Klusterraren 31. berripapera

31. zenbakia / 2010eko abendua

Word dokumentua/Pdf
dokumentua

SOZIOLINGUISTIKA
KLUSTERRA

SOZIOLINGUISTIKA
KLUSTERRAREN ETA MINTZOLA FUNDAZIOAREN ARTEKO HITZARMENA

Soziolinguistika
Klusterrak eta Mintzola Fundazioak
lankidetza hitzarmena sinatu dute Donostian.. Hitzarmenak bi erakundeen
arteko lankidetza bultzatzea du helburu, hizkuntzen erabileraren inguruko
ikerketan, ezagutzan, dibulgazioan eta abar. Hitzarmenak bost urteko
iraupena izango du, eta denbora hau pasata berritu ahal izango da.

Informazio gehiago: http://www.soziolinguistika.org/eu/node/4939

ERALAN2 JARDUNALDIAK HUHEZIN

Azaroaren 17an Mondragon Unibertsitateko HUHEZIko fakultatean
egin genuen ERALAN 2 proiektuaren inguruko material guztia dagoeneko
eskuragarri duzue Soziolinguistika Klusterreko orrialdean.
Bertan bideoak,
kronika eta
argitalpena
daude besteak beste.

Informazio gehiago: http://www.soziolinguistika.org/eu/node/4937

BAZKIDE BERRIAK SOZIOLINGUISTIKA
KLUSTERREAN

Bai Euskarari
Ziurtagiriaren Elkartea Soziolinguistika Klusterraren bazkide egin
da. Elkarte honek 2007. urtetik darama lan mundua euskalduntze lanetan,
besteak beste, 2000. urtean abian jarri zen Bai Euskarari ziurtagiria
kudeatuz. Egun, 1.500 entitate baina gehiago dira agiri hau bereganatu
dutenak.Beste alor batean ere izan da Klusterrean bazkidetze berririk
2010 urte honetan: Udal administrazioan, hain zuzen. Izan ere, aurtengo
ekainan Erandioko Udala egin baitzen bazkide. Ongi etorri bi bazkide
berriei!.

Informazio gehiago: http://www.soziolinguistika.org/eu/node/4923

GAZTEEN ERABILERAREN INGURUKO
PROIEKTUA EUSKALTZAINDIARENN JAGON JARDUNALDIETAN AURKEZTU ZEN

Euskaltzaindiaren XV. Jagon jardunaldiak burutu ziren
egun osoan zehar erakunde honek Bilboko Plaza Barrian duen egoitzan.
Hainbat aurkezpen eta mahai-ingururen bidez, Gazteak,
aisialdia eta euskara gaiaren inguruan hausnartu eta eztabaidatzeko
parada izan zuten bertaratutakoek. Euskaltzaindiaren webgunean eskuragarri
daude saio
guztien laburpenak eta hurrengo egunetan diapositiba-aurkezpenak
ere igoko dituzte. Aurrerago, Euskera aldizkariaren ale monografiko
bat jardunaldietan jorratutakoari eskainiko zaio.

Horrez gain, jardunaldietan hainbat aurkezpen entzuteko
aukera izan zen. Tartean, Jone Miren Hernandezek “Baina
gu ere gazteak izan ginen! Gazte euskalduna izatearen esanahia atzo
eta gaur” hitzaldia eman zuen. Soziolinguistika Klusterreko
kideak bertan izan ziren eta ekarpen benetan interesgarria iruditu zitzaien.
Saioan
hartutako oharrekin osatutako dokumentuan bertan esandako batzuk
bildu dira.

Informazio gehiago: http://www.soziolinguistika.org/eu/node/4921,
http://www.soziolinguistika.org/eu/node/4927
eta http://paperekoa.berria.info/harian/2010-11-20/012/005/lege_info.htm

