Ez dago gauza zaharrenik «ezker berria» baino

Atalak: Europa

Ez dago gauza zaharrenik «ezker berria» baino. 1981eko Le Débat aldizkarian izanadko elkarrizketa batean Jorge Semprun idazleak adierazi zuen bere jarrera «ezkertiar berria», komunismoaren aurkako kanpainian. Althusser, Sartre eta Simone de Beauvoir bezalako intelektual ezkertiarren kontrako propagandaren barruan, honakoak izan ziren bere hitzak galdera baten aurrean:

LD: Zer da egun Frantzian ezkerreko intelektuala izatea?

JS: Egun, pentsamendu ezkertiarraren froga-harria Sobietar Errepublika Sozialisten Batasunarekiko jarrera kritikoa da, zeinaren korolarioetako bat Kominterni jarraitutako alderdiak [Frantziako Alderdi Komunista] arbuiatzea den… Ezinbesteko auzia ez da ez Pinocheten basakeria, ez Lorraineko burdingintza eraistea, ezta Reaganen birzabaltze inperiala ere. Auzirik behinena Sobietar Errepublika Sozialisten Batasunarekiko jarrerarena da.

 

Nazismoaren sarraski-eremuetatik igaro ondoren, komunista ohi horrek primeran adierazten digu nola aldatu ziren «ezker» berriaren koordenatu politikoak eta borrokak: (Pinocheten) faxismoaren eta (Reaganen) inperialismoaren aurkako borroka Sobietar Batasunaren kontrako borrokan eraldatu zen. Halaber, ezkerreko borroka klasiko bat, langileriaren klase-borroka, baztertu zen (arestian aipaturiko pasartean, Lorraineko burdingintzari dagokion etorkizuna ezbaian laga zuen), liberalismo eta kapitalismoari ateak irekiz. Esamolde zaharrak zioenez, hautsok ekarko ttute loiek. Batzuetan gauza berrienak zaharrak izaten dira.

* Pasarte horren inguruan gehiago jakiteko: “Intelektual ezkertiarren neutralizazioa: Frantziako filosofiatik zenbait ikasbide”.