Herria bizitzen… gaur bihar izan dadin
OarsoIrriak egitasmoan helduak eta haurrak erabakitze-gune berean kokatzen gara. Bakoitza bere ahots, berezitasun, baliabide eta askatasunarekin errespetuz entzuna eta kontutan hartua da. Eta giro honetan maitasunez beterik herria bizitzen dihardugu…
Etorkizuna orainean eraikitzen da. Bihar gaur da. Haurrek ondo dakite. Gaur eta hemen haurrak herritar oso izan daitezen aukerak zabaldu behar dira. Gaur bihar izan dadin… – OarsoIrriak egitasmoa
A ze nolako bideo polita Nora!
Baina batez ere, a ze nolako ekimen irudimentsu eta iraultzailea…!
Pozten nau inguruan haurraren ikuspegia kontutan hartzen duen gero eta ekimen gehiago ikusten dudalako. Egia da infantilizaziorako sekulako joera daukagula oraindik ere jendartean errotua. Ematen du gu (helduak) garela haurrentzako egokiena dena dakigunak. Gu magusi, gu aditu, gu planifikatzaile, gu antolatzaile… Holanik haurrak ekintza kontsumitzaile hutsak bilakatzen ditugu.
Ez al dute veste herrikideekin batera parte hartzeko eskubiderik? Ez al dute iritzia emateko eskubiderik?
Helduok bai harroputsak…! Haurrengatik ezer gutxi ikasi dezakegula pentsatzea ere…!
Zorionak OarsoIrriakeko lagunei… Handiak zarete!!!
Beste zenbait tokitan bezala, Barakaldon ere haurren ikuspegia kontuan hartzen duten ekiman martxan jartzen hasi dira. Igandean esaterako erreportaia bat grabatuko dugu Urban Galindo auzoko auzokideekin. Haurren asanblada osatu dute jaietako egitaraua prestatu asmoz… Ikus dezagun zenbat kontu ikasiko dugun neska eta mutiko hauetaz!
Haurrak etorkizunaz gain, oraina ere badira… Eta herritar parte hartzaile osoak izan beharko lukete eskubide osoz… Zergatik ez?
Aupa Fontso,
Ze ona Barakaldotik zuen berri edukitzea. Segi ba horren fuerte!!
Euskal Herrian zehar haurren hitzak, desioak, ametsak, beharrak… maitasunez eta begirunez kontutan hartzen dituzten egitasmo desberdin ugari daude; proiektu pertsonalak, lagun artean jorratutakoak zein modu kolektiboago batean gauzatzen direnak. Zoragarria da hauek hartzen ari diren indarra eta hauen dinamika.
Askotan modu independentean landutakoak dira, bakoitza bere inguru eta material baliabideekin, lantze eredu desberdinarekin edota barrutik sortutako filosofia ezberdinarekin. Baina oinarrian haurra begirunez bere osotasunean kontutan hartzen duten dinamikak dira, gizarte hobeago baten eraikuntzan.
Polita litzake guztiok elkarren berri edukitzea eta ditugun esperientzia desberdinak guztion artean partekatzea zuzenean eta sarean, besteek egindakoaz ikasi eta guztiok aberasteko.
Zer moduz joan zen Barakaldoko ekimena? Sopelan, Oarsoaldeko herri desberdinetan ere haurren hitza kontutan hartzen ari dira herriko jaiak antolatzeko garaian. Oarsoaldeko lagun talde bat Sopelara joatekoak gara hango egitarauaz gozatzeko asmoz. Jarrai dadila festa!!
Nora