BAT ALDIZKARIAREN 20. URTEURRENA

BAT aldizkariak 20 urte bete ditu 2010. urtean. Eta
hori ospatzeko bi zenbaki berezi kaleratuko ditu Soziolinguistika Klusterrak
berehala. Ale berezi horietan artikulugileak honakoak izango dira, besteak
beste: Maria-Jose Azurmendi, Iñaki Martinez de Luna, Patxi Baztarrika,
Battittu Coyos, Paula Kasares, Iñaki Marko, Paul Bilbao, Imanol
Esnaola, Mikel Zalbide, Miquel Gros i Lladós, Nekane Larrañaga,
Igor Astibia, Esti Amorrortu, Ane Ortega, Enrnest Querol, Xosé
Henrique Costas González, Joxe Manuel Odriozola, Inazio Agirre,
Joseba Intxausti eta Belen Uranga. Autoreak bezala, gai oso desberdinak
landuko dira argitalpenotan. Nolanahi ere, hogei urteotan aldizkariak
eman duenaz eta euskararen biziberritzearen ibilbideko hainbat gai ekarri
dira ospakizun honetara. Aldi berean, Katalunia, Galizia eta Europako
egoera gaitzat hartuta artikulu bana eskainiko da, besteren artean.

Informazio gehiago: http://www.soziolinguistika.org/eu/bat

HAUSNARTU SARIEK BADUTE IRABAZLEA

2010. urteko Hausnartu sariek badute irabazlea. Aurtengoan,
Luis Azpiazu Larrañaga izan da garaile “Gazteak, musika
eta euskara” lanarekin. Epaimahaiaren ustez, hau izan da lanik
osatuena, teoria eta praktika ongi uztartzen baititu, eta gaiak berebiziko
gaurkotasuna baitu.

Informazio gehiago: http://www.soziolinguistika.org/eu/node/4956

ALTZAKO EUSKARAREN EGOERA AZTERGAI

Bizarrain Kultur elkarteak antolatuta, eta “Altzan
euskarak bizi duen egoera” izenpean, Gaindegiako Xabier Isasik
eta Soziolinguistika Klusterreko Olatz Altunak hitzaldia eman zuten
Altzako Tomasene kultur etxean. Lehenengoa, duela urte batzuk egindako
prospekzioaren inguruan aritu zen, ezagutza mailaren inguruko datuen
gainean, eta bigarrena aldiz kale erabileraren gainean, diagnosi orokor
bat emanez. Lehenik Euskal Herri mailako datuekin hasi zen, ondoren
Gipuzkoakoekin, gero Donostiakoekin eta azkenik Altzakoak azaldu zituen.

Ideia bat nagusitzearren, Olatz Altunak kale erabilera mantendu egin
dela azpimarratu du, izan ere, Altzan egindako azken bi neurketetan
(2001ean eta 2006ean) erabilera maila %5ekoa izan da, hau da, entzundako
ehun elkarrizketetatik bost izan dira euskaraz.

EKIMENAK
ETA KANPAINAK

CAF-EKO
HIZKUNTZA POLITIKA OROKORRA

[Erabili.com]

CAFek enpresaren Hizkuntza Politika Orokorra jasotzen
duen liburuxka argitaratu du 2010 honetan. Euskarazko azalpen zabalenekin
batera, gaztelaniaz eta ingelesez emandako laburpenak ere badatoz aipatu
liburuxkan. Hemen irakur dezakezue CAFek euskararen normalizazioaren
arloan egindakoa eta egin asmo duena.

Informazio gehiago:

http://www.erabili.com/zer_berri/muinetik/1290007125

KORRIKA 17 TREBIÑUN HASI
ETA DONOSTIAN AMAITUKO DA, ETA EUSKALTZAINDIA OMENDUKO DU

[Euskatzaindia]

2011ko apirilaren 7an Trebiñun hasi eta 17an
Donostian amaituko den euskararen aldeko lasterketak Euskaltzaindia
omenduko du, egiten duen lanagatik, eta AEKrekin lotura estua duelako.
Korrika 17ren leloak euskararen erabilera aldarrikatu nahi du: Maitatu,
ikasi, ari, euskalakari. “Euskara maite duena, ikasten eta erabiltzen
duena, euskalakaria da”.

Informazio gehiago:

http://www.euskaltzaindia.net/index.php?option=com_content&Itemid=1&catid=121&id=887〈=eu&view=article

ARABAKO EUSKALDUNON ELKARGUNEEN
TOPAKETEN HITZALDIAK GASTEIZEN

[Topagunea]

2010eko azaroaren 13an eta 20an, Gasteizko Artium-en,
Arabako Euskaldunon Elkarguneen Topaketak izan ziren. Jardunaldietan
emandako hitzaldi guztein bideoak sarean daude dagoeneko, denontzat
ikusgai.

