Ashraf Fayadh erailtzeko hamar poema: boga

Atalak: Bizitza, Heriotza, Literatura

Xenofobia, matxismoa eta bidegabekeriak nagusitu badira ere, Saudi Arabiako jendartea aldatuz doa, petrodolarren eta xekeen teokrazia patriarkalaren kontrola indartsua izan arren, nazioarteko potentzia ekonomikoek diktadura miretsi eta babestu duten arren.

Sara Raza eta Ashraf Fayadh izan ziren Rhizoma erakusketako artezkariak 2013an (handik gutxira Fayadh atxilotu zuten). Basamortu eta lur azpiko errizoma kolektibo hartan “generation in waiting” edo “belaunaldia itxaroan” izan zuten ikurritza, belaunaldi gazteen arte eta kultura berriak zabaltzeko asmoz. Huda Beydoun emakume artistak hara Documenting The Undocumented ikusizko artelana eraman zuen, non errefuxiatuak, etorkinak eta emakumeak (dokumenturik eta agiririk ez duten ez-hiritarrak) ikusgai ziren. Hemen berak erabilitako irudi pop bat jarri dut, Saudi Arabiako langile etorkin ezezagunei buruzkoa.

Ashraf Fayadhek sustrai palestinarrak dituenez, iheslaria izanik, bere bertsoetan kontuan hartzen ditu errefuxiatuak, erbesteratuak eta atzerria, xenofobiaz jositako herri aldakor saudiarabiarraren barruan. Halaxe dio euskaratu dudan bosgarren poemak gai honetaz eta belaunaldi gazteen errizomaz:

–    5     –

Korrok egiten duzu, ohikoa baino gehiago ..

errezitaldi eta dantzari amainariak direla bide

tabernek beren bisitariak bedeinkatzen dituztenean ..

DJ baten laguntzaz

zure haluzinazioak errezitatu

eta gorputz hauek ozen goresten dituzu

erbesteko bertsoekin dinbili-danbala dantzan.

* These verses appeared in Fayadh’s poetry collection Instructions Within which was published by the Beirut-based Dar al-Farabi in 2008 and later banned from distribution in Saudi Arabia. Poem translated in English by Mona Kareem.