Hasiera »
Txerraren bloga - Garaigoikoa
Txerra Rodriguez
Soziolinguistikari buruz dihardu blog honek, euskararen hizkuntza komunitatearen ikuspegitik beti ere.
Azken bidalketak
Iruzkin berriak
- Fora da aula - Garaigoikoa(e)k Idatzi nahiko nituzkeen aipu batzuk bidalketan
- Ketxus(e)k Deskodetzea bidalketan
- Txerra Rodriguez(e)k Algoritmoa(k) bidalketan
- allartean(e)k Algoritmoa(k) bidalketan
- Barbarizazioa(e)k A casa do amo bidalketan
Artxiboak
- 2025(e)ko abendua
- 2025(e)ko azaroa
- 2025(e)ko urria
- 2025(e)ko iraila
- 2025(e)ko uztaila
- 2025(e)ko ekaina
- 2025(e)ko maiatza
- 2025(e)ko apirila
- 2025(e)ko martxoa
- 2025(e)ko urtarrila
- 2024(e)ko abendua
- 2024(e)ko azaroa
- 2024(e)ko urria
- 2024(e)ko iraila
- 2024(e)ko uztaila
- 2024(e)ko ekaina
- 2024(e)ko maiatza
- 2024(e)ko apirila
- 2024(e)ko martxoa
- 2024(e)ko otsaila
- 2024(e)ko urtarrila
- 2023(e)ko abendua
- 2023(e)ko azaroa
- 2023(e)ko urria
- 2023(e)ko iraila
- 2023(e)ko uztaila
- 2023(e)ko ekaina
- 2023(e)ko maiatza
- 2023(e)ko apirila
- 2023(e)ko martxoa
- 2023(e)ko otsaila
- 2023(e)ko urtarrila
- 2022(e)ko abendua
- 2022(e)ko azaroa
- 2022(e)ko urria
- 2022(e)ko iraila
- 2022(e)ko abuztua
- 2022(e)ko uztaila
- 2022(e)ko ekaina
- 2022(e)ko maiatza
- 2022(e)ko apirila
- 2022(e)ko martxoa
- 2022(e)ko otsaila
- 2022(e)ko urtarrila
- 2021(e)ko abendua
- 2021(e)ko azaroa
- 2021(e)ko urria
- 2021(e)ko iraila
- 2021(e)ko uztaila
- 2021(e)ko ekaina
- 2021(e)ko maiatza
- 2021(e)ko apirila
- 2021(e)ko martxoa
- 2021(e)ko otsaila
- 2021(e)ko urtarrila
- 2020(e)ko abendua
- 2020(e)ko azaroa
- 2020(e)ko urria
- 2020(e)ko iraila
- 2020(e)ko abuztua
- 2020(e)ko uztaila
- 2020(e)ko ekaina
- 2020(e)ko maiatza
- 2020(e)ko apirila
- 2020(e)ko martxoa
- 2020(e)ko otsaila
- 2020(e)ko urtarrila
- 2019(e)ko abendua
- 2019(e)ko azaroa
- 2019(e)ko urria
- 2019(e)ko iraila
- 2019(e)ko abuztua
- 2019(e)ko uztaila
- 2019(e)ko ekaina
- 2019(e)ko maiatza
- 2019(e)ko apirila
- 2019(e)ko martxoa
- 2019(e)ko otsaila
- 2019(e)ko urtarrila
- 2018(e)ko abendua
- 2018(e)ko azaroa
- 2018(e)ko urria
- 2018(e)ko iraila
- 2018(e)ko uztaila
- 2018(e)ko ekaina
- 2018(e)ko maiatza
- 2018(e)ko apirila
- 2018(e)ko martxoa
- 2018(e)ko otsaila
- 2018(e)ko urtarrila
- 2017(e)ko abendua
- 2017(e)ko azaroa
- 2017(e)ko urria
- 2017(e)ko iraila
- 2017(e)ko uztaila
- 2017(e)ko ekaina
- 2017(e)ko maiatza
- 2017(e)ko apirila
- 2017(e)ko martxoa
- 2017(e)ko otsaila
- 2017(e)ko urtarrila
- 2016(e)ko abendua
- 2016(e)ko azaroa
- 2016(e)ko urria
- 2016(e)ko iraila
