Soziolinguistikaz berripapera: 24. zenbakia

2009-05-06 // Sailkatu gabea // Iruzkinik ez

Oraingoan Soziolinguistikaz berripaperaren 24. zenbakia, itxura eta edukiak aldatuta. Bejondeizuela.

24. zenbakia / 2009ko apirila

Word
dokumentua / Pdf
dokumentua

SOZIOLINGUISTIKA
KLUSTERRA

ZEIN
HIZKUNTZA HITZ EGITEN DU KOMUNIKAZIO GIZARTEAK? SOZIOLINGUISTIKA
KLUSTERRA EHUKO UDAKO IKASTAROETAN

Soziolinguistika Klusterrak soziolinguistikari buruzko ikastaro interesgarri
bat antolatu du Euskal Herriko Unibertsitatearen (UPV-EHU) XXVIII. Uda
Ikastaroetako eskaintzaren barruan.

Zein hizkuntza hitz egiten du komunikazio gizarteak? Galdera
horren inguruan hausnartuko da ikastaroan. “Komunikazioaren gizartea”,
“aro globala”, “hedabideak”, “nortasunaren
eraikuntza” eta “hizkuntzen industria” bezalako hitz
gakoen inguruko azalpenak eta eztabaidak izango dira, soziolinguistikaren
ikuspegitik nagusitzen ari diren gizarte aldaketei aurrea hartu nahian.
Errealitate berriei begira jarriko da beraz ikastaroa, goi mailako hainbat
irakasleren parte hartzearekin. Ikastaroa Donostiako Miramar Jauregian,
ekainaren 22, 23 eta 24an burutuko da, eta izena emateko epea maiatzaren
1etik aurrera zabalik izango da.

Informazio gehiago:

EUSKARA LAN MUNDUAN… LANEAN! SOZIOLINGUISTIKA
KLUSTERRA UDAKO EUSKAL UNIBERTSITATEAN

Soziolinguistika Klusterrak aurten ere Udako Euskal Unibertsitatearen
(UEU) eskaintzaren barruan soziolinguistikari buruzkoa ikastaroa antolatu
du, eta Baionako Unibertsitatean burutuko da uztailaren 8 eta 9an Euskara
lan mundua… lanean! Izenburuarekin. Bertan, lan munduan euskararen erabilerari
bultzada bat eman nahi dioten egitasmoak aztertuko dira. UEUren Udako
ikastaro hau aukera egokia izango da egindakotik ikasi eta eremu berrietara
zabaltzeko eta elkarrekin esperientziak trukatu eta hobetzeko bideaz hausnartzeko.

Informazio gehiago:

SOZIOLINGUISTIKA KLUSTERRA UDALTOP-EN

Gipuzkoako Foru Aldundiak eta Lasarte-Oriako Udalak antolatutako udaletako
euskara-zerbitzuen I. topaketan (UDALTOP – maiatzaren 7-8)) Pablo Suberbiola
Soziolinguistika Klusterreko teknikariak bi hitzaldi emango ditu, egin
berri diren bi ikerketen inguruan. Topaketak Nola indartu euskararen erabilera
familietan? du aztergai nagusi, eta ildo horretan doaz Suberbiola ikerlariak
aurkeztuko dituen bi lanak.

Lehenengoan, Buruntzaldean euskararen transmisioaren inguruko ikerketa-lanaren
ondorioak aurkeztuko ditu; bigarren hitzaldian “Bikoteen artean
hizkuntza ohituren aldaketa” aztertu duen ikerketa-lanaren emaitzak
azalduko ditu. Ikerketa hori Eusko Jaurlaritzako Hizkuntza Politikarako
Sailburuordetzaren eskariz egin du Klusterrak, Pello Jauregi irakaslearen
aholkularitzarekin.

Informazio gehiago:

EUSKARAREN NORMALIZAZIO KASU AURRERATUEN
BIGARREN ARGITALPENA KALERATU DU SOZIOLINGUISTIKA KLUSTERRAK

Zer egin euskara norbere erakundean normalizatzeko? Galdera horri erantzuna
bilatu nahi dio Soziolinguistika Klusterrak 2007. urtean abian jarri zuen
Euskararen Normalizazio Kasu Aurreratuak proiektuaren bidez. Beraz, euskararen
normalizazioan eredugarri diren hizkuntza-kudeaketak aztertzen dira hemen.
Proiektuaren helburu nagusia euskara planak burutzen dituzten hainbat
erakunderen esperientzia eta ezagutza biltzea eta zabaltzea da.

IMH, Makina Erremintaren Institutua eta Bergarako Udala Kasuak aukeratu
ditu aurten Soziolinguistika Klusterrak kasu aurreratu modura, eta bere
emaitzak webgunean daude irakurgai

Informazio gehiago:

Informazio gehiago:

http://www.soziolinguistika.org/eu/node/3839

II EUSKAL SOZIOLINGUISTIKA JARDUNALDIKO
MATERIALAK WEB GUNEAN

Soziolinguistika Klusterrak Web gunean jarri ditu eskuragarri II Euskal
Soziolinguistika Jardunaldiko aurkezpenak eta bideoak. Bertan aurki daitezke
honako mahai-inguru eta hitzaldietako edukiak:

Mahai-ingurua. Euskararen ezagutza eta erabilera. Datuek, zer diote?
, Erramun Osa, Itziar Elorza, Fermin Lazkano, Olatz Altuna. BIDEOA
Tailerra. Nola eragin lantokiko erabileran lidergoaren bidez? (ERALAN
ikerketa proiektua), Nekane Goikoetxea. POWER POINT-a
Tailerra. Haur eta gazteen euskararen erabilera eskola giroan (ARRUE
ikerketa), Iñaki Martinez de Luna. POWER POINT-a
Hitzaldia. Hizkuntzaren Hazkundea Interneten, Vicent Partal. BIDEOA,
POWER POINT-a
Hitzaldia. Teknologia berriak eta euskararen erronka, Iratxe Esnaola,
Gorka Julio. BIDEOA, POWER POINT-a
Mahai-ingurua. Vicent Partal, Iratxe Esnaola, Gorka Julio, Belen
Uranga (Koord). BIDEOA.
ONDORIOEN AURKEZPENA ETA AMAIERA. BIDEOA, POWER POINTa

