Etxeko langileen hiru-laurdenak 60 ordutik gorako lanaldiak ditu

Atalak: Gizartea

Europar Batasunetik kanpoko langileen %15ak ez du lanerako paperik. Argazkia: Dani Blanco.

Herenak astean zehar ordubeteko atsedena ere ez du hartzen. Hala ere, atseden orduen kopuruak gora egin du 2015ean.

Etxeko Langileen Elkarteak 2015eko datuak argitaratu ditu eta ondorio azpimarragarrienak bildu ditugu ondoko lerroetan.

-Etxeko langileen %90,87 zaintzeko kontratatu dituzte, horietatik %97,41 zaharrak zaintzeko.

-Langileen 10etik 8 zaintzen duen pertsonarekin baino ez zen egoten etxean.

-%78,85ak astean 60 ordu baino gehiago egiten ditu lan; herenak ez du ordu bat bera ere libre astegunetan; eta %23,56k baino ez du hartzen 36 ordu jarraian atsedena, legeak agintzen duen moduan.

-Bi egoeratan onera egin da: asteburuan atsedena hartzen duten langileen kopuruak gora egin du eta 24 orduko atsedena ere hartzen ez duten langileen kopuruak behera egin du.

-%85ak ez du kobratzen gutxieneko soldataren proportzioan.

-Gizarte Segurantzan alta emanda dauden langileen kopuruak gora egin du, bai etxe barruan baita etxetik kanpo lana egiten duten langileen kasuan ere. Etxe barruko langileen artean, egoera administratibo egonkorra duten ia-ia denek dute Gizarte Segurantza (duela hiru urte hasi ziren kotizatzen etxeko langileak). Kanpoko lanean ari direnen %70,53k du Gizarte Segurantza. Eguneko ordu batzuetan ordea, kontratuekiko ia heren bat ezkutuko ekonomian ari da.

-%13,94k ez du paperik. Horien artean badira astean 81 ordutik gora lan egiten dutenak. Hainbat enplegatzaile atzerritarron egoera irregularraz baliatzen da lanorduz kargatzeko eta hitz emandako kontratuak ez errespetatzeko.

Estatistika horiek ateratzeko 475 langile elkarrizketatu dituzte eta haiek 510 kasu aurkeztu dituzte. Elkarrizketatuen 15,9 bertakoak dira (espainiarrak alegia), %19,4k herritartasun bikoitza dute eta %64,5 atzerritarrak dira. Europar Batasunetik kanpokoen artean %84,6k paperak ditu eta %15,4 egoera irregularrean dago.