- 2016(e)ko abuztua
- 2016(e)ko uztaila
- 2016(e)ko ekaina
- 2016(e)ko maiatza
- 2016(e)ko apirila
- 2016(e)ko martxoa
- 2016(e)ko otsaila
- 2016(e)ko urtarrila
- 2015(e)ko abendua
- 2015(e)ko azaroa
- 2015(e)ko urria
- 2015(e)ko iraila
- 2015(e)ko uztaila
- 2015(e)ko ekaina
- 2015(e)ko maiatza
- 2015(e)ko apirila
- 2015(e)ko martxoa
- 2015(e)ko otsaila
- 2015(e)ko urtarrila
- 2014(e)ko abendua
- 2014(e)ko azaroa
- 2014(e)ko urria
- 2014(e)ko iraila
- 2014(e)ko uztaila
- 2014(e)ko ekaina
- 2014(e)ko maiatza
- 2014(e)ko apirila
- 2014(e)ko martxoa
- 2014(e)ko otsaila
- 2014(e)ko urtarrila
- 2013(e)ko abendua
- 2013(e)ko azaroa
- 2013(e)ko urria
- 2013(e)ko iraila
- 2013(e)ko abuztua
- 2013(e)ko uztaila
- 2013(e)ko ekaina
- 2013(e)ko maiatza
- 2013(e)ko apirila
- 2013(e)ko martxoa
- 2013(e)ko otsaila
- 2013(e)ko urtarrila
- 2012(e)ko abendua
- 2012(e)ko azaroa
- 2012(e)ko urria
- 2012(e)ko iraila
- 2012(e)ko abuztua
- 2012(e)ko uztaila
- 2012(e)ko ekaina
- 2012(e)ko maiatza
- 2012(e)ko apirila
- 2012(e)ko martxoa
- 2012(e)ko otsaila
- 2012(e)ko urtarrila
- 2011(e)ko abendua
- 2011(e)ko azaroa
- 2011(e)ko urria
- 2011(e)ko iraila
- 2011(e)ko abuztua
- 2011(e)ko uztaila
- 2011(e)ko ekaina
- 2011(e)ko maiatza
- 2011(e)ko apirila
- 2011(e)ko martxoa
- 2011(e)ko otsaila
- 2011(e)ko urtarrila
- 2010(e)ko abendua
- 2010(e)ko azaroa
- 2010(e)ko urria
- 2010(e)ko iraila
- 2010(e)ko uztaila
- 2010(e)ko ekaina
- 2010(e)ko maiatza
- 2010(e)ko apirila
- 2010(e)ko martxoa
- 2010(e)ko otsaila
- 2010(e)ko urtarrila
- 2009(e)ko abendua
- 2009(e)ko azaroa
- 2009(e)ko urria
- 2009(e)ko iraila
- 2009(e)ko abuztua
- 2009(e)ko uztaila
- 2009(e)ko ekaina
- 2009(e)ko maiatza
- 2009(e)ko apirila
- 2009(e)ko martxoa
- 2009(e)ko otsaila
- 2009(e)ko urtarrila
- 2008(e)ko abendua
- 2008(e)ko azaroa
- 2008(e)ko urria
- 2008(e)ko iraila
- 2008(e)ko abuztua
- 2008(e)ko uztaila
- 2008(e)ko ekaina
- 2008(e)ko maiatza
- 2008(e)ko apirila
- 2008(e)ko martxoa
- 2008(e)ko otsaila
- 2008(e)ko urtarrila
- 2007(e)ko abendua
- 2007(e)ko azaroa
- 2007(e)ko urria
- 2007(e)ko iraila
- 2007(e)ko uztaila
- 2007(e)ko ekaina
- 2007(e)ko maiatza
- 2007(e)ko apirila
- 2007(e)ko martxoa
- 2007(e)ko otsaila
- 2007(e)ko urtarrila
- 2006(e)ko abendua
- 2006(e)ko azaroa
Hiznet graduondokoan izena emateko epea hasi da
2007-06-11 // Sailkatu gabea // Iruzkinik ez
Euskal Herriko Unibertsitateak
eta Asmoz
Fundazioak euskararen normalkuntzan beharrezkoa den
ezagutza kualifikatuagoa eta sistematikoagoa lortzeko premiari erantzunez
antolatu dute graduondokoa.
