Ashraf Fayadh erailtzeko hamar poema: sega

Atalak: Bizitza, Heriotza, Literatura

“Mendebaldean” egile gutxik hartu dute aintzat Islamismoa. Halaxe dio Susan Buck-Morss ikertzaile eta filosofoak Thinking Past Terror: Islamism and Critical Theory on the Left lanean. Judith Butler, Zillah Eisenstein, Roxanne Euben, Amy Goodman, Naomi Klein, Saba Mahmoud, Arundhati Roy eta Ann Stoller daude Mendebaldeko probintziakeriaren mugak apurtu gura dituztenen artean, bere aburuz. Berak zerrenda luze bat proposatu digu diskurtso politiko post-kolonialaren teoria kritiko batetik Islamismoa arakatzeko eta miatzeko: Akbar Ahmed, Leila Ahmed, Mohammed Arkoun, Talal Asad, Ahmet Davutoglu, Saba Mahmood, Ziba Mir-Hosseini, Abdelwahab El-Messiri, Ali Mirsepassi, Ali Moussalli, Bobby Sayyid, Hisham Sharabi, Azzam Tamimi edo Bassam Tibi, kasu. Bere irizpidetik, gai honetan Agamben, Zizek, Derrida edo Habermas gutxiago leitu behar dira, eta Taha, Gannouchi, Shariati edo Qutb gehiago.

Ni ez naiz Susan Buck-Morss. Ez daukat bere ahalmen zorrotza auzi honetan, baina bat nator berarekin. Egunkariko eta telebistako berriak ez dira nahikoa. Hori dela kausa, Ashraf Fayadhen kasuan (eta hainbat kasutan) ildo gehienak ikustatzea derrigorrezkoa da. Eta bertzerik gabe, bere askatasunaren poetikatik, ogi material batetik, hona dakart euskaratu dudan seigarren poema:

–     6     –

berak ez dauka ibiltzeko eskubiderik, ordea,

edo dantza egiteko, ordea, edo negar egiteko, ordea.

berak ez dauka eskubiderik bere arimaren leihoa irekitzeko,

bere airea, bere hondarrak eta bere malkoak .. berritzeko.

ogi puska bat

zarela ahazteko joera duzu zuk ere

* These verses appeared in Fayadh’s poetry collection Instructions Within which was published by the Beirut-based Dar al-Farabi in 2008 and later banned from distribution in Saudi Arabia. Poem translated in English by Mona Kareem.