Irakurgaiak: Bat 69

2009-06-04 // Irakurgaiak // Iruzkinik ez

Atzeratuta nabil azken aldion Bat aldizkariekin. 70. heldu da eta
oraindik 69a amaitu barik. Baina gaur amaitu egin dut eta ohikoa denez,
horren gaineko iruzkintxo bat egin nahi nuke.

Bat 69an Hausnartu
sarietako lan irabazleak datoz. Horien artean denetarik dago. Lehen
saria ez zen eman, baina bigarrena Fermin Lazkanoren lanak irabazi egin
zuen. Lana oso interesgarria da eta horri buruzko beste artikulutxo bat
idatziko dut aurrerantzean.

Hurrengoa Jone Miren Hernandezena
da. Antropologiaren ikasgaika ekartzen ditu soziolinguistikara. Lana
interesgarria da, baina niri ez zait oso berria iruditu. Izan ere,
eduki horiekin gutxi gorabehera ikasgaia dago Hizneten eta bere garaian
egin nuen.

Gero dator Castillo Suarezen beste artikulu bat.
Oso teknikoa iruditu zait, eta oso mugatua aldi berean. Izan ere,
bakarrik da baliagarria Nafarroako udaletako euskara zerbitzuetan
dabiltzanentzat. Besteontzat gaia urrun geratzen zaigu.

Hausnartuko
lanekin amaitzeko, Eunate Irazabalen artikulua dator. Emakumeak
euskarazko irakaskuntzan bete eta betetzen ari diren papera aztertzen
du. Lana interesgarria, batez ere hizkuntzaren feminizazioaren inguruan
esaten dituenak. Berak ikusten du feminizazio hori emakumearen ohiko
rolaren jarraipen gisa gutxi gorabehera. Hipotesi ausarta.

Alain
Viauten ekarpena da hurrengoa. Okzitaniako soziolinguista honek
hizkuntzaren beharra aldarrikatzen du. Horren arabera, formulatu
beharko lirateke hizkuntza politika eta hizkuntza biziberritzeko
saioak.

Eta, azkenik, Kataluniatik dator notizia, beste behin
ere. Ferran Suay eta Gemma Sanginés, azken aldion ospetsu bihurtzen ari
direnak gure herritxoan. Eta betikoa dakarte: TELP proiektuaren oinarri
teorikoak oraingo honetan. Berriro irakurtzeko egokia.

Hausnartu sarien II. deialdia

2009-06-01 // Sailkatu gabea // Iruzkinik ez

	Soziolinguistika Klusterrak 2009KO HAUSNARTU – EUSKAL SOZIOLINGUISTIKA SARIETARAKO DEIALDIA abian jarri du Gipuzkoako Foru Aldundiaren laguntzarekin.
	Soziolinguistika Sarion helburua euskal soziolinguistika teoriko edota metodologikoaren garapena eta berrikuntza indartzea da, eta xede horrekin, deialdi honetan garapen teoriko zein metodologikoa lantzen dituzten lan hoberenak sarituko dira. Kontuan hartuko dira, nolanahi ere, euskararen gaineko berariazko garapen teorikoak nahiz kanpoan landutako gerapenetatik abiatuta gure hizkuntzaren egoera aztertzeko eta ulertzeko egokitzapenak.
	Asmoa hauxe da: dagoeneko euskal soziolinguistikarekin harreman zuzena izan duten ikerlarien lana bultzatzea eta oraindik harremanik izan ez duten ikerlariak euskal soziolinguistikaren eremura biltzea. Modu horretan hizkuntzaren eta soziolinguistikaren inguruko ikerketen oinarri teorikoak zabaldu eta aberastuko dira.
	Jatorrizko lanen oinarri teorikoa edo ikuspuntua ez du zertan soziolinguistikaren arloari lotua izan behar; aldiz, zuzenbide, soziologia, ekonomia, psikologia, historia, geografia, gizarte psikologia,A antropologia edo beste adar zientifikoetatik abiatutako planteamendu teorikoak euskal soziolinguistikaren eremura egokituak izan daitezke, kasu askotan. Bestela esanda, soziolinguistikatik bertatik egindako garapen berriak ez ezik, beste adar zientifiko horien ekarpenak ere bultzatzea da sari hauen xedea. Deialdian parte hartzeko gonbidapena egiten diegu, beraz, giza eta gizarte jakintza alorretako ikertzaile guztiei.

OINARRIAK


1. EDUKIA	Euskal soziolinguistika teoriko edota metodologikoaren garapena eta berrikuntza.
	Euskararen gaineko garapen teorikoak edota metodologikoak
	Euskaratik kanpo landutako garapenetik abiatuta gure hizkuntzaren egoera aztertzeko eta ulertzeko egokitzapenak
	Lan teorikoak – teorien aplikazioa – ikerketa aplikatuen ildo berriak.
	Aurretik argitaratu gabeak.
	Oinarri zientifiko sendoa izango dute.A
	Soziolinguistikatik, soziologiatik, hizkuntzalaritzatik antropologiatik, historiatik, abiatuta…

2. EGILEA	Bakarra edo lantalde bat aurkeztu ahal izango da.

3. FORMATOA	Word formatuan bidaliko dira eta irudiak ere izan ditzakete.

4. LUZERA	Lehiaketak ez dio lanaren luzerari mugarik jarri. Nolanahi ere, gehienez 30 000 karaktere (hutsunerik gabe) dituen laburpena leharaziko du egileak, jatorrizko lana muga hori baino luzeagoa bada.

5. EPAI-MAHAIA	Soziolinguistikan adituak biltzen dituen lantalde batek ebaluatuko ditu jasotako lanak. Epaimahaia osatuko duten kideak honako hauek izango dira: Gipuzkoako Foru Aldundiko ordezkAaria BAT Soziolinguistika Aldizkariko ordezkaria Soziolinguistika Klusterreko kidea Euskal soziolinguistikan aditua den beste pertsona batek ordezka dezake aurreko mahaikideren bat, egoki ikusiz gero.

6. SARIAK	Lehenengo saria: 1.000 € Bigarrena saria: 700 € Hirugarrena saria: 500 €;

7. ZABALPENA	Lan hoberenak BAT aldizkariaren berariaz prestaturiko ale berezian argitaratuko dira.

8. EPEA	2009ko urriaren 30a

9. NORA	kluster@soziolinguistika.org

10. DATUAK	Egile guztien izena eta bi deitura
	Helbide postala zein elektronikoa
	Telefono-zenbakia
	Lanbidea: Irakaslea, ikaslea, euskararen gaietan profesionala, euskaltzalea e.a.
	Lantokia, hala badagokio: Unibertsitatea, Fakultatea, e.a.

Hizkuntzen kudeaketa gero eta globalagoa izango da, aurretik goaz jakinduria horretan

2009-05-27 // Sailkatu gabea // Iruzkinik ez

Azken aldion nire blogean nik sortutako testu gutxi daudela esan dit baten batek –): Ba, orduan beste nonbait idatzitakoa ere ekarriko dut hona, lizentziak lizentzia.

Aurrekoan Mikel Irizar izan zen Emuneko
teknikarioi hitzaldi bat ematen. Hitzaldiak honako izenburua izan zuen:
“Kutxa eta hizkuntzen kudeaketa”. Hitzaldi horren funtsa berak Bat aldizkarian idatzitako bi artikulu dira.

Hemen ez dugu egingo hitzaldiaren laburpena, hitzaldian hartutako
zenbait ideia botako ditugu, interesgarrienak direlakoan. Bertara joan
zen beste edonork ere azpimarratu ditzake beretzat interesgarrienak edo
deigarrienak izan zirenak.

Ezin dugu enpresa gurera moldatu, gu moldatu behar gara enpresara
eta horren arabera jokatu. Ikusi eta ikasi, eta ondo entzun. Hori da
egin beharreko lan bat. Enpresetan galderak egin behar ditugu,
enpresaren mekanismoak ezagutu behar ditugu.
Ezin ditugu euskalgintzako mezuak kaletik enpresara eraman, ez.
Diskurtso propioa, egokitua, teknikoa eta neutroa eraman behar dugu
enpresetara. Tokian tokiko diskurtsoa, alegia.
Aliatuak behar ditugu etxe barruan. Baina ez euskararen inguruko
aliatuak bakarrik, gure lana egiten lagunduko diguten bestelako
aliatuak ere behar ditugu.
Hizkuntzen kudeaketa txertatu egin behar da kudeaketa arruntean.
Ezin da izan gai periferiko bat. Normalizazioan ari garenok ez dugu
egin behar, eragin egin behar dugu. Egin behar dutenak dira enpresako
arduradun naturalak.
Gauzak erraz jarri behar dira, heroi gutxi dago. Horretarako,
hizkuntza ohiturak aldatzeko laguntza mekanismoak aktibatu egin behar
dira. Horren harira, paradigma aldaketa eskatu zuen: euskaraz egiteko
eskubideak ez dakar berez egiteko betebeharra. Ulermena lantzeko bideak
jorratu behar dira.