Horren ondorioz, elkarrekin Hiznet, Hizkuntza Plangintza on
line ikastaroaren zazpigarren edizioa burutuko dute.
birtuala eta aurrez aurrekoa tartekatuz.
desberdinei erantzuten die.
zabalik. Ikasle kopuru mugatua.
Gainera, aurten aurkezpen bideo eta guzti.
Mintza eguna
2007-06-08 // Sutondoko kontuak // 2 iruzkin
Ez dut Mintza egunari buruzko kronika bat idatziko. Horretarako hainbat aukera daude: Tximintxekoa,
Karrajukoa, Mintzakide, Topagunekoa, Zaharberrikoa, Berriakoa …
Nik egin nahi dudana da irakurketa soziolinguistikoa. Askotan egiten dugu berba plangintzez, kontu teknikoez-eta. Baina ahazten zaigu plangintza horien atzean pertsonak daudela. Eta pertsona horiek emozioak eta sentimenduak dituztela, baita aurreiritziak eta interes ezberdinak ere.
Mintza egunak (eta oro har, berbalagunen mugimenduak) euskararen normalizazioan eragiten du, eta emaitzak, gainera, ikusgarriak dira. Horrez gain, parte hartzen dugunon autoestiman ere eragiten
du. Konplexuak alde batera lagatzeko aukera ematen du mugimendu honek. Baina ez bakarrik trakets moldatzen direnen konplexuak.
Donostian nabaritu nuen euforia giroa, adiskidetasun giroa. Baina, horrez gain, euskararen normalizazioan benetan eragitearen sentsazioa. Eta hori ez da makala, gure euskalgintza honetan.
Horrez gain, euskaldunok ikasten ari direnak gure balizko komunitatera proiektatzeko asmatu dugun biderik emankorrena da. Hobeak egongo dira, baina orain arte ez dugu asmatu bide horiek topatzen.
Naturalagoak izango dira, dudarik ez. Baina gaur egun indarrean dagoen biderik naturalena hauxe da. Eta hortik abiatuta, hizkuntza komunitatearen trinkotzeko bidea. Fishmanek aipatzen duen gertuko komunitatean gainera. Hizkuntzaren transmisioa bermatuko duen gertuko komunitatean.
Harreman sareak eraikitzen ditu Berbalagunak. Eta Mintza egunak harreman sare horiek biderkatzeko aukera ematen du. Benitok dioen modura, urte askotarako.
Portfolioa ostekoa
2007-05-31 // Sailkatu gabea // Iruzkinik ez
Portfolioaren entregak
amaitu egin dira, bederatzi izan dira guztira. Portfolio originalean zegoen
guztia ez da hona ekarri. Gainera, entrega bakoitzean gauza batzuk aldatu egin
dira, baina eduki originala mantentzen saiatu naiz. Aldaketak gehiago izan dira
estilo aldekoak, eduki aldekoak baino. Dena den, ondorioetan bai izan dira
aldaketak, garrantzitsuak gainera. Egia esan, lana egiterakoan azkar egin nuen
ondorioena eta ez nintzen oso gustura geratu. Ez nuen jakin azken unera arte
ondorioak egin behar zirenik.
Portfolioarekin bloga elikatzeko bazka izan dut
hilabete hauetan. Hemendik aurrera, batek daki zerekin elikatuko dudan bloga.
Zaila da eduki interesgarriak topatzea, zaila da behar duen dedikazioa
ateratzea blogari behar bezalako edukia emateko. Baina saiatuko naiz, ez dut
hiltzen utziko, baina agian erritmoa motelduko dut (edo agian ez, hasiera
batean ez nuen uste horrenbeste idatziko nuenik).
Amaitzeko, nire irakurleei portfolioaren
gaineko iritzia eskatu nahiko nieke. Ez lotsatu, idatzi, irakurle dezente
daukat-eta (urtarriletik 3.000 bisita baino gehiago, statcounter-en arabera).
