Ibon Larrazabal
Gure egungo historiaren edo zientziaren ezagutzarekin, azalpenik aurkitzen ez dizkiegun edo zalantza eta galdera bitxiak pizten dizkiguten objektu edo gertaerak. Era berean, mendetan zehar azalpen esoteriko edo magikoak izan dituzten gertaerak, baina egun azalpen zientifiko erraz eta frogatua daukatenak. Blog honen ikuspuntua beti erabat objektiboa eta arrazionalista izango da, nahiz eta objektu eta gertaera hauek azaltzeko erabili diren teoria zentzugabeak ere aipatu.
Azken bidalketak
Iruzkin berriak
- Asteon zientzia begi-bistan #15 | Dibulgazioa | Zientzia Kaiera(e)k Longyouko haitzuloak bidalketan
- Asteon zientzia begi-bistan #13 | Dibulgazioa | Zientzia Kaiera(e)k Ipurtargi sinkronizatuak: naturaren “gabon argiztapena” bidalketan
- Asteon zientzia begi-bistan #10 | Dibulgazioa | Zientzia Kaiera(e)k Hal Saflieniko hipogeoa: Harri Aroko burmuin garbilekua bidalketan
- Ludovico Coinmaison(e)k Ze arraio! Nikotina eta kokaina egiptoar momietan? bidalketan
- Ostraka euskalduna » Blog Archive » Antikytherako mekanismoa duela bi mila urte. Argia(e)k Antikytherako mekanismoa, historiako lehen ordenagailua. bidalketan
Shakuntala Devi: giza ordenagailua
Atalak: Bizitza errealeko X taldea
azaroaren 4ko doodlea
Google erabiltzen dugunok (hemen ba al dago erabiltzen ez duen baten bat?) ohituak gaude bere doodle famatuekin, alegia, orria zabaltzerakoan noizean behin “Google” hitzak hartzen duen itxura berezia, pertsonaia edo gertaera bati omenaldi bezala. Horrela, joan den azaroaren 4an, lerro hauen alboan ikus daitekeen doodlea eskaini zigun Google orriak: irudiak indiar itxurako andere bat erakusten digu, eta Google hitza kalkulagailuek erakusten ohi dituzten hizki moldearen antzera idatzita dago. Emakume indiarra Shakuntala Devi zen, azaroaren 4an 84 urte beteko zituzkeenak apirilean hil egin ez balitz. Eta hizki moldearen zergatia zera zen, Shakuntala Deviren ezizena “emakumezko kalkulagailua” zela.
Eta zergatik ezizen hori? Bangaloren jaioa, Devi andereak matematika kalkuluetarako kapazitate ezohikoak erakutsi zituen haurtzarotik. Hiru urte besterik ez zituenean karta jokoan zebilela hortaz jabetu omen zen bere aita. Ordutik bere aitarekin batera zirkoan lanean hasi zen eta bizitza osoan mundu osoan zehar bidaiatu zen bere abileziak erakutsiz.
Norainoko abileziak? Zertaz ari gara Google Doodle bat merezi duen “giza kalkulagailu” batez ari garenean? Bi adibide esanguratsuak (eta txundigarriak) emango ditugu.
1.977an, Estatu Batuetan, Hegoaldeko Unibertsitate Metodistan, 201 zifradun zenbaki baten 23. erroa galdetu zioten (!) eta 50 segundotan erantzun zuen (!!). Erantzuna zuzena zela ordenagailu batek baieztatu behar izan zuen, eta horretan 62 segundo eman zituen ordenagailuak (!!!).
1.980an Londresko Imperial Collegeko informatika departamentuan, hamahiru zifrako bi zenbakien multiplikazioa eskatu zioten (!) eta hogeita zortzi segundotan erantzun zuen (!!), erantzuna ahoz emateko behar izan zuen denbora ere kontuan hartuz (!!!). Lorpen honengatik 1.982. urtean munduko errekorren Guinness Liburuan sartu zen Devi anderea.
Guzti hau nahikoa ez balitz, idazlea ere izan zen Shakuntala Devi eta saiakera nahiz fikziozko liburu anitz kaleratu zituen.
Berkeley Unibertsitateko psikologia irakasle zen Artur Jensenek proba ugari egin zizkion Devi andereari, eta 1.990ean “Intelligence” aldizkari zientifikoan argitaratu zituen bere ikerketen emaitzak.