Azalan margotutako ipuina

Atalak: Haurdunaldia, Prismaren koloreak, Sentipenak

 
Haurdunaldi batek hamaika sentsazio dauzka bera baitan. Batzuk norberaren intimitatean sortzen dira eta beste batzuk aldiz ingurukoekin batera hazi egiten dira.

Duela bi urte tripa borobilaren barruan zegoenari ipuin bat oparitu nahi nion, bere etorrera islatzen eta ospatzen zuen ipuina. Haurdunaldiaren aurretik bizitakoak eta gertuko ingurua kontutan hartzen zuen barne-lanketaren emaitza islatu zen bertan. Oparian etxekoek eta lagunek hartu zuten parte, ekintza bera guztiontzako bizipen oparia bilakatuz…
 

 

Istorio batzuk harrietan idazten dira, beste batzuk aldiz egur edo paperean. Askotan, hitzak baino irudiak erabiltzen dira ipuinak kontatzeko. Hemen kontatuko dudan kontakizuna barnean sortu, buruan hazi eta azalean marraztu den hazi baten bizitzaren zatitxo bat da. Batzuetan gauza handiak literatura txikian idazten direlako…

 
 
Xehetasun teknikoak: Ipuina azalean marrazturik dago, haurdun dagoen emakumearen tripan. Zertzelada bakoitzeko argazki bat egin zen eta kontakizuna adierazteko Stop Motion teknika erabili egin da. Prozesu guztia grabatu eta hura nola burutu zen adierazten duen bideoa da hau. Azkeneko zatian ipuina ikusteko aukera dago.

Marrazkilaria: Eider Eibar
Argazkilaria: Nagore Legarreta
Stop Motion muntaia eta argien teknikaria: Ramon Martinez
Bideoa eta edizioa: Unai Susperregi
Gidoia: Nora Barroso , Eider Eibar
Musika: Maria Gadu (Shimbalaie)
Ipuinaren pertsonaiak (animalien aukeraketa Narak egin zuen): Kira (Lorean gordetako txoria), Nara (Tximinoa), Unai (Lehoia), Nora (Tximeleta)