Eskerrak eman nahi dizkiet ere argazkiak lapurtu dizkiedanei: ardazka, topagunea hedabideak, txanoduna eta zior28ri.
Portfolioa ondorioak
2007-05-30 // Sailkatu gabea // Iruzkinik ez
herabea, uzkurra, bere buruarengan konfiantza gutxi duena. Hori behin eta
berriz agertu da portfolioan, baita Txepetx-en teorietan ere.
Gainera, edozein euskaldunak milaka adibide jarri ahal ditu honen
inguruan. Ahulezia hauek hezkuntza elebidunean eragina dute eta ez
nolanahikoa. Nik esango nuke ahulezia hauek baldintzatzen dutela goitik
behera hezkuntza elebiduna.
paregabea erakutsi du. Hala ere, gaitasun horrek berak frogatzen du gure
ahuldadea. Hizkuntza komunitate normalizatuek ez dute guk behar ditugun
bitartekoak aurrera egiteko. Auto-antolaketa bitarteko hauek ere hezkuntza
elebidunean eragina izan dute. Izan ere, ez zaigu ahaztu behar hezkuntza
elebiduna herri mugimenduak sortu zuela orain dela hamarkada batzuk.
behar. Eskolak ezin du hizkuntza baten biziberritzea bere kabuz gauzatu.
Eskolarik gabe ezinezkoa da, baina gizartean gauzatu behar dira aldaketak.
Normalizazioaren zama eskolak ezin du jasan, gizarteak ere hartu behar du
berari dagokiona.
etorkinen aferarekin. Etorkinek ez dute beharrezkoa ikusten euskara
ikastea, salbuespenak salbuespen. Zergatik, baina? Zer egin dugu txarto?
Gizarte honetan euskara jakitea ez da ezinbestekoa, inondik inora. Hortaz,
identitateari loturiko motibazioa ez duen batek zertarako helduko dio
hizkuntza ikasteari? Zerk bultzatua? Gainera, kontuan hartu behar dugu
etorkinen lehentasunen artean azken aurrekoa izan daitekeela gure
hizkuntza ikastea.
zure hizkuntza gaitasuna kamutsa izango da beti. Zeregin batzuetan
moldatuko zara, baina ez duzu lortuko behar besteko gaitasunik.
Erabiltzeak zehazten du ezagutza eta hori ahazten zaie sarritan hezkuntzako
profesionalei. Erabili da, beraz, hitz magikoa, erabiltzea izan behar du,
honenbestez, edozein irakasleren jarduna gidatuko duen printzipioa. Jardun
didaktikoa erabilerara bultzatua izan behar du, erabilera izan behar du
jomuga.
Portfolioa (VIII)
2007-05-28 // Sailkatu gabea // 2 iruzkin
“Amona zabuan”, Anjel Lertxundi (Hitz
beste saila) Berria 2005eko ekainaren 8a
Artikulu zoragarria, itzela. Eta bertsoak bezala antolatuta. Azken
esaldian errematea. Hona ekarri beharrekoa: «hizkuntzaren
irakaskuntzak, ororen gainetik, hitzaren poza eta lilura transmititu behar
ditu».
Esaldi horrek
portfolio honetan zeharka baino ukitu ez dudan eremu batera narama. Gizartea
eta irakaskuntza behin eta berriro aipatuak izan dira, baita euren arteko
harreman dialektikoak ere. Bestelako gaiak ere, baina honako hau ez. Eta
garrantzitsua dela uste dut.
Hizkuntzaren
irakaskuntzan nola edo hala dabiltzanek maiz ez dute hauxe kontuan hartzen.
Askotan ezinezkoa da kontuan hartzea, hitzaren lilura transmititzeko gaitasun
linguistiko eskasa dutelako irakasle askok eta askok. Baina daukatenek ere
hizkera zuzenari baino ez diote kasurik egiten, hizkerak duen gatza eta
piperrari uko eginez.
Kasu honetan ere,
beste askotan bezala, irakasleek formazio falta ikaragarria daukate.