Informazio gehiago:

Soziolinguistika
klusterra

BAT ALDIZKARIA 70 ZENBAKIA KALEAN

BAT aldizkariaren 70. zenbakiak Euskararen legeak du gai nagusia. Soziolinguistika
Klusterrak Udako Euskal Unibertsitatearekin duen lankidetzaren baitan,
2008an, Euskararen Legeak: Esperientzia Praktikoak eta Aukerak izenburuarekin
emandako ikastaroaren mamia hartu du dossier modura zenbaki honek. Ikastaro
haren helburu nagusiak honakoak ziren: euskarak bere lurraldean dituen
lege-egoera desberdinak kontuan hartuta egoera horiek hobeto ezagutzeko
ahalegina egitea, eta, bestetik, lege-muga horien barruan izan litezkeen
aukerak ezagutzea eta praktikan jartzeko bideez eztabaidatu eta esperientziak
trukatzea ere bilatzen zen.

Ekarpenak bildu ditu orain artikulu modura BAT Aldizkariak. Nolanahi
ere, ohikoa denez, bestelako artikuluak ere eskaintzen ditu GUREAN atalean.
Besteak beste, II Euskal Soziolinguistika Jardunaldiko bi saio ekarri
ditu hona.

Dossierra

Euskararen araubide juridikoa euskal autonomia erkidegoan, Nafarroan
eta Ipar Euskal Herrian. Iñaki Agirreazkuenaga
Euskara eta legeria Ipar Euskal Herrian: Gizarte elebidun baterantz
aukerak eta mugak. Jean-Baptiste Coyos
ILPren kontakizunak. Julen Urbiola
Milaka urraketa Euskararen legeen babespean. Paul Bilbao
Kontsumitzaileen eta erabiltzaileen 123/2008 dekretua. Hizkuntza
aukera berdintasuna eta askatasuna oinarri. Erramun osa
Hizkuntzak enpresan, legetik haratago. Mikel Irizar

Gurean

Hizkuntza-hazkundea Interneten. Vicent Partal
Euskararen ezagutza eta erabilera, datuek zer diote? Itziar
Elortza, Erramun Osak, Fermin Lazkano, Olatz Altuna.
Euskararen Historia Soziala: Euskararen azterketarako eredua. Lionel
Joly

Liburu-aipamena

El futuro de las lenguas. Diversidad frente a uniformidad (B. Urangak,
M. Maraña ed.). Andoni Barreña

Informazio gehiago:

http://www.soziolinguistika.org/eu/node/1851

EKIMENAK
ETA KANPAINAK

EUSKARAZ
SEGURUAGO KANPAINA ABIATU DUTE KONTSEILUAK, ZIURTAGIRIAREN ELKARTEAK
ETA BEHATOKIAK

Euskararen Gizarte Erakundeen Kontseiluak, Hizkuntz Eskubideen Behatokiak
eta Ziurtagiriaren Elkarteak Euskaraz seguruago, aseguru-etxeetan eragiteko
ekintza-plana abiatu dute. egunerokoan aseguru-etxeekin izaten diren harremanetan
entitateek zerbitzua euskaraz ematea eta lana ere euskaraz egitea bultzatu
nahirik.

Informazio gehiago:

HIZKUNTZEN LEGEAK EUSKARAREN BEHARRAK KONTUAN HARTZEKO ESKATU DU EUSKAL
KONFEDERAZIOAK

Max Brisson Euskararen Erakunde Publikoko presidenteak Euskal Konfederazioaren
proposamena helarazi dio Frantziako Gobernuari, euskararen beharrak kontuan
hartzeko eskatuz. Hau da, gutxienez Frantses hizkuntzaren parean lurraldeari
dagokion hizkuntza ofizialki onartzea eskatzen du, hizkuntzen biziraupena
eta transmisioa, hiztun kopuruaren beherakada aldatzea, belaunaldi osoak
euskalduntzea helburu duen hizkuntza politika eraginkorra osatzea.

Informazio gehiago:

EUROPAKO ERKIDEGOETAKO JUSTIZIA AUZITEGIAREN
AURREAN EUSKARA ERABILI AHAL IZANGO DA

Europako Erkidegoetako Justizia Auzitegiak Espainiako Gobernuarekin
sinaturiko akordio-hitzarmenaren bitartez erakunde horretara jotzen duten
herritarrek euskaraz, katalanez edo galegoz idatziriko erantzunak jasotzeko
aukera izango dute. Hala ere, kontuan izan behar da akordio horretatik
kanpo geratzen direla izaera juridikoa dutena idatziak, hau da, lege-mailako
arauen aplikazioei buruzkoak.

Informazio gehiago:

HIZKUNTZEN EUROPAKO MARKO BATERATUAN UZTARTU DIRA
EUSKARA-GAITASUN TITULUAK

Eusko Jaurlaritzak Euskara-gaitasun agirien baliokidetza sistema osatu
du, eta egiaztagiri guztiak elkarrekin baliokidetuko dituen Dekretua onartu
du. Dekretu horren bitartez Hizkuntzen Europako Erreferentzi Marko Bateratura
finkatu zituen 64/2008 Dekretua egokitu du eta handik kanpo geratu ziren
titulazioak sartu ditu bere baitan.

Informazio gehiago:

EITB-K SORTZEN DUEN TESTU-MASA EUSKALTZAINDIAREN
ESKUETAN JARRIKO DU

Euskaltzaindiak eta EITB-k hitzarmena sinatu zuten pasa den apirilean
EiTB-k ekoitzi dituen hainbat testu Euskaltzaindiaren eskuetan jartzeko,
Akademiak Lexikoaren Behatokia deritzan egitasmoa garatu dezan. Hitzarmena
Andres Urrutia euskaltzainburuak eta Julian Beloki EiTB taldeko irratietako
zuzendari-koordinatzaileak sinatu zuten, eta modu horretan EITBren materialak
Euskaltzaindiaren Lexikoaren Behatokiaren corpusa osatzeko erabiliko dira.