Azkenik, Mikel Irizarrenak ez diren, baina berak batu dituen hiru esaldi.

“Ez dio enpresak mesede egin behar hizkuntzari, baizik hizkuntzak enpresari”

“Bere hizkuntza ohiturak aldatzeko kapaz den enpresa bereziki dago prestatua berrikuntzarako”

“Hizkuntzen kudeaketa gero eta globalagoa izango da, aurretik goaz jakinduria horretan”

Saskibaloia ala futbola?

2009-05-22 // Sutondoko kontuak // Iruzkinik ez

Euskal Kulturaren Transmisioko webguneak jarraitzen du eduki interesgarriak plazaratzen. Oraingo honetan ekarriko dugu hona Julen Altubek erantzun batean plazaratutakoa. Testuinguru barik ondo ulertzen da, baina badaezpada hona testuingurua.

Badute baloia, badute saskia (bi gainera) baina nekez elkartzen dira
ordu berean, toki berean…ari dira…aritzen dira jaurtiketa libreak
eginez, bakoitza bere aldetik, binaka, hirunaka inoiz… baina oso
mugatuta daude…ase ezinik dabiltza, partida jokatu ezinik.

Bitartean, patio berean, futbolean ari direnak, jokaldiak eginez
ari dira, futbolzelaia gainezka…partida jokatzen ari dira. Hamaikako
bi talde, ordezko eta guzti…batzuk ez direnean besteak, saskibaloi
zaleak ere tartean…asko dira, nahikoa dira…ase betean dabiltza.

Saskibaloiaren presentzia bada patioan, autozentratu horiei esker,
baloia, jaurtiketak, kamisetak, mate ederren bat ere tarteko…baina
gai balira elkarzentratu, baterazentratu eta partida
antolatzeko…orduan, euren gogoa asebetetzeaz gainera, behar bada,
futbolean ari direnek ere aintzat hartuko lituzkete. Futbol zelaikoei
ere deigarri, baita agian erakargarri ere, egingo litzaizkieke ondoko
zelaiko algara… barre… oihu… eztabaida… jokaldiak… eta
sentituko lukete saskibaloian jokatzeko gogoa… edo badakitelako edo
ikasi nahi dutelako.

Hau da, baldin eta autozentratze hori batera samar egingo bagenu,
autozentratzeaz gainera elkarzentratzen ahaleginduz, ez derrigorrez
berdinzentratuta baina baldintza subjektiboetan oinarrituta (gogoa,
borondatea, premia..), aldeko baldintza objektiboak (saskiak,
baloia…) erabiliz eta komunitatearen antolaketari (antolaketa berria,
berritzailea) garrantzia emanaz, hiztunok dugun arazoa hobeto bideratu
eta eskaintza zabaltzeko aukera gehiago izango genituzke (proposamena).

Horretarako, antolaketarako, futbol entrenatzaile ahozabalen eredua
hartu beharrean, (izan genezake tentaziorik horretarako) ahal den
neurrian, saskibaloi prestatzaile, elegante, umil, langile eta gaituen
aukera hobetsiko nuke (intelligentsia, aitzindaritza gaitua). Gainera,
futbolean ere badago horrelakorik, funtzionatzen du eredu horrek,
munduko talderik onena omen den horren enterenatzaileari begiratu
bestela.

Ah, ez ditut aipatu saskiak kendu eta porteriak jarrita patio osoa
futbolzelai bihurtu gura dutenak…edo bai…futbol entrenatzaile
ahozabalak izan daitezke horiek… baina gure antolaketaz ari gara.
Hortxe ikusten dut gakoa.

Autozentratu, baterazentratu, elkarzentratu, ez derrigorrez
berdinzentratu…hau guzti hau aro berrian?… Ba ote dago beste
biderik?

Euskal soziolinguistikaz

2009-05-19 // Sailkatu gabea // Iruzkinik ez

Gaurkoan sorpresa ederra hartu dut, eskertzen den sorpresa. Soziolinguistikari buruzko blog berria deskubritu dut, eta gainera euskaraz, eta gainera egilea Erramun Baxok da. Benetan ederra, segitu beharrekoa, zelan ez. Frantsesezko bertsioa ere badu.

Euskal soziolinguistikaz

Udaltop

2009-05-12 // Sailkatu gabea // Iruzkinik ez

Atzo bertan esaten nuen hainbat jardunaldi interesgarri izan(go) direla eta horiek zer oihartzun gutxi daukatela interneten. Ba gaur hitzak jan behar ditut nolabait.

Udaltop jarduanldiak izan ziren pasa den astean eta bertako laburpen ederra egin digute Lantalan-ekoek. Eta baita argiakoek ere (ponentzia batena).

Jarraian Lanatalekoen artikulu osoa:

Maiatzaren 7 eta 8an ospatu ziren Udaletako euskara-zerbitzuen l. topaketak.

Oso emankorra izan da, bai partaideen -emaile zein hartzaileen-
ezaugarriei erreparatuta eta baita bertan landu diren gaiek perspektiba
anitzak izan dituztelako.

Nola indartu euskararen erabilera familietan? izan da lehen topaketa hauetako gaia.

Egun t´erdiko jardunean bederatzi ponentzia entzun ziren eta
amaitzeko talde-lana egin zen, ponentzietan entzundakoa kasu errealekin
uztartzeko. Topaketa “Hamaika bertute” bertso-taldearen umoreak itxi
zuen.

Bertan jasotakoa modu laburrean jasotzen saiatu gara. Aurrerago udaltop webgunean
edukien sarrera interesa duen edonoren esku egongo da.

Lehengo Ponentzia: Aurrez aurreko jardunaren lekua HINBE saioetan

Mikel Zalbide

Gauza bakoitzari dagokion izenean, zuzen, deitzen hasteko garaia da.
Biziberritzea eta indarberritzea ez dira berdinak; egunerokoan euskara indarberritzea da garrantzitsuena.
Mintzaldaketa, eguneroko jardunean mintzajardunaren eta jardunguneetan ditugun rol desberdinek baldintzatuta eman ohi da.
Erabileran haur faktorea funtsezkoa da.
Mintzaldaketa hizkera informalean sarriago ematen da; komunikabideek eta etxeak eragin handia dute.
Zentralitatea Arnasguneek (gune euskaldunek) izan behar dute; hor dago bizia; horiek sendotu, garatu eta zabaldu behar dira.

Galdera-erantzunen tartean jasotako batzuk:

Hernanin arnasguneak nola indartu? Euskarazko harreman sareak bultzatuz, horiek aktibatuz.
Gipuzkoako Foru Aldundian? Nahi dutenekin osatu daitezke Arnasguneak.
Erakunde bateratuaren beharrik ba al dago? Goitik beherako erakundeak beharrezkoak dira, baina ezinbestekoak behetik gorakoak.
Gazteentzat guneak euskaraz bakarrik egingo den lekuak edo
euskararen mundura erakartzeko balioko dutenak? Fishmanek garbi esan
du: zentratu auzogintzan, zerbitzugintzak, eta ez zuzenean hizkuntzan.
Gizartearen beharrei erantzun, euskaraz!
Bermeo bezalako herri euskaldunean mintzaldaketa egoera
informaletan eta helduen artean sarri gertatzen da, nola jokatu?
Ikuspegi prebentiboarekin jokatu behar dugu; harreman-sare, jardun
esparru, eskualdeak sendotuz.

Bigarren ponentzia: Gurasoak irakasleen norabide berean: Karmelo Ikastolako esperientzia

Karmelo Ikastolako jolaslekua.