Bakoitzak arazo honi aurre egiten dio ahal duen modura. Ez dira konturatu
hizkuntza gutxiagotu bat irakatsi nahi dutela beste hizkuntza batzuk irakasten diren modura. Eta hori
ezinezkoa da, euskarak dituen arazoak (lexikoa, terminologia, argotak,
estatusa, ahuldadea, …) aintzat hartu barik, ezin du arrakasta handirik izan
hizkuntza horren ikaskuntzak.
Bat 62
2007-05-21 // Sailkatu gabea // 2 iruzkin
Benitok bere Karrajuan
zertzelada batzuk
bota ditu jadanik Bat 62 aldizkariaren gainean. Nik bere gonbitea hartzen dut
eta artikulu batzuk iruzkindu ditut, Bat aldizkari guztiekin egiten dudan
bezala.
Joxe Manuel
Odriozola: “Euskalduntze-alfabetatzearen zentzua”.
Artikulua mamitsua iruditu zait, ikuspuntu berria plazaratzen duelako. Bueno,
berri-berria ez da, baina azken aldian gutxi landutakoa bai. Benitok tonu
agonikoa darabilela aipatu du bere blogean.
Niri ez zait horrenbesterako iruditzen; gordina izan bada, baina askotan
euskalgintzakooi ere agonia puntu horiek gustatzen zaizkigu (Ze txarto goazen
eta halakoak). Mamia interesgarria da, irakurri beharrekoa.
Josu
Perales: “Ikerketa egoera euskalduntze-alfabetatzean”
Artikulu honetan helduen euskalduntzeari buruzko ikerketak nondik nora doazen
aipatzen du. Neure egiten ditut Benitoren hitzak honi dagokionez: ematen du
ikerketa asko elitearentzat egiten direla eta gero aplikazio praktiko gutxi
dituztela. Beste ideia bat ere azpimarratuko nuke: ikerketen sakabanaketa. Hau
arazo orokorra da: ikerketak egiten dira, baina plangintza barik, iparra oso
argi izan barik. Soziolinguistika arloan Klusterra horiek bideratzera jotzen
ari da, baina euskarazko ikerketaren arazo estrukturala da hau (agian
euskarazko unibertsitateak konpon ditzake arazo hauek).
Oskar
Zapata: “Mintzapraktika programak”. Artikulua beste
baten laburpena da, hemen
daukazue. Mintzapraktika egitasmoak ulertzeko ezinbestekoa. Irakurri
beharrekoa.
Benito
Fiz: “Ikasgelatik plazara: hizkuntzaren normalizazioari helduen euskalduntzetik
heldu nahian” . Benitoren artikulua komentatu gabe
ezin utzi. Artikulu honek HEA euskararen normalizazioaren ildoan sartzeko
ahalegin teorikoa da. Zentzu horretan, Arkaitz Zarragak aldizkari berean idatzi
duen artikuluarekin zerikusia du, ildo beretik doaz. Arkaitzen ildo beretik
doan artikulua, hemen.
Hori bai, Benitorenak arazoa planteatzeaz gain, konponbideak ere marrazten
ditu, ikuspegi historikoa ematez aparte. Oso artikulu mamitsua, didaktikoa.
Batez ere, interesgarriak dira ikuspegi didaktiko berri baterako lehen urratsak
zirriborratzen dituelako. Artikulu hau ere interneten dago eskuragai.
Soziolinguistikaz 14
2007-05-21 // Sailkatu gabea // Iruzkinik ez
Soziolinguistika Klusterrak Soziolinguistikaz 14 izeneko agerkaria atera du. Lotura hemen.
Portfolioa (VII)
2007-05-17 // Sailkatu gabea // Iruzkinik ez
“Zerbait
gertatzen ari da gure artean”, Mikel Azkarate. Lauhaizetara.net webgunetik
ateratakoa, 2005eko apirilaren 6an.
Mikel Azkaratek
artikulu honetan euskal kulturarekin zerikusia duten lau gertaeratik
abiatuta, hausnarketa oso interesgarria egiten du euskal hizkuntza
komunitatearen inguruan.