Informazio gehiago:

KATALUNIAKO GENERALITATEKO HIRUKOAK ETA
CIU-K ZINEMAREN LEGE BERRIAREN INGURUKO PROPOSAMENA AURKEZTUKO DUTE

Kataluniako Generalitateko hirukoak eta CiU-k Zinemaren Lege berriaren
inguruko proposamena aurkeztuko dute Parlamentuan. Lege berriaren arabera,
zinema aretoetako estreinaldien erdiak katalanez bikoiztuta edo azpidatzita
eman beharko dira. Gaur egun, emanaldien %3 besterik ez dira katalanez.
Banatzaileek, adibidez, ale kopuru bera bikoiztu beharko dute katalanez
eta gaztelaniaz. PP eta Ciutadans alderdiak proposamenaren aurka agertu
dira.

Informazio gehiago:

IBERIAR PENINTSULAKO HIZKUNTZEN INGURUKO
INSTITUTUA SORTU DUTE HAINBAT UNIBERTSITATEKO SOZIOLINGUISTIKAKO IRAKASLEEK

Benasqueko Udalaren eta Aragoiko Gobernuaren babesarekin Institutuaren
fundazio-bilera burutu zen apirilaren 25ean, Benasque bertan. Bere helburua
penintsulako hizkuntzen arteko elkarbizitza sustatzea da esparru publikoan
zein pribatuan. Ekimen honetan parte hartu dute Bartzelona, Alcala de
Henares, A Coruña, Girona, Santiago, Valentzia, Zaragoza eta EHUko
irakasleek parte hartu dute.

Informazio gehiago:

http://www.elpais.com/articulo/Galicia/Sociolinguistas/universidades/espanolas/crean/instituto/lenguas/Peninsula/elpepuespgal/20090425elpgal_18/Tes

IKERKETAK
ETA ARGITALPENAK

IV.
MAPA SOZIOLINGUISTIKOA

Eusko Jaurlaritzak IV. Mapa Soziolinguistikoaren datuak aurkeztu ditu.
Mapa hau, batez ere, 2006an IV. Inkesta Soziolinguistikorako bildu ziren
datuetan oinarritzen da. Hala ere, Inkesta soziolinguistikoak hamabost
urte baino gehiagoko biztanleak hartzen bazituen ere, Mapa soziolinguistikoak,
Euskal Autonomia Erkidegoko biztanleria osoa hartzen du aintzat. Mapa
soziolinguistikoak lau aldagai aztertzen ditu: hizkuntza-gaitasunaren
bilakaera; biztanleriaren lehen hizkuntza; hizkuntza-gaitasunaren eta
lehen hizkuntzaren arteko gurutzaketa, BILA indizea (hizkuntza-bilakaeraren
indizea); eta etxeko erabilera.

Informazio gehiago:

ERDALDUNEN EUSKARAREKIKO AURREIRITZIAK ETA JARRERAK
IKERKETAREN EMAITZAK AURKEZTU DITU UNESCO ETXEAK

UNESCO Etxeko eta Munduko Hizkuntza Ondarearen UNESCO Katedrako Amarauna
ikerlari-taldeak eginiko Erdaldunen euskararekiko aurreiritziak eta jarrerak
izeneko ikerketa aurkeztu dute Bilbon Eusko Jaurlaritzako Hizkuntza Politikarako
Sailburuordetzak eta egileek.

Lanaren helburu nagusiak bi dira: batetik, erdaldunen euskararekiko
uste eta jarrerak zeintzuk diren eta elebitasunerako mesedegarri eta oztopotzaile
diren aurreiritziak arakatzea; bestetik, jarrerok euskaldunak ez diren
EAEko 18-55 urte bitarteko biztanlerian zein maiztasunarekin ageri diren
antzematea.

Informazio gehiago:

NAFARROAKO UNIBERTSITATE PUBLIKOKO IKASLEEK HEZKUNTZA
ELEBIDUNAREN AURREAN DITUZTEN JARRERAK AZTERTZEN DITUEN LIBURUA AURKEZTU
DA

Nafarroako Unibertsitate Publikoko ikasleen artean burutu dute Pablo
Sotés, Nekane Oroz eta Carlos Vilches-ek jarreren eta usten, eta
elebitasunaren eta hezkuntza elebidunaren inguruko ikerketa-lana.

Nafarroako Gobernuak finantzatutako lan honetako landa-lana 2005ean
burutu zen, eta laginean 2.000tik gora ikaslek hartu zuten parte. Horretarako,
alde kualitatiboa landu zen eztabaida taldeen bitartez eta kuantitatiboa,
inkestaren bitartez.

Informazio gehiago:

http://www.euskarabidea.es/euskara/albisteak/nafarroako-unibertsitate-publikoko-ikasleek-hezkuntza-elebidunaren-aurrean-dituzten-jarrerak-aztertzen-dituen-liburua-aurkeztu-da

MUNDUKO ARRISKUPEKO HIZKUNTZEN UNESCOREN MAPA
ARGITARATU DA

UNESCOk argitara berri du Munduko Arriskupeko Hizkuntzen Mapa (UNESCO
Atlas of the World’s Languages in Danger), web gunean ere eskuragarri
dagoena. Mundu osoan erreferentzia den Mapa honek hizkuntza aniztasuna
babestu beharraz sentsibilizatu nahi du, eta, eragin, hizkuntza-plangintzetan
lanean dihardutenengan zein hiztun-komunitateengan ere.

Hainbat iturrik adierazten duen bezala, mapa honek ere munduko hizkuntzen
erdia jotzen du desagertze arriskupean, 3000 hizkuntza inguru munduan
osoan zehar.

Informazio gehiago:

EREMU URRIKO HIZKUNTZEN EUROPAKO GUTUNAZ BILTZARRA
BILBON

Bilboko Guggenheim museoan ospatu zen pasa den apirilaren 20an eta 21ean
Eskualdeetako edo eremu urriko hizkuntzen Europako Gutuna: Lorpenak eta
desafioak biltzarra. Hizlarien artean izango ziren besteak beste, Alberto
Lopez Basaguren, Europako Gutunaren Adituen Batzordeko kidea; Patxi Baztarrika
Eusko Jaurlaritzako Hizkuntza Politikarako sailburuordea eta Galiziako
Marisol Lopez eta Kataluniako Bernat Joan i Mari; Anjel Lertxundi idazlea;
Alexei Kozhemyakov, Eskualdeetako edo Eremu Urriko Hizkuntzen Europako
Gutunaren Idazkaritzako burua eta Pirkko Nuolijärvi, Finlandiako
Hizkuntzen Institutuko kidea.

