Osakidetzari eskaera (IV): Erresonantziak euskaraz

Atalak: Euskara

Odol analisiak, historia klinikoa, medikua bera… gaztelaniaz. “Bihar kexa jarriko dut!” esan eta gero ezer egiten ez duen horietakoa al zara? Formula erraza prestatu dugu Elebidera hainbat eskaera bideratzeko. Zoritxarrez modu askotako kexak eta eskaerak egin diezazkiokegu Osakidetzari, hizkuntza eskubideak errespetatzen ez dituelako. Ondoren, erresonantziak euskaraz eskatzeko eman beharreko hiru pauso errazak azaltzen dizkizugu:

1 . Sartu Elebiden. “Intzidentzia mota”n aukeratu “Eskaera”. Bete gainerako datuak.

2 . “Hurrengoa” zanpatu eta “Intzidentziaren datuak” eremuan ITSATSI ondoko testua:

Osatek erakunde publikoak EAEn burutzen diren erresonantzia gehienak kudeatzen ditu. Zoritxarrez, orain arte ez du erresonantzien txostenik euskaraz eskaini, eta horregatik nire kexa adierazi nahi dut. Ez dituzte euskara eta euskaldunak kontuan hartu, eta zerbitzua gazteleraz eskaintzen dute eta ez ele bitan, legeak agintzen duen legez. Nire eremuko zerbitzu-unitatearen esparruan erresonantzia guztien txostenak ere gazteleraz ematen ditu Osatekek. Zerbitzua behar den eran eskaintzeko, Osatekek erresonantzia guztien txostenak ele bitan eskaini behar ditu gure eremuko ESIan eta baita EAE osoan ere.

3 . “Amaitu”ri eman eta kito.