Artikulu honek,
atzera ere, hezkuntza eta hizkuntza komunitate ahulduen arteko erlazioa mahai
gainean ipintzen du, zeharka bada ere. Izan ere, egileak irakaskuntza ez du
aipatzen bere artikuluan, baina nik lotu egingo dut berak esandakoa
irakaskuntzarekin.
Egilearen
iritziz, euskal hiztun komunitatea ahula da, erreproduzitzeko mekanismoak oso
ahulduta ditu. Nire ustez, hezkuntza elebidunari oztopo eta traba gehienak
hortik datozkio. Izan ere, oso zaila da esanguratsua egitea hizkuntza bat
bere kultura esanguratsua ez bada, ez badu erakarmen indarrik. Eta gaur egun
euskarak ez du erakarmen indarrik, inondik inora eta, are gutxiago, alboan
ditugun bi erdarekin alderatuta.
Hala ere,
hezkuntzari eskatu egin behar zaizkio fruituak, jakina. Baina ezin da
hezkuntzaren lepo gainean zama guztia jarri. Hezkuntzak berebiziko papera du
euskararen normaltzean, baina hezkuntzak bakarrik ezin du, gehiago behar da.
Hezkuntza ez da ziega bakartuetan egiten, gizarte baten baitan baizik. Eta,
dudarik gabe, gizarte horrek hein handi batean gidatzen du hezkuntzaren
nondik norakoa.
Horregatik, hezkuntza
elebidunak emaitza kaskarragoak lortzen ditu eremu erdaldunetan eremu
euskaldunetan baino. Izan ere, eremu erdaldunetan gizartearen indarra
hezkuntzaren kontrako norabidean mugitzen da eta eremu euskaldunetan, aldiz,
norabide berean doaz, elkarri lagunduaz. Beraz, hezkuntzari eskatu bai, baina
hortik haratago ere jo behar dugu eta gizarteari ere exijitu, hizkuntza
komunitatearen trinkotzearen bidetik, beti ere.
Egileak hizkuntza
komunitatearen trinkotzea jartzen du helburu. Horretaz gain, hiztun komunitateen
arteko oreka ere aipatzen du, hizkuntza ekologia iradokiz. Honen harira,
gogoetatxo bat egin gura nuke. Izan ere, sarritan hizkuntza irakastea
horretara mugatzen dugu, irakaste hutsera alegia. Eta nik uste dut hori baino
gehiago ere badela. Hiztun komunitate gutxitu eta ahul bateko kideak gara
euskaldunok eta maiz hizkuntza irakasterakoan ez gara horretaz kontziente.
Gure ikasleei ere ideia hori helarazi behar diegu, behar bezala landuz,
sistematikoki. Horrez gain, hiztun komunitateen arteko orekaren ideia ere
landu beharrekoa da.
Honekin ez dut
esan gura hezkuntzak lanketa sistematikoarekin hori guztiori konponduko
duenik. Ezta gutxiagorik ere. Hezkuntzak bere mugak ditu, begi bistakoak
direnak, eta ezin du gizartean honen moduko ideiak errotu gizartearen
laguntza barik. Baina hiztun komunitateak honen inguruan ardazten badu bere
diskurtsoa eta hezkuntzak bere ekarpena egiten badu, errazagoa izango da
diskurtso honen gizarteratze prozesua. Diskurtso honekin, nire ustez, gure
jarduera (baita euskalgintzarena ere) sendotua egongo litzateke eta kanpotik
datozkigun erasoei erantzuteko corpus teoriko mardulagoa edukiko genuke.
Hizkuntza-plangintza: teoriak eta aplikazioak
2007-05-15 // Sailkatu gabea // Iruzkinik ez
Aurreko baten aipatu nuen, baina oraingoan informazio gehiago dago eta eman behar. Uztailaren 17 eta 18an UEUk ikastaro hau antolatzen du, bete-betean blog honen tematikarekin bat datorrena. Matrikula dagoeneko irekita dago. Informazio gehiago hemen. Hizlariren bat ezaguna egiten zait …… nahiz eta bere hitzaldiaren izenburua txarto jarrita egon (hizkuntza plangintza eta elkarteak, ez hizkuntza politika eta elkarteak, baina beno)
Egitaraua:
Uztailaren 17a, asteartea
9:30-11:30
Eraldaketarako esku-hartzea hizkuntzaren normalizazioaren esparruan. Erreferentziazko eredu baten proposamena.