Informazio gehiago:

KORRIKA 16

Mikel Laboari eta Enrike Knörri omen eginez eman zitzaion amaiera
apirilaren 6an Korrika 16.ari Gasteizen. Parte-hartzea inoiz izan den
handienarekin itxi da aurtengo edizioa. Arduradunen hitzetan, ez soilik
korrika eginez, baita herriz herriko batzordeetan parte hartuz eta, nola
ez, Korrika Kulturalean antolaturiko 300 ekitaldietan parte hartuz arrakasta
oso handia izan du. Ezin ahaztu bestalde Euskal Herritik haratago ere
jaso duen babesa eta laguntza ezin hobea. Horren lekuko atzerrian egindako
korrikak: Bartzelona, Madril, Argentina, Uruguay, Mexico, Txina, New York
eta London.

Informazio gehiago:

AGENDA

UDALETAKO
ZERBITZUEN I TOPAKETAK – UDALTOP (MAIATZAK 7-8)

Lasarte-Oriako Udalak eta Gipuzkoako Foru Aldundiak elkarlanean antolatutako
Udaltop Udaletako Euskara-zerbitzuen I. Topaketa, maiatzaren 7an eta 8an,
Lasarte-Oriako Manuel Lekuona kultur etxean burutuko da.

Nola indartu euskararen erabilera familietan? topaketaren izenburuari
jarrituz parte hartuko duten hizlariak honakoak dira: Mikel Zalbide, Rosa
Ramos, Patri Arburua, Jose Luis Agirretxe, Karmele Aurrekoetxea, Pablo
Sagardoy, Pablo Suberbiola, Pello Jauregi eta Aita Larramendi ikastolako
ordezkaria.

Landuko diren gaien arten honakoak daude: Familia Bidezko Euskararen
Jarraipena Oarsoaldean, EAEko euskararen belaunez belauneko transmisioa,
Bikoteen artean hizkuntza ohituren aldaketa. Berezko taldeak eta hizkuntza:
bihotzaren arrazoiak, Nola heldu transmisioaren gaiari? Eta Adimen emozionalaren
lanketaren bidez familia barruko euskararen erabileran eragiteko saiakera.

Informazio gehiago:

http://www.udaltop.com/

INFORMATIKARI EUSKALDUNEN VII. BILKURA OSPATUKO
DA (MAIATZAK 7)

Euskal Udako Unibertsitateko Informatika Sailak eta Miramon Enpresa Digitalak
antolatu dute informatika eta teknologia berrietan euskaraz lanean ari
direnei zuzendua VII Bilkura.

Teknologia berriak, gaur eta bihar izenburupean Donostiako Miramon Teknologia
Elkartegian burutuko da bilera maiatzaren 7an.

Informazio gehiago:

TRANSMISINOA ETA ERABILEREA JARDUNALDIAK
ANTOLATU DITU MENDEBALDE KULTURA ALKARTEAK (MAIATZAK 8 – 9)

Mendebalde Kultur Elkarteak Euskarearen Transmisioa gai modura hartuta
antolatu ditu bere aurtengo jardunaldiak. 2009ko maiatzaren 8an eta 9an
Euskaltzaindiko Aretoan ospatuko dira, eta bertan izango dira hizlari
Iñaki Martinez de Luna, Itziar Basterretxea, Iñaki Gaminde,
Kike Amonarriz, Mattin Irigoien, Estepan Plazaola, Juanjo Zorrilla, Alberto
Mardones, Manu Etxebarria, Akaitze Kamiruaga, Fredi Paia eta Esti Amorrortu.

Informazio gehiago:

GETXOLINGUAE 2009. HIZKUNTZA-KOMUNIKAZIORAKO
GAITASUNA, METODOLOGIAK ETA IKT (MAIATZAREN 14 – 15)

Urtero bezala, Getxoko Berritzeguneak antolatu ditu Getxolinguae jardunaldiak
maiatzean 14 eta 15erako. Bertan izango dira besteren artean Felipe Zayas,
Iñaki Regidor, Manuel Guerrero, Iñaki Murua eta Ana Sancho
irakasleak eta hainbat ikastetxetako esperientziak ezagutzera emateko
hainbat aditu. Aztertuko diren gaien artean Web 2.0aren erabilera eskolan,
teknologien bidez hizkuntzak lantzea eta Europako ikastetxeen arteko elkartruke
birtuala, linguistiko eta kulturala.

Informazio gehiago:

http://getxolinguae2009.wordpress.com/egitaraua-programa/

IRITZIAK
– ELKARRIZKETAK – ARTIKULUAK

Andres Iñigo Ariztegi. Euskara arrisku bizian
ala kontuzko egoeran?. http://www.euskaltzaindia.net/index.php?option=com_content&Itemid=1&catid=121&id=355&lang=eu&view=article
Maria Jose Azurmendi: Linguistikoki dominatzaileak
ez bagara ere, hala bagina legez jokatu behar genuke.http://www.argia.com/argia-astekaria/2173/maria-jose-azurmendi/osoa
Malores Etxeberria. Hizkuntza gutxituak Txikien
etorkizuna kanpoan ere jokatzen da. http://www.argia.com/argia-astekaria/2175/hizkuntza-gutxituak/osoa
Paul Bilbao. Euskararen ezagutza legez zigortu nahi
du Nafarroako Gobernuak. http://www.erabili.com/zer_berri/berriak/1236587121
Sigve Gramstad. Hizkuntza batek aitortza ofizialik
ez badu, hizkuntza gutxietsia da. http://www.berria.info/paperekoa/harian/2009-04-22/015/005/%C2%ABHizkuntza_batek_aitortza_ofizialik_ez_badu_hizkuntza_gutxietsia_da%C2%BB.htm
Juan Carlos Etxegoien ‘Xamar’. Euskara ez, kinkan
dagoena euskaldunon komunitatea da. http://www.argia.com/albistea/euskara-ez-kinkan-dagoena-euskaldunon-komunitatea-da-2
Leonard Orban: Euskara moduko hizkuntzek babestuko
dituzten inguruak behar dituzte. http://www.noticiasdenavarra.com/ediciones/2009/04/28/sociedad/navarra/d28nav12.1578641.php
Thierry Delobel. Gurasoengan eragin behar dugu beldurra
kendu eta ele biko eredua hauta dezaten. http://www.berria.info/paperekoa/harian/2009-04-30/016/005/%ABGurasoengan_eragin_behar_dugu_beldurra_kendu_eta_ele_biko_eredua_hauta_dezaten%BB.htm

