Olerkaria Palestinan: Ga(t)za 1

Atalak: Gaza, Mahmud Darwish, Setio egoera

Palestina baino gehiago da Palestina. Nehoiz baino garbiago izan behar dugu Gazan jokoan dagoena ez dela Gaza, gure itxaropen gardena baizik. Europako mugak Ceuta eta Melillako labanetan hasten dira, Lampedusako uretan murgiltzen dira, eta Gazako lur gorrietan ixten dira.

Gaur, genozidioaren aurrean, 2002an Ramallako setio egoeran olerkari palestinarrak sorturiko lerroak dakartzat gogora, isilpean oihukatuz:

Emakume erail hau da:

emakume erail baten alaba,

gizon erail baten alabasoa,

mutil erail baten arreba,

neska erail baten izeba,

seme erail baten amandre baten erraina,

mutil erail baten aitajaun baten alabasoa,

erail baten osaba baten auzokidea, eta abar, eta abar.

Eta berririk ez, mundu zibilizatuan,

basakeriaren garaia igaro da,

biktima ezezaguna da, ezereza,

biktima… egia bezalakoa… erlatiboa da.

Eta abar, eta abar.