I. Marko (EHU)
12:00-13:00
Lan giroko hizkuntza erabileran eragiten duten aldagaiak
O. Lujanbio (Soziolinguistika Klusterra)
14:30-15:30
Arlo sozio-ekonomikoan eragiteko esperientzia
R. Gutierrez (Kontseilua)
15:30-16:30
Hizkuntza normalkuntzarako plangintza orokorra
A. Agirre (Hizkuntza Politikarako Sailburuordetza)
Uztailaren 18, asteazkena
9:30-10:30
Jarrerak hizkuntza normalkuntza prozesuetan
A. Otaegi (Elhuyar)
10:30-11:30
Haur era gazteen aisialdiko hizkuntz plangintzak
J. Altuna (Urtxintxa)
12:00-13:00
Egoeraren soziolinguistikoaren azterketa: plangintzaren oinarria eta ebaluazioa.
Lionel Joly (Soziolinguistika Klusterra)
14:30-15:30
Hizkuntza plangintza Tolosan
I. Azaldegi (Tolosako Udala)
15:30-16:30
Hizkuntza
Politikaplangintza eta elkarteak: iragana, oraina eta etorkizuna.T. Rodriguez (Topagunea)
Portfolioa (VI)
2007-05-14 // Sailkatu gabea // Iruzkinik ez
Berriako hemerotekan saia eta saia ibili naiz, baina ezin loturarik sortu. Ea konpontzen duten …….
“Lesakako Udalaren kontrako helegitea
jarri du Behatokiak”, Edurne Elizondo Berria 2005eko maiatzaren 19
Beste artikulu informatibo bat dakart hona. Aurrekoan egin bezala,
artikulutik abiatuz gogoeta orokorrago bat egin gura dut. Beste behin ere,
aipatuko ditut hezkuntza eta gizartearen arteko harremanak (edo tirabirak).
Artikulu honek Behatokiak udal baten
kontrako jarritako helegitearen berri ematen digu. Izan ere, euskal hiztunon
eskubideak urratu direlakoan salaketa jarri du Behatokiak, administrazio
horren lanpostu deialdiaren aurrean.
Gizarteak tira
egiten ez badu, hezkuntza elebidunaren fruituak mugatuak izango dira. Hori da
behin eta berriro azpimarratu nahi dudan ideia portfolio honetan. Kasu
honetan ikusten dugu gizartetik hurren dagoen administrazio batek ez duela
tira egin euskararen aldera (berdin zait helegitea zertan geratzen den, argi
dagoena da Lesakako udalak ez duela bere etxea konpontzetik hasi). Eta hori
larria da.
Euskararen
gizarte indarra hein handi batean administrazioan jokatzen da eta
administrazioen artean gertukoenetan. Irakaskuntzan euskara aurrera doa,
gizarte mugimenduek lan handia egiten dute, baita norbanakoek ere. Baina
beharrezkoa da administrazioaren babesa eta geriza. Bultzada denok batera eta
norabide berean egin behar dugu. Hori da behin eta berriro errepikatu dudana
portfolio honetan.
Euskarazko
hezkuntzak berez ezin du gizarte euskaldunik eraiki. Hezkuntza elebidunik
gabe, ezinezkoa da, baina hezkuntzatik haratago jo behar dugu. Beraz,
hezkuntzari horrenbeste exijitu beharrean, hobe litzateke hezkuntzaren
zereginak zehatz-mehatz finkatzea eta hortik aurreragokoak gizartearen esku
utzi.
Euskaldunon
kontzientziari ere egin gura diot jaramon. Izan ere, euskaldun askok uste du
(gero eta gutxiago, Hezkuntza sailaren txostenaren ondoren) eskolak salbatuko
duela hizkuntza. Eta hori ez da egia. Eskolak ezin du hizkuntza biziberritu.
Gainera, bere eragina gaur egun gero eta murritzagoa da. Horrelako
aurreiritziak zokoratu behar ditugu eta beste bide batzuk urratzen hasi.