Transmisinoa eta erabilerea jardunaldiak

2009-05-04 // Sailkatu gabea // Iruzkinik ez

Mendebalde elkarteak antolatu ditu asteburu honetarako jardunaldi interesgarri batzuk transmisioa eta erabilerari buruz. Egitaraua.

Bitxia bada ere, herri txiki honetan aste berean gai berari buruz beste jardunaldi bat ere egingo da, Lasarten, udaltop jardunaldiak.

Irrikitan gaude bien ekarpenak irakurri ahal izateko …..

Hizkuntzen institutua

2009-04-29 // Sailkatu gabea // Iruzkinik ez

Gaurkoan ez dakart ezer, edo akaso bai. Berritxo bat besterik ez (gure artean uste dut inork ez duela aipatu): hainbat unibertsitateko soziolinguistek sortu dute Iberiar Penintsulako hizkuntzen institutua, eta haren egoitza Benasquen izango da.

2006ko datuak hiru urte beranduago

2009-04-27 // Sailkatu gabea // 2 iruzkin

Pasa den ostiralean argitara eman zuten Inkesta soziolinguistikoa. Ez dut horren emaitzik aipatu nahi, ez dut haren metodologia epaitu nahi. Bakoitzak aterako ditu nahi dituen ondorioak, eta nahi duenari erreparatuko dio. Aurrerantzean neuk ere egingo dut ariketa hori.

Dena den, galdera bat datorkit burura eta ezin pasa hori egin gabe: inkestaren datuak 2006koak dira. Zergatik tardatu dute hiru urte emaitza horiek kaleratzen? Ez dut ulertzen, datuak 2006an ez ematea ulertzen dut, inkluso 2007an. Baina 2008an ez, eta 2009ko apirilean? Ez dut ulertzen …….

Inkesta soziolinguistikoa.

Euskararen Normalizazio Kasu Aurreratu berriak kaleratu ditu Soziolinguistika Klusterrak

2009-04-24 // Sailkatu gabea // Iruzkinik ez

Soziolinguistika Klusterretik bidali didate hau blogean igotzeko. Mila esker.

Zer egin euskara norbere erakundean normalizatzeko?
Galdera horri erantzuna bilatu nahi dio Soziolinguistika Klusterrak,
2007. urtean abiatu zen Euskararen Normalizazio Kasu Aurreratuak
proiektuaren bidez.

Euskararen Normalizazio Kasu Aurreratuak sortzeko Ezagutzaren Klusterrak egindako Kudeaketa Aurreratuko Enpresak
argitalpenak eredu hartu eta soziolinguistika arlora egokitu dira.
Beraz, kudeaketan eredugarri diren kasuen ordez, euskararen
normalizazioan eredugarri direnak aztertzen dira hemen. Proiektuaren
helburu nagusia euskara planekin abiatu diren erakundeen esperientzia
eta ezagutza bildu eta zabaltzea da. Erakundeak enpresa, administrazio
nahiz hezkuntza arlokoak izan daitezke. 10-15 orrialdeko kontaketa hiru
hizkuntzetan egin da: euskaraz, gaztelaniaz eta frantsesez.

2008ko lanaren fruitu dira IMH, Makina Erremintaren Institutua eta Bergarako Udala Kasuak eta Soziolinguistika Klusterraren webgunean daude irakurgai. UEU eta Soziolinguistika Klusterrak Udako Ikastaroetarako antolatu duten Euskara lan munduan… lanean! soziolinguistika ikastaroan Kasu hauen berri emango da.

IMHko Kasua: Makina bat erreminta euskararentzat

IMH, Makina Erremintaren Institutua, Berrikuntza Teknologikorako
Zentroa eta Lanbide Heziketa Eskola da. Makina-Erremintaren
prestakuntzaren munduan euskara ezartzen aitzindari izan da,
prestakuntzari eta zerbitzu eskaintzari dagokionean.

Ingurune euskaldunak baldintzatuta sortu zen euskara plana IMHn, inguruarekiko eta nortasun eta kulturarekiko koherentziaz.

Kasu hau aztertzean, hainbat puntu iruditu zaizkigu interesgarri:

IMHren ezaugarrien artean, gizartearekiko erantzukizuna dago:
ikusmira etikoa kontuan hartuta, araudiak dioena eta gizartearen
aurreiritziak gainditu nahi dituzte. Hori horrela izanik, beren
erronketako bat da ingurua errespetatzea eta onartzea, beste arloetan
bezala, baita hizkuntzarenean ere. Horregatik, formazioa eskaintzeaz
gain, zentroko giroak ere euskalduna izatea dute erronka.

GOAZEN egitasmoa eta HKS (Hizkuntzak Kudeatzeko Sistema) dira IMHko
hizkuntzen kudeaketa antolatu eta gauzatzeko sistemak. HKS IMHn
ezarritako kalitate eta ingurumen sistemetan eta Eusko Jaurlaritzaren
EME-Erabilera Marko Estandarrean oinarritu da.

Bergarako Udaleko Kasua: Herria eta Udala euskaraz

Herri euskalduna izateaz gain, euskaraz bizi nahi duen herria da.
Nahi hori gauzatzeko Bergarako Udalak barrura eta kanpora begira
martxan duen euskara plana aurrera darama, koherentziaz.