Haurrak euskara gehiago egiteko ezinbestekoa da familietan gehiago egitea.
Plan bat osatu da, 6 ikasturteetarako.
Mezu garbiak finkatu dira irakasleek familiei emateko; mezu horiek
berezituak dira famili euskaldun, misto eta erdaldunentzat; ze urrats
zehatz eman proposatzen zaie, aktiboak nola izan; mezu hauek
progresiboak dira.
Gurasoen kezkak argitzen dira modu progresiboan, hauek ere.
Mezua indartzeko baliabideak, tresnak prestatu dira.
Irakasle iraunkorren taldea bat dator plan honen onurekin. Irakasle berriak asmo honetan txertatzea lehentasuna izaten da.

Hirugarren ponentzia: Duzun onena: Nafarroako udaletako esperientzia

Mezua
familia mota guztiek dute zer hobetu; eleaniztasuna euskara ardatz
duena; mezu soziolinguistikoa eta pedagogikoa bateratuta
(komunikaziorako eroso sentitzea euskara une goxoetan erabiltzea;
euskara ondo ikasi ondorengo hizkuntzak ondo ikasteko).
Aholku-emaile dira. Hizkuntza afera familian adostu behar dela adieraztea.
3 urteko haurren gelan gurasoekin saioak egiten dira: teknikariek
ematen dute (lotura-hurbiltasuna); irakaslearekin mezua adosten da,
gelaren ezaugarriak ezagutzen dira (talde naturala hautatu da
emankorragoa delako); garapen pertsonalarekin, jolasa eta gozatzearekin
lotzen da.

Ondorioak:

Hizkuntzen pedagogian eta jabetzan sakontzea.
Publikoa ongi ezagutu eta mezua ongi moldatzea.
Gurasoek esateko dutena entzuten jakitea.
Hizkuntza ohiturak aldatzeko prozedurak hobeki ezagutu.
Berandu heltzen gara. Nola gainditu errealitate hau?
Mezua ahal dela irakasleak (ikastetxeak) formulatu behar du.

Laugarren ponentzia: Familia bidezko euskararen jarraipena Oarsoaldean: arian ekin, ekinean ari

Jaione Urruzola eta Jose Luis Agirretxe

Sentiberatzea da helburua.
Hiru lan-ildo bereiztu dira:

1990-2002 artean guraso misto eta erdaldunei zuzendu zen lana;

2002-2005ean xede taldearen aldaketa:

bikote euskaldunak dira xede taldea, erdiek gaztelaniaz jarduten baitzuten.
Baina bikote euskaldunik ez zen ekintzetara animatzen (amak bakarrik batzuetan).

Zergatik da hain zaila:

Bikotean gaztelaniaz aritzen direla onartzea zaila da.
Astean bitan elkartzeko zailtasunak.
Mezua beraientzat ez dela ustea: euskararekiko egin beharrekoak eginak dituztela uste izatea.

2006-2009 helburua guraso euskaldunak sentiberatzea.

Komunikazio estrategia: zuzentzen diegun mezua bereganatzeko urteak
behar dira (Eta zuek zer? –haurrak gurasoei- Hacen lo que ven, hablarán
lo que hableis). Mezuak urtetan iraunarazi beharra.
Guraso bilerak: irakasleen eragile izan direnean emaitza
erdipurdikoa izan da; azken urteotan clown bidez gurasoen ohiko bileran
8 bat minututan mezu argiak eman eta materiala banatzen da.

Hausnarketa:

Mezu bera eman behar da toki desberdinetatik.
Modu berrian (euskarri berrietan): adinka berezituta; bitartekariei berezitua.
Komunikazio estrategiaren emaitzak neurtzeko ikerlana egingo da:
mezuak iristen al dira? Ulertzen al dira? Helburuak lortzen ari al
gara? Ondoren neurri zuzentzaileak aplikatuko dira.

Bosgarren ponentzia: EAEko euskararen belaunez belauneko transmisioa

Pablo Sagardoy

Euskaldun berriek euskara lehen hizkuntza bezala transmititzeko
zailtasuna dituzte (inguruneak ez die laguntzen; gune erdaldunetan bizi
dira; gaztelaniaz hobeto moldatzen dira).
Gaitasunak ez du ziurtatzen transmisioa.
Amak pisu handiago du.

Seigarren ponentzia: Bikoteen artean hizkuntza ohituren aldaketa. Ikerketa-lana

Pablo Suberbiola, Soziolinguistika Klusterra

2008an egindako azterlana da.
Mintzaldaketa eman den 27 bikote aztertu dira.
Modu sistemikoan oinarrituta egin da azterketa.
Lau urrats pasa dituzten bikoteak aztertu dira:

Abiapuntua (gaztelaniaz ondo egiten zuten).
Legamiaren unea (aurreko osotasuna urratu egin da).
Berregokitze egoera (osotasun zaharra eta berriaren arteko tirabirak gertatu zirenekoa).
Finkatutako egoera (osotasun berria finkatu zenekoa).

Ondorioa, tipologiak eta gakoak bereiztu dira:

Zergatik urratu aurreko osotasuna? Euskaldun izan nahia; familian
jasotakoari jarraipena ematea; gurasoak eman ezin zigutena seme-alabei
eman nahi izatea; bizi naizen tokiko hizkuntza eta kultura
neureganatzea; besteak niregatik gaztelaniaz egitera ez behartzea…
Ze zailtasun ditu prozesuak? Nahi bezala espresatzeko mugak,
gaztelaniaz ateratzen zait; aldatzen zailenak direnak haserrealdi eta
eztabaidetan gaztelaniara ez pasatzea; arraro sentitzea; deseroso
sentitzea; zuzendu bai baina noraino?; solaskide falta edo egokirik ez
izatea…
Ze estrategia erabili dira zailtasunak gainditzeko? Dosifikatu,
errazenetik hasi; nekatutakoan, agobiatutakoan gaztelaniaz egin sufritu
gabe; gaitasuna nola elikatu bilatu (euskaldunekin ahalik eta gehien
egon); prozesuaren zaintza (horma-irudi bat ipini hartutako bidea
gogoratzeko –Txillardegi-); itxoin gabe EGA eduki arte, hasi gaitasunak
erabiltzen.

Gakoak:

Motibo handiak behar dira (bakoitza mugitu ahal izateko).
Lorpenak baloratzen jakin dute.
Lehentasuna euskarari bolada batean ematea.
Erabiltzeak ekarri du erabilera.
Euskaldun zaharren artean uste baino errazagoa izan da ohitura
aldatzea (gaztelania erabiltzetik euskara erabiltzera pasatzea).
Seme-alabak jaio aurretik hasi da /egin da mintzaldaketa.

Zazpigarren ponentzia: Berezko taldeak eta hizkuntza: bihotzaren arrazoiak

Pello Jauregi

Ikuspegi sistemikoa azaldu zuen.

Emozioek harremanetan duen garrantzia azpimarratu da.
Logikaren aurretik hizkuntza sortu zen; aurretik komunikazioa eta
hasieran emozioak (organismoarn erantzuna besteekin harremanetan
jartzeko).
Biologikoki bestearekin egoteko joera du gizakiak; komunikazioa handitu eta hizkuntza sortu zen.

Euskararen alde gaude emoziotik, maitasunetik (gauza batzuk
posible dira, beste batzuk ez). Dinamika bitxia erabili zuen grafikoki
adierazteko kontzeptua.

Norbera eta ingurunea osagarriak dira, lotuta daude, mugimendua osatzen dute.
Arnasguneak bai, baina ingurua ere bai (erakundeen babesa).
“Yo y mis circunstancias”.

Sistemak itxi egin behar dira.

Euskara babestuko duen sistema itxi gabe dago, beraz gaitzak sartzen zaizkigu; segurtasun eza sortzen da.

Hizkuntza ohiturak egitura bat dira; harreman mota bat; finkoa; sendotzen doana.

Baina alda daitezke: egiturazko harremana ikutuz gero; elementu berriak sartuz gero egitura bertan –trabaren bat jarrita-.
Trabak bi motatakoak izan daitezke:

Emozioak: pertsonak sentitzen dutena aldatu egin da (ezinbestekoa ondo sentitzeko).
Boterea (kanpo eragina): derrigorrezkoa; euskaldun elebakarra baldin bada sartu berria (eta ezin bada taldetik bota)
Beraz aldatzera derrigortua (boterea) edo erosoago sentitu behar naiz (emozioak).