Informazio gehiago:

http://www.topagunea.org/topagunea/arabako-euskaldunon-elkarguneen-topaketen-hitzaldiak-sarean-ikusgai

;

ALBISTEAK

EUSKAL
HERRIKO HEDABIDEAK ETA EUSKARAZ ARITZEN DIRENEN EGOERA AZTERTZEN DUEN
LIBURUA KALERATU DUTE

[Sustatu]

Euskal Herriko hedabideak eta, bereziki, euskaraz aritzen
direnen egoera aztertzen duen liburua kalean da, lau hizkuntzetan eta
saretik doan eskuratzeko moduan.Euskal Herriko Unibertsitateko eta UEUko
irakasleak diren Edorta Aranak, Josu Amezagak eta Patxi Azpillagak eremu
honetan zegoen hutsunea ikusita, testu erraz bezain erabilgarri bat
prestatu dute, euskaraz, ingeleraz, gaztelaniaz eta frantsesez.

Informazio gehiago:

http://sustatu.com/1289320728?utm_source=rss&utm_medium=feeds

ABENDUAREN 3a, EUSKARAREN EGUNA

[sustatu / eusko ikaskuntza]

Iragan den abenduaren 3an euskararen nazioarteko eguna
ospatun genuen. Azkeneko urteetan gertatu den bezala, zenbait erakundek
beren omenaldia egitea erabaki zuten. Iritzi ezberdinak izan ohi dira
gai honen inguruan.

Informazio gehiago:

http://sustatu.com/1291200246

http://www.eusko-ikaskuntza.org/ene/

http://www.nikereeuskaraz.net/ http://www.nikereeuskaraz.net/

EUSKARAREN ALDEKO HITZARMENA
IZENPETU DUTE LAPURDI HEGOALDEKO HERRI ELKARGOAK ETA EEPK.

[euskalgintza]

Euskararen Erakunde Publikoaren bultzadapean, 2006an
euskara sustatzeko lehen hitzarmena izenpetu zuen CCSPBren partaide
diren hamabi udalerriek. Atzo ere, beste akordio bat izenpetu dute Lapurdi
Hegoaldeko Herri Elkargoak, zein 12 herriz osatua den, eta EEPk. Akordio
honen helburua, euskararen presentzia eskoletan, haur eta familien aisialdian,
argitalpen eta udal agirietan eta kultura mailean sustatzea da. Horrez
gain, langileen formazioaren garrantzia azpimarratu dute Urruñako
egoitzan bildutako hautetsiek..

Informazio gehiago:

http://www.euskalgintza.org/node/2096

http://www.kazeta.info/euskalherria/euskararen-aldeko-hitzarmena-izenpetu-dute-lapurdi-hegoaldeko-herri-elkargoak-eta-eepk

URGENTZIAZ HIZKUNTZA-POLITIKA
ERAGINGARRIA INDARREAN JARRI BEHAR DELA ALDARRIKATU DU KONTSEILUKO ZUZENDARITZAK

[kontseilua]

Euskararen Gizarte Erakundeen Kontseiluak, iazko ikasturtean
indarrean izan diren hizkuntza-politikak aztertu ditu. Heldu den astean
aurrera begira jartzeko asmoarekin jardunaldiak antolatu ditu Kontseiluak
eta bertan egoeraren azterketa sakona egingo badu ere, bereziki azken
garaian gertatutakoen inguruko azterketaren berri eman du. Kontseiluko
zuzendaritzak, idazkari nagusi Paul Bilbaorekin batera, Andoaingo Martin
Ugalde Kultur Parkean.

Informazio gehiago:

http://www.kontseilua.org/index.php?id_saila=54&id_edukia=298

EUSKARA TITULUAK D EREDUAN IKASTEAREN
TRUKE

[erabili.com]

Eusko Jaurlaritza euskara gaitasun titulazioetan aldaketak
aztertzen ari da. 2012an indarrean egon daitezke formula berriak. D
ereduan ikasketak egiteak orain arte ez bezalako saria izatea aztertzen
ari da Eusko Jaurlaritzaren Kultura Saila.