Kasu honetan, puntu hauek azpimarratu ditugu:

Bergarako Udalaren ezaugarriei dagokienez, 15.000 biztanle inguruko
XXI. mendeko herri euskalduna da Bergara. EUSTATen 2006ko datuen
arabera, herritarren %68 da euskalduna. 1986an sortu zen Bergarako
Udalean Euskara Zerbitzua.

Udalak helburu nagusi hau du: Bergarako ohiko hizkuntza (lanekoa eta
zerbitzuetakoa) euskara izatea, beti ere herritarrak zerbitzu hizkuntza
aukeratzeko duen eskubidea errespetatuz.

Udalak AEBE (Administrazioan Euskara Bultzatu Erabiliz) eta EBPN
(Euskara Biziberritzeko Plan Nagusia) planak erabili ditu udal barrura
eta kanpora begirako lana kudeatzeko.

Bi Kasuetan azpimarratu da euskara planak aurrera egiteko
ezinbesteko faktore bat dago ela: pertsonak. Ezinezkoa da horrelako
plan bat garatzea plan hori “jasango” duten pertsonen oniritzi edo
inplikaziorik ezean. Pertsonen atxikimendua lortzea da lehenengo
pausoa, baina ondoren inplikazioari eustea lortu behar da eta
horretarako ezinbestekoa da dinamizazio egoki bat.

Azken bi Kasu hauez gain, 2007an argitaratutako Kasuak ere gure webgunean daude kontsultagai: ELAY Taldea eta EIKA Koop. E.

Argitalpen hauek paperean jaso nahi izanez gero, Soziolinguistika Klusterrera eskaera egin besterik ez dago: oihana@soziolinguistika.org

Espero dugu Kasu hauek euskara-planen munduan sartu nahi duten
erakundeentzat baliagarri izatea. Horretaz gain, Soziolinguistika
Klusterraren helburuetako bat da arloko eragileekin hausnarketarako
zein esperientziak elkartrukatzeko sareak osatzea eta lan honek
horretan lagundu nahi du.

Bizkarrari bizkar

2009-04-22 // Sailkatu gabea // Iruzkinik ez

Pasa den hilean lan kontuak direla-eta, behin baino gehiagotan joan behar izan dut Gasteizera. Eta autobusez joan naiz. Azken bi egunetan bueltako autobusean nire ondoan jezarri dira Hispaniar Filologiako zenbait ikasle (4 neska hobe esanda).

Lehen egunean, gutxi. Baina bigarrenean eskolari buruz izan ziren berbetan ia bidaia osoa. Ekaina aurretik egin behar duten lan bati buruz, hain zuzen ere. Eta harrituta geratu nintzen.

Zaloa Etxanizen argazkia (CC lizentziatik hartua)

Hemen bertan bizi arren, ze urrun gaude elkarrengandik. Ahozkoan egiten diren akatsei buruz izan behar da lana, eta bakoitzak akats bat hartu behar zuen lana borobiltzeko: dequeismoa, leismoa eta halakoak. Eta euren komentarioak: zer txarto egiten dugu berba eta abar (jakina gaztelania hutsez eta gaztelaniari buruz).

Eta, orduan, irakurtzen ari nintzen liburua utzi eta pentsatzen hasi nintzen. Gurean Amonarrizek eta konpainiak zuzentasuna baztertu eta egokitasuna goratu zuten. Eta ondoan ditugunak oraindik zuzentasunarekin jo eta ke. Guk gainditu dugu hein handi batean (“euskararik onena egiten dena”), baina bi komunitateen artean dagoen amildegiaz ohartzeko nahikoa da. Zuek imajinatzen al duzue Euskal Filologiako ikasle bat beste bati esanez txarto egiten duela berba euskalkian ari delako?

Euskara lan munduan ……….. lanean

2009-04-20 // Sailkatu gabea // Iruzkinik ez

Atzo ekarri nuen hona EHUko udako ikastaroetan soziolinguistikari buruz antolatu den ikastaroa. Eta gaurkoan, berriz, UEUk bere udako ikastaroetan antolatutakoa: Euskara lan munduan …….. lanean. Aipatu egin behar da biek ala biek Soziolinguistika Klusterrak antolatzen dituela.

Egitaraua

Uztailaren 8a, asteazkena
9:00-10:00
Normalizazio Kasu Aurreratuak: zergatik eta zertarako
Karmele Perez Lizarralde (HUHEZI- Mondragon Unibertsitatea)

10:00-11:00
2009ko Kasu Aurreratuak: IMH
Edurne Bilbao eta Isusko Diez
Bergarako Udala – Estepan Plazaola

11:30-12:15
EraLan ikerketa-proiektua
Nekane Goikoetxea (Soziolinguistika Klusterra)

12:15-13:00
Euskal Herriko Laborantza Ganbara: euskararen erabilera sustatzeko plana
Jojo Bordagarai (AEK- Ahize)

15:00-16:30
Jabekuntza (empowermenta) euskara-planetan: egindako ibilbidea
(Elhuyar aholkularitza)

Uztailaren 9a, osteguna
9:00-10:00
Enpresen Gizarte Erantzukizuna, baita euskararen arloan ere-
Kepa Atutxa (Egaratu)

10:00-11:00
Ekolinguistikaren diskurtsoa lan-munduan-
Abel Irizar (Emun)

11:30-12:15
Udaletatik herriko enpresak euskarara erakartzeko diskurtsoa; Buruntzaldeko esperientziatik
Marifer Gorostiza (Lasarte-Oriako Udala)

12:15-13:00
Gernika-Lumoko Udaleko merkataritzaren plangintzaren ibilbidea
Estiñe Astorkia (Artez) eta Bittor Zarrabeitia (Gernika-Lumoko Udala)

15:00-16:30
Tailerra: diskurtsoa egoera zehatzetara egokitzen
Soziolinguistika Klusterra

Zein hizkuntza hitz egiten du komunikazio gizarteak?

2009-04-19 // Sailkatu gabea // Iruzkinik ez

Oraindik apirilean gaude, baina uda geroz eta hurbilago dago. Horren ondorioz, udako ikastaroen berri heltzen ari da handik eta hemendik. Eta hona hemen, Soziolinguistika Klusterrak antolatu duena, EHUrekin batera: Zein hizkuntza hitz egiten du komunikazio gizarteak?