Galdera-erantzunetan esandakoak:

Gaztelania bakarrik dakienak boterea erabiltzeaz gain, gure
emozioak erabiltzen ditu, maitasuna hain zuzen (ez dakienez eta pena
ematen digunez gaztelaniaz egingo dut).
Emozioak indibidualak eta sozialak izan daitezke (euskal kontzientzia falta da gaur egun).
Euskarak ez du babes-geruzik gaur egun, eta ezinbestekoa du
bizi-irauteko. Ze sistemak ematen dio segurtasuna? Babes
instituzionalak.
Euskal gatazkarik ez dago gizartean (hitzetan bai baina ez harremanetan), euskal kontzientziarik ez.

Zortzigarren ponentzia: Nola landu transmisioaren gaiari? Buruntzaldean egindakoak eta ondorioak

Iñaki Arruti eta Pablo Suberbiola (goragoko argazkia)

Ikastetxe barruan landu behar da. Irakasleek hausnarketan parte hartu behar dute.

Familia bidezko hizkuntza transmisioan eskolak zer egin dezake?
Tresnak eskaini ziurtasuna emateko irakasleei.
Gaiaren garrantziaz eta egiteko moduak klaustroari zabaltzeko prestaketa lanak bideratzen dihardute.

Bederatzigarren ponentzia: Adimen emozionalaren lanketaren bidez familia barruko euskararen erabileran eragiteko saiakera

Aita Larramendi ikastola

N+ ikastaroa (tailerra) da gurasoei zuzendu zaiena.
Erabili den metodologia: liburuxka + praktika etxean + tutoritza (talde lana – adituaren laguntza).
Tailerraren aurrebaldintzak: jarrera aktiboa; diskrezioa;
errespetua; giro lasaia; guraso guztiek lekua izatea (berritsuek zein
isilek).
Tailerraren ezaugarriak: 3 saio ordu t´erdikoak; 20 partaide (3-5
urte bitarteko gurasoak); %30 teoria gainontzekoa praktikoa, emozioen
lanketa-arikeak; etxeko lanak (ipuin jakin batzuk kontatu haurrei…).
Tailerraren balorazioa: oso ona; motza; familietan egoera komunikatiboak bultzatu ditu; hizkuntzaren transmisioa ahul.
Aurrera begira: ikastetxearen hizkuntza proiektua ea heziketa
emozionalaren garapen proiektua batera ekarri beharra; euskararen
inguruko proposamenak lantzeko euskara talde baten onurak.
Ikerketarako proposamena: familia bidezko transmisioak sortzen dituen emozioak ezagutzera emango dituena.

Euskararen erabilera sustatzen hezkuntzan

2009-05-11 // Sailkatu gabea // Iruzkinik ez

Udako ikastaroekin jarraituta, oraingoan Hik Hasikoak eta horien artean bat. Euskararen erabilera sustatzen hezkuntzan. Interesgarria ematen du benetan. Zenbat ikastaro eta horien zer gutxi sarean.

Edukiak

Eskolatik abiatu, eta ikasleen euskararen erabilera sustatzeko ahalik eta ikuspegi orokorrena aurkeztea da asmoa.
Euskararen erabilera sustatzea nahi badu, ikastetxe bakoitzak bere
Hizkuntz Proiektua garatu beharko du, eskolaren hizkuntzen trataera
osoa kudeatzen duen marko integrala definituz.

Uztailak 1, asteazkena

– Ikastolen HIZKUNTZ PROIEKTUA
Ikastolen Elkartea duela bederatzi urte hasi zen bere Hizkuntz
Proiektua garatzen eta azken zazpi urteetan 36 ikastolekin batera
egitasmo pilotua bideratu du. Egitasmo horren baitan, ikastola
bakoitzak bere errealitateari egokitutako proiektua abian jarri du.
1) MARKO TEORIKOA: Ikastolen Hizkuntz Proiektua egitasmoaren aurkezpen orokorra.
*Kristina BOAN eta *Irune URBINA. Euskal Herriko Ikastolen Konfederazioaren
Hizkuntz Proiektuaren taldekideak.

2) EKIMEN PRAKTIKOA: Saio pilotuan parte hartu duen Eleizalde ikastolaren (Bermeo)
ibilbidearen aurkezpena.
*Olatz ZABALONDO eta Urko GOITIA. Eleizalde Ikastolako Hizkuntz Proiektuaren
dinamizatzaileak.

– Euskararen erabilera eskolan
– Aurrekariak eta zenbait premisa
– Hezitzaileek asko egin dezakete
– Lidergotik eragiten
– Aldaketa kulturala erakundeetan
*Ttakun Kultur Elkartea.

– Gurasoak irakasleen norabide berean: gurasoentzako mezuak eta tresnak.
Hizkuntzen inguruan gurasoen kezkak, ikastetxeetatik eman beharreko
mezuak, horretarako bideak eta gurasoentzako tresnak. Norabide horretan
egindako esperientzia zehatzak aurkeztuko dira.
*Iñaki EIZMENDI. Ebete hizkuntza zerbitzuak

Uztailak 2, osteguna

– Gazteen hizkuntza erabileraren azterketa proiektua.
*Asier BASURTO. Soziolinguistika Klusterra.

– Lidergotik eragiten
Erronkak adostea gazteekin, erabilera bermatuz.
1.- Lidergo motak.
2.- Liderrak nola kudeatu.
3.- Erronkak adostu.
4.- Pilotajeak: Irakutrezin, Ktg, gazte lokala…
*Ttakun Kultur Elkartea.

– Ikastetxeetan hizkuntzekiko jarrerak eta jokabideak lantzeko proposamen bat: Norabidetik jarduera zehatzetara.
Saioan, batetik, oinarri batzuk proposatuko dira; Lehen Hezkuntzatik
hasi eta Batxilergora bitarteko plangintza baterako balio dezaketenak.
Bestetik, modu horretako plangintza bat aurrera eraman ahal izateko
hainbat ideia eta adibide aurkeztuko dira.
*Iñaki EIZMENDI. Ebete hizkuntza zerbitzuak

– Informatikak ikasleen euskararen erabileran duen eragina
* Maite GOÑI. Ordiziako Jakintza ikastolako IKT taldeko partaidea eta euskaljakintza egitasmoaren arduraduna

– Ikasbizia: auzo-hezkuntzaren bidean
* Pello JAUREGI. EHUko irakaslea

– Gurasotegi: etxe-hezkuntzaren bidean
* Pello JAUREGI. EHUko irakaslea

Uztailak 3, ostirala

– EAEko Hezkuntza Saila: erabilera areagotzeko saioak
– Normalizazio Legea helduleku, NOLEGAren sorrera 1984
– NOLEGAren ibilbidea 1985-1996/ 1996-2009; deialdiak, barnetegiak…
– ULIBARRI programa, aurrerapauso kualitatiboa
– ARRUE ikerketaren harira eskolaren esku-hartzeaz
– Norabide berriak; ekimenen nolakotasuna, ikuspegi metodologikoak, ikusmira-aldaketa
* Iñaki ARTOLA eta * Santos IZAGIRRE.

– Herriko euskararen erabilera normalizatzea: Arrasateko Udalaren plana
* Aintzane LASA eta * Jose Felix DIAZ DE TUESTA.

–
Kataluniako Generalitat-ek araututako Pla d´entorno deritzanak
katalaneraren erabileran eragiten udalekin eta eragileekin batera.
* Pere MAYANS. Kataluniako Generalitateko hizkuntza politikako arduraduna.

Soziolinguistikaz berripapera: 24. zenbakia

2009-05-06 // Sailkatu gabea // Iruzkinik ez

Oraingoan Soziolinguistikaz berripaperaren 24. zenbakia, itxura eta edukiak aldatuta. Bejondeizuela.

24. zenbakia / 2009ko apirila

Word
dokumentua / Pdf
dokumentua

SOZIOLINGUISTIKA
KLUSTERRA

ZEIN
HIZKUNTZA HITZ EGITEN DU KOMUNIKAZIO GIZARTEAK? SOZIOLINGUISTIKA
KLUSTERRA EHUKO UDAKO IKASTAROETAN

Soziolinguistika Klusterrak soziolinguistikari buruzko ikastaro interesgarri
bat antolatu du Euskal Herriko Unibertsitatearen (UPV-EHU) XXVIII. Uda
Ikastaroetako eskaintzaren barruan.

