Gainontzeko liburu dendetan berdina gertatzen ote den ez dakit: arreta deitu zidan Iruñeko Katakraken izan nintzen lehenbiziko aldian, musikari buruzko zenbat liburu zegoen eta horietako asko zein berriak diren ikusteak.
Hamar kontzertu segidan zeuzkaten programatuta Willis Drummond taldeko kideek Joseba B. Lenoir gitarra jole berriaren etorrera ospatzeko.
Ez dakit zertarako nekatzen garen iritzi, analisi eta interpretazio berriak idazten Sestaoko alkatearen adierazpen arrazisten harira, kasu honentzat beren beregi sortua dirudien La Pollaren La solución final eskura edukita.
Deituidazue nostalgiko, berdin zait: norbaitek 1980-90eko hamarkadako maketa pila bat sarera igotzeko lana hartzen duenean, ia hunkitu egiten naiz.
Kontzertu laukoitza maiatzaren 16an Donostiako Intxaurrondo kultur etxean. Charles Atkey musikari britainiar donostiartuak zabaldu zuen gaua; Giorgio Bassmatti eta Yon Vidaurrek eman zioten segida Melodías concertantes diskoko errepertorioa aurkezten eta aurreko lanetako zenbait pieza ezinbesteko berreskuratuz (DJ Invitado aparta […]
Paradoxikoa denik ez didazue ukatuko: urteetan zakurdantzara animatzen gintuzten musikak baztertu eta 1980ko hamarkadako errepertorioari kasik katxi lerdeztatuari bezain tinko eutsi diogunok reggaetoiaren onurak baloratzen hasi garenean, jatorri latinoamerikarreko musikariak etorri zaizkigu esatera euskal rock erradikala dutela inspirazio iturri.
Oso komentatua ari da izaten Rockdelux aldizkariak Nacho Vegasi egin dion azken elkarrizketa. Eta ez kontu musikalengatik, hain juxtu. Gauza jakina da Vegas azken urteotan Espainiako Estatuko zenbait herri mugimenduren alde agertu izan dela, M15 izena hartu duen kontzientzia egoera […]
Dena kaka zaharra dela eta gainera kaka zahar hori usteltzen ari dela dioen lagun horietako bat daukazu? Lagun hori ez da, kasualitatez, kulturarekin lotutako zerbaitetan ariko, ezta? Agian zu zeu zara. Agian neu naiz. Agian kontra daukagun klimatologiak bihurtzen gaitu […]
Beti bezain fin Sarako Usopop jaialdia antolatzen dutenak: festibal nagusiaren B aldea egin ohi dute urte hasieran, “Usopop kontrapasa” izenekoa, eta igande honetan zen zita Sarako Santa Katalina kaperan. Barbarossa talde britainairrak eta Mursegok fededun eta fedegabe andana bildu […]
Bidasoak eman dituen musikariez hizketan “zuek ez dakizue zer daukazuen Beran” esan omen zioten herri horretan bizi den lagun bati duela ez asko. “Ez dakigula? Guk urteak daramatzagu Joseba Irazoki eta Petti entzuten, besteek ez zuten jakingo!”, komentatzen zuen joan […]
Joan den astean hil zen Pete Seeger abeslari estatubatuarraren 13 kanta euskarara itzuli ditu Josu Landak eta Armiarma.com atariko “Euskarari ekarriak” atalean jarri. Itzulpen bakoitzak kanta entzuteko aukera ere eskaintzen du.
Esan liteke hil berri den Pete Seeger folk abeslari iparramerikarra bere abestiengatik bezain ezaguna zela egin zizkioten bertsioengatik. Ni behintzat moldaketa horietako batzuei esker interesatu nintzen bakarlariaren obrarekin eta, haren heriotzean, omenaldi txiki gisa bost bertsio aukeratu ditut.
Ikusmina sortu duela zalantzarik ez. Kashbaden itzulerari buruz oraindik gauza askorik aurreratzerik ez dago ordea… taldekideei galdetuta behintzat. Informazio pilula txiki bat aurkitu dugu Bonberenea Sutan Facebook orrian: diskoa maiatzean argitaratuko dela eta Bonbereneak berak publikatuko duela.
Duela ia astebeteko kontzertu batekin nator eta barkatu beharko didazue, beste ezer baino lehen, post honen beranta. Nor eta non: Maite Arroitajauregi, Mursego, Donostiako Lugaritz Kultur Etxean. Noiz: joan den ostiralean. Nola: sarrerak agortuta eta mota guztietako jendea publikoan (honelako […]
Zita berezia igandekoa: Bide Ertzean taldeak Urnietako Sarobe antzokian jo zuen, 77 diskoa grabatu zuten leku berean, Berria egunkaria ekonomikoki babesteko kanpainan lagundu duten herritarrentzat antolatutako saioan.
“Gau perfektua” iragarri dute meteorologoek Kafe Antzokian ostiralerako: Lou Reed omentzea aitzakia hartuta Sonic Trash, We Are Standard, Rafael Berrio, Mursego, Petti, Kirmen Uribe eta Hermana Raya elkartuko dituzte agertokian; Izar & Star zikloaren laugarren edizioaren barruko urteko lehen zita […]