EGITARAUA (pdf)
EKAINAK 22
9:00etan	Dokumentazio banaketa
9:15etan	“Asaba zaharren baratzetik mundu arranora. Euskararen komunikazio-esparrua aro globalean”
	Aitor Zuberogoitia
	HUHEZI – Mondragon Unibertsitatea. Eskoriatza
10:30etan	Etenaldia
10:45etan	“Hizkuntzen aukerak komunikazio gizartean”
	Elin Haf Gruffydd Jones
	Mercator Minority Language Media Network. Aberystwyth. Gales
12:00etan	Etenaldia
12:15etan	“Informazio komunitatea”
	Iban Arantzabal
	Goiena Komunikazio Zerbitzuak. Arrasate
13.30etan	Laburpen saioa / Bibliografiari buruzko saioa

EKAINAK 23
9:15etan	“Erabilera gune berriak sarean”
	Igor Calzada
	Nevadako Unibertsitatea. Reno. Estatu Batuak
10:30etan	Etenaldia
10:45etan	“Galeserazko telebista Galesko komunikabideen eremuan.”
	Elin Haf Gruffydd Jones
	Mercator Minority Language Media Network. Aberystwyth. Gales
12:00etan	Etenaldia
12:15etan	“Euskara digitalizazioaren garaian”
	Josu Amezaga
	Gizarte eta Komunikazio Zientzien Fakultatea. UPV/EHU. Leioa.
13:30etan	Laburpen saioa / Bibliografiari buruzko saioa

EKAINAK 24
9:15etan	“Masa hedabideak eta talde nortasunen eraikuntza”
	Josu Amezaga
	Gizarte eta Komunikazio Zientzien Fakultatea. UPV/EHU. Leioa.
10:30etan	Etenaldia
10:45etan	“Tokian tokikoa globalaren pare”
	Igor Calzada
	Nevadako Unibertsitatea. Reno. Estatu Batuak
12:00etan	Etenaldia
12:15etan	“Hizkuntzen industriaren erronka berriak”
	Josu Waliño
	Elhuyar fundazioa. Usurbil
13:30etan	Laburpen saioa / Bibliografiari buruzko saioa
16:30etan	“Hizkuntza identitateak identitate berrien baitan”
	Igor Calzada
	Nevadako Unibertsitatea. Reno. Estatu Batuak
	Josu Amezaga
	Gizarte eta Komunikazio Zientzien Fakultatea. UPV/EHU. Leioa.
	Jon Sarasua
	HUHEZI – Mondragon Unibertsitatea. Eskoriatza

————————————————————————————————————-
MATRIKULAZIOA

Prezioak:	Maiatzaren 31 arte: 71€
	Ekainaren 1etik aurrera: 84€
	Matrikulazio-orri ofiziala EHU/UPV

Apirilaren 24ra arte beka eskatzeko epea zabalik dago. Interesa izanez gero Soziolinguistika Klusterrean eska daiteke informazio osagarria eta tramitaziorako laguntza: asier@soziolinguistika.org
Balio akademikoa:	30 ordu

Zer transmititu badago

2009-04-14 // Sailkatu gabea // Iruzkinik ez

Aurreko baten ere aipatu genuen Euskal Kulturaren Transmisioa graduondokoa .
Eta gaurkoan ere horrekin gatoz ………..Gainera, euskalgintza eta
hizkuntza komunitatearen modulua amaituta, hemendik aurrera gutxiago
izango dira soziolinguistikari dagozkion edukiak.

Eduki asko igo dituzte graduondoko horren webgunean soziolinguistikari
buruz. Eta blogean garrantzitsuena dena elkarrizketa eta eztabaida
sakon eta mardulak.

Eduki nabarmenenak nire ustez:

– Gazte hizkera eta euskalkiak hizpide (irratsaioa)
– Iñaki Arruti euskara teknikaria eta Jone Miren Hernandez EHUko irakaslea (irratasaioa)
– Zein da Euskal Herriak testuliburuetan duen presentzia? (irratasaioa)
– Xabier Mendiguren eta Kontseilua (irratasaioa)
– Xabier Mendiguren I, polivalientea (blogeko sarrera)
– Apologisten etxea, gurea (blogeko sarrera)
– Lasarten, Ttakunetik dator notizia (blogeko sarrera)
– Mikel Irizar, HP21 eta tribua (blogeko sarrrera)
– Euskalkiak, minorizazioaren altxorrak (blogeko sarrera)
– Gure puebloko nezesidadeak (blogeko sarrera)
– Iñaki Arruti eta Mikel Irizar (bideoa)
– Kike Amonarriz eta Koldo Zuazo (bideoa)
– Jone Miren Hernandez (bideoa)
– Iñaki Arruti (bideoa)
– Xamar (bideoa)
– Xabier Mendiguren (bideoa)
– Iñaki Arrutiren aurkezpena (aurkezpena)
– Mikel Irizarren aurkezpena (aurkezpena)
– Kike Amonarrizen aurkezpena (aurkezpena)
– Iñaki Arrutiren aurkezpena (aurkezpena)
– Xabier Mendigurenen aurkezpena (aurkezpena)
– Arranguratik amets betera (prentsa artikulua)
– Tribuaren berbak (prentsa artikulua)

Autogorrotoaren apologia

2009-04-01 // Sailkatu gabea // 10 iruzkin

Antza, Mayor Orejak honako adierazpenak egin ditu: (ez dut topatu iturri originala inon, bateren batek badaki, …)

“Mi
bisabuelo, de Ibarrangelua, tuvo la enorme visión de prohibir hablar el
vasco en casa y que sus hijos estudiasen fuera y no trabajaran allí. De
no ser así, si yo siguiera en aquel pueblo, quizás sería abertzale y,
probablemente, me detestaría a mí mismo”.

Autogorrotoaren apologia, bai horixe.