Zein hizkuntza hitz egiten du komunikazio gizarteak? Galdera
horren inguruan hausnartuko da ikastaroan. “Komunikazioaren gizartea”,
“aro globala”, “hedabideak”, “nortasunaren
eraikuntza” eta “hizkuntzen industria” bezalako hitz
gakoen inguruko azalpenak eta eztabaidak izango dira, soziolinguistikaren
ikuspegitik nagusitzen ari diren gizarte aldaketei aurrea hartu nahian.
Errealitate berriei begira jarriko da beraz ikastaroa, goi mailako hainbat
irakasleren parte hartzearekin. Ikastaroa Donostiako Miramar Jauregian,
ekainaren 22, 23 eta 24an burutuko da, eta izena emateko epea maiatzaren
1etik aurrera zabalik izango da.

Informazio gehiago:

EUSKARA LAN MUNDUAN… LANEAN! SOZIOLINGUISTIKA
KLUSTERRA UDAKO EUSKAL UNIBERTSITATEAN

Soziolinguistika Klusterrak aurten ere Udako Euskal Unibertsitatearen
(UEU) eskaintzaren barruan soziolinguistikari buruzkoa ikastaroa antolatu
du, eta Baionako Unibertsitatean burutuko da uztailaren 8 eta 9an Euskara
lan mundua… lanean! Izenburuarekin. Bertan, lan munduan euskararen erabilerari
bultzada bat eman nahi dioten egitasmoak aztertuko dira. UEUren Udako
ikastaro hau aukera egokia izango da egindakotik ikasi eta eremu berrietara
zabaltzeko eta elkarrekin esperientziak trukatu eta hobetzeko bideaz hausnartzeko.

Informazio gehiago:

SOZIOLINGUISTIKA KLUSTERRA UDALTOP-EN

Gipuzkoako Foru Aldundiak eta Lasarte-Oriako Udalak antolatutako udaletako
euskara-zerbitzuen I. topaketan (UDALTOP – maiatzaren 7-8)) Pablo Suberbiola
Soziolinguistika Klusterreko teknikariak bi hitzaldi emango ditu, egin
berri diren bi ikerketen inguruan. Topaketak Nola indartu euskararen erabilera
familietan? du aztergai nagusi, eta ildo horretan doaz Suberbiola ikerlariak
aurkeztuko dituen bi lanak.

Lehenengoan, Buruntzaldean euskararen transmisioaren inguruko ikerketa-lanaren
ondorioak aurkeztuko ditu; bigarren hitzaldian “Bikoteen artean
hizkuntza ohituren aldaketa” aztertu duen ikerketa-lanaren emaitzak
azalduko ditu. Ikerketa hori Eusko Jaurlaritzako Hizkuntza Politikarako
Sailburuordetzaren eskariz egin du Klusterrak, Pello Jauregi irakaslearen
aholkularitzarekin.

Informazio gehiago:

EUSKARAREN NORMALIZAZIO KASU AURRERATUEN
BIGARREN ARGITALPENA KALERATU DU SOZIOLINGUISTIKA KLUSTERRAK

Zer egin euskara norbere erakundean normalizatzeko? Galdera horri erantzuna
bilatu nahi dio Soziolinguistika Klusterrak 2007. urtean abian jarri zuen
Euskararen Normalizazio Kasu Aurreratuak proiektuaren bidez. Beraz, euskararen
normalizazioan eredugarri diren hizkuntza-kudeaketak aztertzen dira hemen.
Proiektuaren helburu nagusia euskara planak burutzen dituzten hainbat
erakunderen esperientzia eta ezagutza biltzea eta zabaltzea da.

IMH, Makina Erremintaren Institutua eta Bergarako Udala Kasuak aukeratu
ditu aurten Soziolinguistika Klusterrak kasu aurreratu modura, eta bere
emaitzak webgunean daude irakurgai

Informazio gehiago:

Informazio gehiago:

http://www.soziolinguistika.org/eu/node/3839

II EUSKAL SOZIOLINGUISTIKA JARDUNALDIKO
MATERIALAK WEB GUNEAN

Soziolinguistika Klusterrak Web gunean jarri ditu eskuragarri II Euskal
Soziolinguistika Jardunaldiko aurkezpenak eta bideoak. Bertan aurki daitezke
honako mahai-inguru eta hitzaldietako edukiak:

Mahai-ingurua. Euskararen ezagutza eta erabilera. Datuek, zer diote?
, Erramun Osa, Itziar Elorza, Fermin Lazkano, Olatz Altuna. BIDEOA
Tailerra. Nola eragin lantokiko erabileran lidergoaren bidez? (ERALAN
ikerketa proiektua), Nekane Goikoetxea. POWER POINT-a
Tailerra. Haur eta gazteen euskararen erabilera eskola giroan (ARRUE
ikerketa), Iñaki Martinez de Luna. POWER POINT-a
Hitzaldia. Hizkuntzaren Hazkundea Interneten, Vicent Partal. BIDEOA,
POWER POINT-a
Hitzaldia. Teknologia berriak eta euskararen erronka, Iratxe Esnaola,
Gorka Julio. BIDEOA, POWER POINT-a
Mahai-ingurua. Vicent Partal, Iratxe Esnaola, Gorka Julio, Belen
Uranga (Koord). BIDEOA.
ONDORIOEN AURKEZPENA ETA AMAIERA. BIDEOA, POWER POINTa

Informazio gehiago:

Soziolinguistika
klusterra

BAT ALDIZKARIA 70 ZENBAKIA KALEAN

BAT aldizkariaren 70. zenbakiak Euskararen legeak du gai nagusia. Soziolinguistika
Klusterrak Udako Euskal Unibertsitatearekin duen lankidetzaren baitan,
2008an, Euskararen Legeak: Esperientzia Praktikoak eta Aukerak izenburuarekin
emandako ikastaroaren mamia hartu du dossier modura zenbaki honek. Ikastaro
haren helburu nagusiak honakoak ziren: euskarak bere lurraldean dituen
lege-egoera desberdinak kontuan hartuta egoera horiek hobeto ezagutzeko
ahalegina egitea, eta, bestetik, lege-muga horien barruan izan litezkeen
aukerak ezagutzea eta praktikan jartzeko bideez eztabaidatu eta esperientziak
trukatzea ere bilatzen zen.

Ekarpenak bildu ditu orain artikulu modura BAT Aldizkariak. Nolanahi
ere, ohikoa denez, bestelako artikuluak ere eskaintzen ditu GUREAN atalean.
Besteak beste, II Euskal Soziolinguistika Jardunaldiko bi saio ekarri
ditu hona.

Dossierra

Euskararen araubide juridikoa euskal autonomia erkidegoan, Nafarroan
eta Ipar Euskal Herrian. Iñaki Agirreazkuenaga
Euskara eta legeria Ipar Euskal Herrian: Gizarte elebidun baterantz
aukerak eta mugak. Jean-Baptiste Coyos
ILPren kontakizunak. Julen Urbiola
Milaka urraketa Euskararen legeen babespean. Paul Bilbao
Kontsumitzaileen eta erabiltzaileen 123/2008 dekretua. Hizkuntza
aukera berdintasuna eta askatasuna oinarri. Erramun osa
Hizkuntzak enpresan, legetik haratago. Mikel Irizar

Gurean

Hizkuntza-hazkundea Interneten. Vicent Partal
Euskararen ezagutza eta erabilera, datuek zer diote? Itziar
Elortza, Erramun Osak, Fermin Lazkano, Olatz Altuna.
Euskararen Historia Soziala: Euskararen azterketarako eredua. Lionel
Joly

Liburu-aipamena

El futuro de las lenguas. Diversidad frente a uniformidad (B. Urangak,
M. Maraña ed.). Andoni Barreña

Informazio gehiago:

http://www.soziolinguistika.org/eu/node/1851

EKIMENAK
ETA KANPAINAK

EUSKARAZ
SEGURUAGO KANPAINA ABIATU DUTE KONTSEILUAK, ZIURTAGIRIAREN ELKARTEAK
ETA BEHATOKIAK

Euskararen Gizarte Erakundeen Kontseiluak, Hizkuntz Eskubideen Behatokiak
eta Ziurtagiriaren Elkarteak Euskaraz seguruago, aseguru-etxeetan eragiteko
ekintza-plana abiatu dute. egunerokoan aseguru-etxeekin izaten diren harremanetan
entitateek zerbitzua euskaraz ematea eta lana ere euskaraz egitea bultzatu
nahirik.

