Sanferminetan hiru izen (red is gorria Iruñean)

Atalak: Komuna, Trantsizioaren Kultura

“Sanferminak 2015”, SFK15 edo SFK2015 dira, baita SFK1936, SFK1978 eta SFK2008 ere. Hemingway berriro iruzkintzaileen ahotara itzuliko da aurten ere, urtero bezala. Fiesta edo The Sun Also Rises. Mozkortien eguzkia zeruan, Iruñeko gentrifikazioaren tabernokrazia lurrean. Idazle amerikarraren “macho” edo matxoa nagusituko da Pamplona-Markan, gainerako topiko eta gezurrekin batera. Superpotentzia emozional alkoholizatuaren antza hartuko du hiri kosmopolitak. Turistek ez dute atsedenik hartuko, munduan parekotasunik ez duten jaietan. Babelgo dorrea Estafeta karrikan, black is beltza eta red is gorria koloreen artean. Kabestruak ilunpetan, ahoskatzen ez dituzten hiru izen besterik ez: Juan Etxepare, Germán Rodríguez, Nagore Lafagge. Eta ingelesezko elkarrizketa hau errepikatuko da, Hemingwayren festan idatzia:

                – Drunk? Drunk?

                – My dear, you are charming when you are drunk.

                – Listen to the man.