, Bloomsday, Xabier Olarrak 103 karakteretan iragarri zuen laster izango dugula irakurgarri James Joyceren Ulisesen lehenbiziko partea euskaraz; e-booka Igelaren webgunean salgai egongo da aurki.
“Ezin badugu dantzatu, kantatu, margotu, larrua jo… ez da gure iraultza. Erraz ikusten da festa-giroan emakumeek daukaten presentzia eskasa, bai antolakuntzan, bai artistikoki parte hartzen. Ahalegin bikoitza egin behar du emakume batek eszenatoki batera igotzeko eta bere lana baloratua izateko. […]
Denak ados gaude: inori ezin zaizkio leporatu bere aitak egindako kalteak eta ezin da inoren obra artistikoa epaitu haren familia abiapuntutzat hartuz. Kazetaritza kulturalaren funtsezko premisa izan beharko litzateke obra, obra, obra, obra lehenestea eta ez obraren egileari buruzko inolako […]
Gaur iragarri dute nork joko duen 2013an Donostiako Aste Nagusiko agertoki nagusian, Saguesen, eta eztabaidatxo interesgarria sortu da Ekai Txapartegi Udaleko komunikazio arduradunaren eta Inaxio Esnaola kazetariaren artean.
Betiko historia da: ideia eta diskurtso berririk gabeko musikariek arrakasta eta hedabideen arreta berenganatzen dute eta aldiz, alboan dauden proposamen interesgarriak zokoratzen dira eta ahanzturaren putzuan erortzen. Horrela da mundu zabalean eta horrela izan da hemen ere, baita kontrakulturaren gailurtzat […]
Gaur eman du albistea Xabier Mendiguren Elizegi Elkar argitaletxeko editoreak Twitterren: orain arte Alberdaniako editorea izan den Inazio Mujika Iraola Ereinentzat lanean ari da. Nontzeberrin irakur daitekeenez, Fermin Etxegoienen azken liburua aurkeztu du.
Ez dagoenez modurik argitaratzen diren liburu guztiek behar bezalako promozioa izan dezaten, geroz eta idazle gehiagok ikusten dute premia argitaletxeen sustapenetik harago beren obrak saltzen aritzeko. Problemarik ez daukat autobonboarekin, baina uste dut nire níre NÍRE liburua ezagutarazteko ere badaudela […]
Albisteak dio 10.400 sinadura jaso dituztela Donostiako Arte Ederren teatroa eraitsi ez dezaten, argudiatuz edifizioa “Donostiako historiaren eta iruditeriaren parte garrantzitsua” dela. Uste dut gai honi buruz Angel Aldarondok eman zuela ikuspuntu interesgarriena Love Of 74 blogean. Testu hartako pasarte […]
Lagun batek badu teoria bat Ramon Saizarbitoriaren inguruan. Bere ustez, nobela berriren bat argitaratu ondoren eskaintzen dituen elkarrizketetan, kazetariak, kritikariak eta irakurleak oro har despistatzera jokatzen du, esku artean darabiltzan obren erreferentziak ezkutatuz eta zerikusirik ez duten beste batzuk emanez. […]