Informazio gehiago:

HIZKUNTZEN LEGEAK EUSKARAREN BEHARRAK KONTUAN HARTZEKO ESKATU DU EUSKAL
KONFEDERAZIOAK

Max Brisson Euskararen Erakunde Publikoko presidenteak Euskal Konfederazioaren
proposamena helarazi dio Frantziako Gobernuari, euskararen beharrak kontuan
hartzeko eskatuz. Hau da, gutxienez Frantses hizkuntzaren parean lurraldeari
dagokion hizkuntza ofizialki onartzea eskatzen du, hizkuntzen biziraupena
eta transmisioa, hiztun kopuruaren beherakada aldatzea, belaunaldi osoak
euskalduntzea helburu duen hizkuntza politika eraginkorra osatzea.

Informazio gehiago:

EUROPAKO ERKIDEGOETAKO JUSTIZIA AUZITEGIAREN
AURREAN EUSKARA ERABILI AHAL IZANGO DA

Europako Erkidegoetako Justizia Auzitegiak Espainiako Gobernuarekin
sinaturiko akordio-hitzarmenaren bitartez erakunde horretara jotzen duten
herritarrek euskaraz, katalanez edo galegoz idatziriko erantzunak jasotzeko
aukera izango dute. Hala ere, kontuan izan behar da akordio horretatik
kanpo geratzen direla izaera juridikoa dutena idatziak, hau da, lege-mailako
arauen aplikazioei buruzkoak.

Informazio gehiago:

HIZKUNTZEN EUROPAKO MARKO BATERATUAN UZTARTU DIRA
EUSKARA-GAITASUN TITULUAK

Eusko Jaurlaritzak Euskara-gaitasun agirien baliokidetza sistema osatu
du, eta egiaztagiri guztiak elkarrekin baliokidetuko dituen Dekretua onartu
du. Dekretu horren bitartez Hizkuntzen Europako Erreferentzi Marko Bateratura
finkatu zituen 64/2008 Dekretua egokitu du eta handik kanpo geratu ziren
titulazioak sartu ditu bere baitan.

Informazio gehiago:

EITB-K SORTZEN DUEN TESTU-MASA EUSKALTZAINDIAREN
ESKUETAN JARRIKO DU

Euskaltzaindiak eta EITB-k hitzarmena sinatu zuten pasa den apirilean
EiTB-k ekoitzi dituen hainbat testu Euskaltzaindiaren eskuetan jartzeko,
Akademiak Lexikoaren Behatokia deritzan egitasmoa garatu dezan. Hitzarmena
Andres Urrutia euskaltzainburuak eta Julian Beloki EiTB taldeko irratietako
zuzendari-koordinatzaileak sinatu zuten, eta modu horretan EITBren materialak
Euskaltzaindiaren Lexikoaren Behatokiaren corpusa osatzeko erabiliko dira.

Informazio gehiago:

KATALUNIAKO GENERALITATEKO HIRUKOAK ETA
CIU-K ZINEMAREN LEGE BERRIAREN INGURUKO PROPOSAMENA AURKEZTUKO DUTE

Kataluniako Generalitateko hirukoak eta CiU-k Zinemaren Lege berriaren
inguruko proposamena aurkeztuko dute Parlamentuan. Lege berriaren arabera,
zinema aretoetako estreinaldien erdiak katalanez bikoiztuta edo azpidatzita
eman beharko dira. Gaur egun, emanaldien %3 besterik ez dira katalanez.
Banatzaileek, adibidez, ale kopuru bera bikoiztu beharko dute katalanez
eta gaztelaniaz. PP eta Ciutadans alderdiak proposamenaren aurka agertu
dira.

Informazio gehiago:

IBERIAR PENINTSULAKO HIZKUNTZEN INGURUKO
INSTITUTUA SORTU DUTE HAINBAT UNIBERTSITATEKO SOZIOLINGUISTIKAKO IRAKASLEEK

Benasqueko Udalaren eta Aragoiko Gobernuaren babesarekin Institutuaren
fundazio-bilera burutu zen apirilaren 25ean, Benasque bertan. Bere helburua
penintsulako hizkuntzen arteko elkarbizitza sustatzea da esparru publikoan
zein pribatuan. Ekimen honetan parte hartu dute Bartzelona, Alcala de
Henares, A Coruña, Girona, Santiago, Valentzia, Zaragoza eta EHUko
irakasleek parte hartu dute.

Informazio gehiago:

http://www.elpais.com/articulo/Galicia/Sociolinguistas/universidades/espanolas/crean/instituto/lenguas/Peninsula/elpepuespgal/20090425elpgal_18/Tes

IKERKETAK
ETA ARGITALPENAK

IV.
MAPA SOZIOLINGUISTIKOA

Eusko Jaurlaritzak IV. Mapa Soziolinguistikoaren datuak aurkeztu ditu.
Mapa hau, batez ere, 2006an IV. Inkesta Soziolinguistikorako bildu ziren
datuetan oinarritzen da. Hala ere, Inkesta soziolinguistikoak hamabost
urte baino gehiagoko biztanleak hartzen bazituen ere, Mapa soziolinguistikoak,
Euskal Autonomia Erkidegoko biztanleria osoa hartzen du aintzat. Mapa
soziolinguistikoak lau aldagai aztertzen ditu: hizkuntza-gaitasunaren
bilakaera; biztanleriaren lehen hizkuntza; hizkuntza-gaitasunaren eta
lehen hizkuntzaren arteko gurutzaketa, BILA indizea (hizkuntza-bilakaeraren
indizea); eta etxeko erabilera.

Informazio gehiago:

ERDALDUNEN EUSKARAREKIKO AURREIRITZIAK ETA JARRERAK
IKERKETAREN EMAITZAK AURKEZTU DITU UNESCO ETXEAK

UNESCO Etxeko eta Munduko Hizkuntza Ondarearen UNESCO Katedrako Amarauna
ikerlari-taldeak eginiko Erdaldunen euskararekiko aurreiritziak eta jarrerak
izeneko ikerketa aurkeztu dute Bilbon Eusko Jaurlaritzako Hizkuntza Politikarako
Sailburuordetzak eta egileek.

Lanaren helburu nagusiak bi dira: batetik, erdaldunen euskararekiko
uste eta jarrerak zeintzuk diren eta elebitasunerako mesedegarri eta oztopotzaile
diren aurreiritziak arakatzea; bestetik, jarrerok euskaldunak ez diren
EAEko 18-55 urte bitarteko biztanlerian zein maiztasunarekin ageri diren
antzematea.

Informazio gehiago:

NAFARROAKO UNIBERTSITATE PUBLIKOKO IKASLEEK HEZKUNTZA
ELEBIDUNAREN AURREAN DITUZTEN JARRERAK AZTERTZEN DITUEN LIBURUA AURKEZTU
DA

Nafarroako Unibertsitate Publikoko ikasleen artean burutu dute Pablo
Sotés, Nekane Oroz eta Carlos Vilches-ek jarreren eta usten, eta
elebitasunaren eta hezkuntza elebidunaren inguruko ikerketa-lana.

Nafarroako Gobernuak finantzatutako lan honetako landa-lana 2005ean
burutu zen, eta laginean 2.000tik gora ikaslek hartu zuten parte. Horretarako,
alde kualitatiboa landu zen eztabaida taldeen bitartez eta kuantitatiboa,
inkestaren bitartez.

Informazio gehiago:

http://www.euskarabidea.es/euskara/albisteak/nafarroako-unibertsitate-publikoko-ikasleek-hezkuntza-elebidunaren-aurrean-dituzten-jarrerak-aztertzen-dituen-liburua-aurkeztu-da

MUNDUKO ARRISKUPEKO HIZKUNTZEN UNESCOREN MAPA
ARGITARATU DA

UNESCOk argitara berri du Munduko Arriskupeko Hizkuntzen Mapa (UNESCO
Atlas of the World’s Languages in Danger), web gunean ere eskuragarri
dagoena. Mundu osoan erreferentzia den Mapa honek hizkuntza aniztasuna
babestu beharraz sentsibilizatu nahi du, eta, eragin, hizkuntza-plangintzetan
lanean dihardutenengan zein hiztun-komunitateengan ere.

Hainbat iturrik adierazten duen bezala, mapa honek ere munduko hizkuntzen
erdia jotzen du desagertze arriskupean, 3000 hizkuntza inguru munduan
osoan zehar.