SOZIOLINGUISTIKA KLUSTERRA

ZEIN HIZKUNTZA HITZ EGITEN DU KOMUNIKAZIO GIZARTEAK? SOZIOLINGUISTIKA KLUSTERRA EHUKO UDAKO IKASTAROETAN

BAT ALDIZKARIA 70 ZENBAKIA KALEAN

EKIMENAK ETA KANPAINAK

EUSKARAZ SEGURUAGO KANPAINA ABIATU DUTE KONTSEILUAK, ZIURTAGIRIAREN ELKARTEAK ETA BEHATOKIAK

HIZKUNTZEN LEGEAK EUSKARAREN BEHARRAK KONTUAN HARTZEKO ESKATU DU EUSKAL KONFEDERAZIOAK

EUROPAKO ERKIDEGOETAKO JUSTIZIA AUZITEGIAREN AURREAN EUSKARA ERABILI AHAL IZANGO DA

HIZKUNTZEN EUROPAKO MARKO BATERATUAN UZTARTU DIRA EUSKARA-GAITASUN TITULUAK

EITB-K SORTZEN DUEN TESTU-MASA EUSKALTZAINDIAREN ESKUETAN JARRIKO DU

KATALUNIAKO GENERALITATEKO HIRUKOAK ETA CIU-K ZINEMAREN LEGE BERRIAREN INGURUKO PROPOSAMENA AURKEZTUKO DUTE

IBERIAR PENINTSULAKO HIZKUNTZEN INGURUKO INSTITUTUA SORTU DUTE HAINBAT UNIBERTSITATEKO SOZIOLINGUISTIKAKO IRAKASLEEK

IKERKETAK ETA ARGITALPENAK

IV. MAPA SOZIOLINGUISTIKOA

ERDALDUNEN EUSKARAREKIKO AURREIRITZIAK ETA JARRERAK IKERKETAREN EMAITZAK AURKEZTU DITU UNESCO ETXEAK

NAFARROAKO UNIBERTSITATE PUBLIKOKO IKASLEEK HEZKUNTZA ELEBIDUNAREN AURREAN DITUZTEN JARRERAK AZTERTZEN DITUEN LIBURUA AURKEZTU DA

MUNDUKO ARRISKUPEKO HIZKUNTZEN UNESCOREN MAPA ARGITARATU DA

EREMU URRIKO HIZKUNTZEN EUROPAKO GUTUNAZ BILTZARRA BILBON

KORRIKA 16

AGENDA

UDALETAKO ZERBITZUEN I TOPAKETAK – UDALTOP (MAIATZAK 7-8)

INFORMATIKARI EUSKALDUNEN VII. BILKURA OSPATUKO DA (MAIATZAK 7)

TRANSMISINOA ETA ERABILEREA JARDUNALDIAK ANTOLATU DITU MENDEBALDE KULTURA ALKARTEAK (MAIATZAK 8 – 9)

GETXOLINGUAE 2009. HIZKUNTZA-KOMUNIKAZIORAKO GAITASUNA, METODOLOGIAK ETA IKT (MAIATZAREN 14 – 15)

IRITZIAK – ELKARRIZKETAK – ARTIKULUAK

Egitaraua

EGITARAUA (pdf)

————————————————————————————————————- MATRIKULAZIOA

Txerra Rodriguez

Azken bidalketak

Iruzkin berriak

Artxiboak

Kategoriak

Meta

SOZIOLINGUISTIKA
KLUSTERRA

ZEIN
HIZKUNTZA HITZ EGITEN DU KOMUNIKAZIO GIZARTEAK? SOZIOLINGUISTIKA
KLUSTERRA EHUKO UDAKO IKASTAROETAN

EKIMENAK
ETA KANPAINAK

EUSKARAZ
SEGURUAGO KANPAINA ABIATU DUTE KONTSEILUAK, ZIURTAGIRIAREN ELKARTEAK
ETA BEHATOKIAK

HIZKUNTZEN LEGEAK EUSKARAREN BEHARRAK KONTUAN HARTZEKO ESKATU DU EUSKAL
KONFEDERAZIOAK

EUROPAKO ERKIDEGOETAKO JUSTIZIA AUZITEGIAREN
AURREAN EUSKARA ERABILI AHAL IZANGO DA

HIZKUNTZEN EUROPAKO MARKO BATERATUAN UZTARTU DIRA
EUSKARA-GAITASUN TITULUAK

EITB-K SORTZEN DUEN TESTU-MASA EUSKALTZAINDIAREN
ESKUETAN JARRIKO DU

KATALUNIAKO GENERALITATEKO HIRUKOAK ETA
CIU-K ZINEMAREN LEGE BERRIAREN INGURUKO PROPOSAMENA AURKEZTUKO DUTE

IBERIAR PENINTSULAKO HIZKUNTZEN INGURUKO
INSTITUTUA SORTU DUTE HAINBAT UNIBERTSITATEKO SOZIOLINGUISTIKAKO IRAKASLEEK

IKERKETAK
ETA ARGITALPENAK

IV.
MAPA SOZIOLINGUISTIKOA

ERDALDUNEN EUSKARAREKIKO AURREIRITZIAK ETA JARRERAK
IKERKETAREN EMAITZAK AURKEZTU DITU UNESCO ETXEAK

NAFARROAKO UNIBERTSITATE PUBLIKOKO IKASLEEK HEZKUNTZA
ELEBIDUNAREN AURREAN DITUZTEN JARRERAK AZTERTZEN DITUEN LIBURUA AURKEZTU
DA

MUNDUKO ARRISKUPEKO HIZKUNTZEN UNESCOREN MAPA
ARGITARATU DA

EREMU URRIKO HIZKUNTZEN EUROPAKO GUTUNAZ BILTZARRA
BILBON

UDALETAKO
ZERBITZUEN I TOPAKETAK – UDALTOP (MAIATZAK 7-8)

INFORMATIKARI EUSKALDUNEN VII. BILKURA OSPATUKO
DA (MAIATZAK 7)

TRANSMISINOA ETA ERABILEREA JARDUNALDIAK
ANTOLATU DITU MENDEBALDE KULTURA ALKARTEAK (MAIATZAK 8 – 9)

GETXOLINGUAE 2009. HIZKUNTZA-KOMUNIKAZIORAKO
GAITASUNA, METODOLOGIAK ETA IKT (MAIATZAREN 14 – 15)

IRITZIAK
– ELKARRIZKETAK – ARTIKULUAK

————————————————————————————————————-
MATRIKULAZIOA