Informazio gehiago:

EREMU URRIKO HIZKUNTZEN EUROPAKO GUTUNAZ BILTZARRA
BILBON

Bilboko Guggenheim museoan ospatu zen pasa den apirilaren 20an eta 21ean
Eskualdeetako edo eremu urriko hizkuntzen Europako Gutuna: Lorpenak eta
desafioak biltzarra. Hizlarien artean izango ziren besteak beste, Alberto
Lopez Basaguren, Europako Gutunaren Adituen Batzordeko kidea; Patxi Baztarrika
Eusko Jaurlaritzako Hizkuntza Politikarako sailburuordea eta Galiziako
Marisol Lopez eta Kataluniako Bernat Joan i Mari; Anjel Lertxundi idazlea;
Alexei Kozhemyakov, Eskualdeetako edo Eremu Urriko Hizkuntzen Europako
Gutunaren Idazkaritzako burua eta Pirkko Nuolijärvi, Finlandiako
Hizkuntzen Institutuko kidea.

Informazio gehiago:

KORRIKA 16

Mikel Laboari eta Enrike Knörri omen eginez eman zitzaion amaiera
apirilaren 6an Korrika 16.ari Gasteizen. Parte-hartzea inoiz izan den
handienarekin itxi da aurtengo edizioa. Arduradunen hitzetan, ez soilik
korrika eginez, baita herriz herriko batzordeetan parte hartuz eta, nola
ez, Korrika Kulturalean antolaturiko 300 ekitaldietan parte hartuz arrakasta
oso handia izan du. Ezin ahaztu bestalde Euskal Herritik haratago ere
jaso duen babesa eta laguntza ezin hobea. Horren lekuko atzerrian egindako
korrikak: Bartzelona, Madril, Argentina, Uruguay, Mexico, Txina, New York
eta London.

Informazio gehiago:

AGENDA

UDALETAKO
ZERBITZUEN I TOPAKETAK – UDALTOP (MAIATZAK 7-8)

Lasarte-Oriako Udalak eta Gipuzkoako Foru Aldundiak elkarlanean antolatutako
Udaltop Udaletako Euskara-zerbitzuen I. Topaketa, maiatzaren 7an eta 8an,
Lasarte-Oriako Manuel Lekuona kultur etxean burutuko da.

Nola indartu euskararen erabilera familietan? topaketaren izenburuari
jarrituz parte hartuko duten hizlariak honakoak dira: Mikel Zalbide, Rosa
Ramos, Patri Arburua, Jose Luis Agirretxe, Karmele Aurrekoetxea, Pablo
Sagardoy, Pablo Suberbiola, Pello Jauregi eta Aita Larramendi ikastolako
ordezkaria.

Landuko diren gaien arten honakoak daude: Familia Bidezko Euskararen
Jarraipena Oarsoaldean, EAEko euskararen belaunez belauneko transmisioa,
Bikoteen artean hizkuntza ohituren aldaketa. Berezko taldeak eta hizkuntza:
bihotzaren arrazoiak, Nola heldu transmisioaren gaiari? Eta Adimen emozionalaren
lanketaren bidez familia barruko euskararen erabileran eragiteko saiakera.

Informazio gehiago:

http://www.udaltop.com/

INFORMATIKARI EUSKALDUNEN VII. BILKURA OSPATUKO
DA (MAIATZAK 7)

Euskal Udako Unibertsitateko Informatika Sailak eta Miramon Enpresa Digitalak
antolatu dute informatika eta teknologia berrietan euskaraz lanean ari
direnei zuzendua VII Bilkura.

Teknologia berriak, gaur eta bihar izenburupean Donostiako Miramon Teknologia
Elkartegian burutuko da bilera maiatzaren 7an.

Informazio gehiago:

TRANSMISINOA ETA ERABILEREA JARDUNALDIAK
ANTOLATU DITU MENDEBALDE KULTURA ALKARTEAK (MAIATZAK 8 – 9)

Mendebalde Kultur Elkarteak Euskarearen Transmisioa gai modura hartuta
antolatu ditu bere aurtengo jardunaldiak. 2009ko maiatzaren 8an eta 9an
Euskaltzaindiko Aretoan ospatuko dira, eta bertan izango dira hizlari
Iñaki Martinez de Luna, Itziar Basterretxea, Iñaki Gaminde,
Kike Amonarriz, Mattin Irigoien, Estepan Plazaola, Juanjo Zorrilla, Alberto
Mardones, Manu Etxebarria, Akaitze Kamiruaga, Fredi Paia eta Esti Amorrortu.

Informazio gehiago:

GETXOLINGUAE 2009. HIZKUNTZA-KOMUNIKAZIORAKO
GAITASUNA, METODOLOGIAK ETA IKT (MAIATZAREN 14 – 15)

Urtero bezala, Getxoko Berritzeguneak antolatu ditu Getxolinguae jardunaldiak
maiatzean 14 eta 15erako. Bertan izango dira besteren artean Felipe Zayas,
Iñaki Regidor, Manuel Guerrero, Iñaki Murua eta Ana Sancho
irakasleak eta hainbat ikastetxetako esperientziak ezagutzera emateko
hainbat aditu. Aztertuko diren gaien artean Web 2.0aren erabilera eskolan,
teknologien bidez hizkuntzak lantzea eta Europako ikastetxeen arteko elkartruke
birtuala, linguistiko eta kulturala.

Informazio gehiago:

http://getxolinguae2009.wordpress.com/egitaraua-programa/

IRITZIAK
– ELKARRIZKETAK – ARTIKULUAK

Andres Iñigo Ariztegi. Euskara arrisku bizian
ala kontuzko egoeran?. http://www.euskaltzaindia.net/index.php?option=com_content&Itemid=1&catid=121&id=355&lang=eu&view=article
Maria Jose Azurmendi: Linguistikoki dominatzaileak
ez bagara ere, hala bagina legez jokatu behar genuke.http://www.argia.com/argia-astekaria/2173/maria-jose-azurmendi/osoa
Malores Etxeberria. Hizkuntza gutxituak Txikien
etorkizuna kanpoan ere jokatzen da. http://www.argia.com/argia-astekaria/2175/hizkuntza-gutxituak/osoa
Paul Bilbao. Euskararen ezagutza legez zigortu nahi
du Nafarroako Gobernuak. http://www.erabili.com/zer_berri/berriak/1236587121
Sigve Gramstad. Hizkuntza batek aitortza ofizialik
ez badu, hizkuntza gutxietsia da. http://www.berria.info/paperekoa/harian/2009-04-22/015/005/%C2%ABHizkuntza_batek_aitortza_ofizialik_ez_badu_hizkuntza_gutxietsia_da%C2%BB.htm
Juan Carlos Etxegoien ‘Xamar’. Euskara ez, kinkan
dagoena euskaldunon komunitatea da. http://www.argia.com/albistea/euskara-ez-kinkan-dagoena-euskaldunon-komunitatea-da-2
Leonard Orban: Euskara moduko hizkuntzek babestuko
dituzten inguruak behar dituzte. http://www.noticiasdenavarra.com/ediciones/2009/04/28/sociedad/navarra/d28nav12.1578641.php
Thierry Delobel. Gurasoengan eragin behar dugu beldurra
kendu eta ele biko eredua hauta dezaten. http://www.berria.info/paperekoa/harian/2009-04-30/016/005/%ABGurasoengan_eragin_behar_dugu_beldurra_kendu_eta_ele_biko_eredua_hauta_dezaten%BB.htm

Transmisinoa eta erabilerea jardunaldiak

2009-05-04 // Sailkatu gabea // Iruzkinik ez

Mendebalde elkarteak antolatu ditu asteburu honetarako jardunaldi interesgarri batzuk transmisioa eta erabilerari buruz. Egitaraua.

Bitxia bada ere, herri txiki honetan aste berean gai berari buruz beste jardunaldi bat ere egingo da, Lasarten, udaltop jardunaldiak.

Irrikitan gaude bien ekarpenak irakurri ahal izateko …..

Hizkuntzen institutua

2009-04-29 // Sailkatu gabea // Iruzkinik ez

Gaurkoan ez dakart ezer, edo akaso bai. Berritxo bat besterik ez (gure artean uste dut inork ez duela aipatu): hainbat unibertsitateko soziolinguistek sortu dute Iberiar Penintsulako hizkuntzen institutua, eta haren egoitza Benasquen izango da.

OINARRIAK

1. EDUKIA

2. EGILEA

3. FORMATOA

4. LUZERA

5. EPAI-MAHAIA

6. SARIAK

7. ZABALPENA

8. EPEA

9. NORA

10. DATUAK

Badute baloia, badute saskia (bi gainera) baina nekez elkartzen dira ordu berean, toki berean…ari dira…aritzen dira jaurtiketa libreak eginez, bakoitza bere aldetik, binaka, hirunaka inoiz… baina oso mugatuta daude…ase ezinik dabiltza, partida jokatu ezinik.

Bitartean, patio berean, futbolean ari direnak, jokaldiak eginez ari dira, futbolzelaia gainezka…partida jokatzen ari dira. Hamaikako bi talde, ordezko eta guzti…batzuk ez direnean besteak, saskibaloi zaleak ere tartean…asko dira, nahikoa dira…ase betean dabiltza.

Ah, ez ditut aipatu saskiak kendu eta porteriak jarrita patio osoa futbolzelai bihurtu gura dutenak…edo bai…futbol entrenatzaile ahozabalak izan daitezke horiek… baina gure antolaketaz ari gara. Hortxe ikusten dut gakoa.

Autozentratu, baterazentratu, elkarzentratu, ez derrigorrez berdinzentratu…hau guzti hau aro berrian?… Ba ote dago beste biderik?

SOZIOLINGUISTIKA KLUSTERRA

ZEIN HIZKUNTZA HITZ EGITEN DU KOMUNIKAZIO GIZARTEAK? SOZIOLINGUISTIKA KLUSTERRA EHUKO UDAKO IKASTAROETAN

BAT ALDIZKARIA 70 ZENBAKIA KALEAN

EKIMENAK ETA KANPAINAK

EUSKARAZ SEGURUAGO KANPAINA ABIATU DUTE KONTSEILUAK, ZIURTAGIRIAREN ELKARTEAK ETA BEHATOKIAK

HIZKUNTZEN LEGEAK EUSKARAREN BEHARRAK KONTUAN HARTZEKO ESKATU DU EUSKAL KONFEDERAZIOAK

EUROPAKO ERKIDEGOETAKO JUSTIZIA AUZITEGIAREN AURREAN EUSKARA ERABILI AHAL IZANGO DA

HIZKUNTZEN EUROPAKO MARKO BATERATUAN UZTARTU DIRA EUSKARA-GAITASUN TITULUAK

EITB-K SORTZEN DUEN TESTU-MASA EUSKALTZAINDIAREN ESKUETAN JARRIKO DU

KATALUNIAKO GENERALITATEKO HIRUKOAK ETA CIU-K ZINEMAREN LEGE BERRIAREN INGURUKO PROPOSAMENA AURKEZTUKO DUTE

IBERIAR PENINTSULAKO HIZKUNTZEN INGURUKO INSTITUTUA SORTU DUTE HAINBAT UNIBERTSITATEKO SOZIOLINGUISTIKAKO IRAKASLEEK

IKERKETAK ETA ARGITALPENAK

IV. MAPA SOZIOLINGUISTIKOA

ERDALDUNEN EUSKARAREKIKO AURREIRITZIAK ETA JARRERAK IKERKETAREN EMAITZAK AURKEZTU DITU UNESCO ETXEAK

NAFARROAKO UNIBERTSITATE PUBLIKOKO IKASLEEK HEZKUNTZA ELEBIDUNAREN AURREAN DITUZTEN JARRERAK AZTERTZEN DITUEN LIBURUA AURKEZTU DA

MUNDUKO ARRISKUPEKO HIZKUNTZEN UNESCOREN MAPA ARGITARATU DA

EREMU URRIKO HIZKUNTZEN EUROPAKO GUTUNAZ BILTZARRA BILBON

KORRIKA 16

AGENDA

UDALETAKO ZERBITZUEN I TOPAKETAK – UDALTOP (MAIATZAK 7-8)

INFORMATIKARI EUSKALDUNEN VII. BILKURA OSPATUKO DA (MAIATZAK 7)

TRANSMISINOA ETA ERABILEREA JARDUNALDIAK ANTOLATU DITU MENDEBALDE KULTURA ALKARTEAK (MAIATZAK 8 – 9)

GETXOLINGUAE 2009. HIZKUNTZA-KOMUNIKAZIORAKO GAITASUNA, METODOLOGIAK ETA IKT (MAIATZAREN 14 – 15)

IRITZIAK – ELKARRIZKETAK – ARTIKULUAK

Txerra Rodriguez

Azken bidalketak

Iruzkin berriak

Artxiboak

Kategoriak

Meta

Badute baloia, badute saskia (bi gainera) baina nekez elkartzen dira
ordu berean, toki berean…ari dira…aritzen dira jaurtiketa libreak
eginez, bakoitza bere aldetik, binaka, hirunaka inoiz… baina oso
mugatuta daude…ase ezinik dabiltza, partida jokatu ezinik.

Bitartean, patio berean, futbolean ari direnak, jokaldiak eginez
ari dira, futbolzelaia gainezka…partida jokatzen ari dira. Hamaikako
bi talde, ordezko eta guzti…batzuk ez direnean besteak, saskibaloi
zaleak ere tartean…asko dira, nahikoa dira…ase betean dabiltza.

Ah, ez ditut aipatu saskiak kendu eta porteriak jarrita patio osoa
futbolzelai bihurtu gura dutenak…edo bai…futbol entrenatzaile
ahozabalak izan daitezke horiek… baina gure antolaketaz ari gara.
Hortxe ikusten dut gakoa.

Autozentratu, baterazentratu, elkarzentratu, ez derrigorrez
berdinzentratu…hau guzti hau aro berrian?… Ba ote dago beste
biderik?

SOZIOLINGUISTIKA
KLUSTERRA

ZEIN
HIZKUNTZA HITZ EGITEN DU KOMUNIKAZIO GIZARTEAK? SOZIOLINGUISTIKA
KLUSTERRA EHUKO UDAKO IKASTAROETAN

EKIMENAK
ETA KANPAINAK

EUSKARAZ
SEGURUAGO KANPAINA ABIATU DUTE KONTSEILUAK, ZIURTAGIRIAREN ELKARTEAK
ETA BEHATOKIAK

HIZKUNTZEN LEGEAK EUSKARAREN BEHARRAK KONTUAN HARTZEKO ESKATU DU EUSKAL
KONFEDERAZIOAK

EUROPAKO ERKIDEGOETAKO JUSTIZIA AUZITEGIAREN
AURREAN EUSKARA ERABILI AHAL IZANGO DA

HIZKUNTZEN EUROPAKO MARKO BATERATUAN UZTARTU DIRA
EUSKARA-GAITASUN TITULUAK

EITB-K SORTZEN DUEN TESTU-MASA EUSKALTZAINDIAREN
ESKUETAN JARRIKO DU

KATALUNIAKO GENERALITATEKO HIRUKOAK ETA
CIU-K ZINEMAREN LEGE BERRIAREN INGURUKO PROPOSAMENA AURKEZTUKO DUTE

IBERIAR PENINTSULAKO HIZKUNTZEN INGURUKO
INSTITUTUA SORTU DUTE HAINBAT UNIBERTSITATEKO SOZIOLINGUISTIKAKO IRAKASLEEK

IKERKETAK
ETA ARGITALPENAK

IV.
MAPA SOZIOLINGUISTIKOA

ERDALDUNEN EUSKARAREKIKO AURREIRITZIAK ETA JARRERAK
IKERKETAREN EMAITZAK AURKEZTU DITU UNESCO ETXEAK

NAFARROAKO UNIBERTSITATE PUBLIKOKO IKASLEEK HEZKUNTZA
ELEBIDUNAREN AURREAN DITUZTEN JARRERAK AZTERTZEN DITUEN LIBURUA AURKEZTU
DA

MUNDUKO ARRISKUPEKO HIZKUNTZEN UNESCOREN MAPA
ARGITARATU DA

EREMU URRIKO HIZKUNTZEN EUROPAKO GUTUNAZ BILTZARRA
BILBON

UDALETAKO
ZERBITZUEN I TOPAKETAK – UDALTOP (MAIATZAK 7-8)

INFORMATIKARI EUSKALDUNEN VII. BILKURA OSPATUKO
DA (MAIATZAK 7)

TRANSMISINOA ETA ERABILEREA JARDUNALDIAK
ANTOLATU DITU MENDEBALDE KULTURA ALKARTEAK (MAIATZAK 8 – 9)

GETXOLINGUAE 2009. HIZKUNTZA-KOMUNIKAZIORAKO
GAITASUNA, METODOLOGIAK ETA IKT (MAIATZAREN 14 – 15)

IRITZIAK
– ELKARRIZKETAK – ARTIKULUAK