Informazio gehiago:

http://www.erabili.com/zer_berri/berriak/1289984681

http://paperekoa.berria.info/harian/2010-12-21/002/001/euskaraz_ikasten_dutenei_hizkuntz_gaitasuna_aitortuko_die_jaurlaritzak.htm

http://www.argia.com/albistea/euskararen-ezagutza-aitortuko-zaie-d-ereduko-ikasleei

BOST ENPRESA BIKAIN GEHIAGO

[Lantalan]

Dagoeneko 74 enpresa erakundek daukate Bikain ziurtagiria;
izan ere, azaroaren 10ean 44 ziurtagiri berri banatu zituen Eusko Jaurlaritzak.
2009an eta 2010ean ebaluatu dituen 44 enpresari eman die Jaurlaritzak
euskararen presentzia, erabilera eta kudeaketa bermatzen direla adierazten
duen ziurtagiria. Edozelan ere, ziurtagiriarekin batera hobetu beharrekoak
eta gomendioak biltzen zituen txostena banatu zien zenbait enpresari.
Saria jaso berri duten 44 enpresetatik bost EMUNekin ari dira lanean:
Gaztaroa, Eika, Huhezi, Enpresagintza eta Kalitatea.

Informazio gehiago:

http://www.lantalan.com/227

JEAN-BAPTISTE COYOS EUSKALTZAIN
OSO IZENDATU DU EUSKALTZAINDIAK

[Euskaltzaindia]

Jean-Baptiste Coyos euskaltzain oso berria da. Bilbon
egindako osoko batzarrean, Jean-Louis Davant euskaltzain emeritu izatearen
ondorioz sortutako hutsunea betetzeko bozketa egin du Euskaltzaindiak.

Informazio gehiago:

http://www.euskaltzaindia.net/index.php?option=com_content&Itemid=1&catid=121&id=864&lang=eu&view=articl

HIZKUNTZA GUTXITUEI BURUZKO
LEGE PROPOSAMENA AURKEZTU DUTE FRANTZIAKO PARLAMENTUAN

[Argia]

Armand Jung Alsaziako diputatuak hizkuntza gutxituei
buruzko lege proposamena aurkeztu du Frantziako Parlamentuan. Bere hitzetan:”Gobernuak
ulertu behar du eskualdeetako hizkuntzak aberastasun horren parte direla.
Haien aldeko legea onartuz, aberatsagoa izanen da Frantziaren kultura
mundu zabalaren begietara. Ezin dut bermatu eztabaida egiten delarik
diputatuek lege proposamena onartuko dutenik, baina ahal dudan guztia
eginen dut eta, bederen, eztabaida hori eginen da”.

Informazio gehiago:

http://www.argia.com/albistea/hizkuntza-gutxituei-buruzko-lege-proposamena-aurkeztu-dute-frantziako-parlamentuan

http://paperekoa.berria.info/harian/2010-12-11/014/005/hizkuntza_gutxituen_ofizialtasun_aitortza_eskatu_du_euskalgintzak.htm

GIPUZKOAKO EUSKARAZKO KULTUR
BIZITZAREN AZTERKETA EGIN DU HUHEZIK

[Argia]

Gipuzkoako Foru Aldundiak Mondragon Unibertsitateko Huhezi fakultateari
eskatu zion Gipuzkoako euskarazko kultur bizitzari buruz azterketa kualitatiboa
egiteko. Sorguneak ikertegiak egin du lana eta horretarako 127 aditu
eta aritu elkarrizketatu ditu, administrazioko langileak, gizarte eragileak
eta sortzaileak. Ikerketaren arabera, kultur produktuen arazo nagusia
produkzioaren eta kontsumoaren arteko etena da.

Informazio gehiago:

http://www.argia.com/albistea/gipuzkoako-euskarazko-kultur-bizitzaren-azterketa-egin-du-huhezik

AGENDA

“LANGUAGE
ENDANGERMENT DOCUMENTATION, PEDAGOGY, AND REVITALIZATION” JARDUNALDIAK
IZANGO DIRA MARTXOAN

2011ko Martxoaren 25ean, Cambridgeko Unibertsitatean, 1. Language Endargement
jardunaldiak izango dira, eta jardunaldi honen bitartez, irakasle, ikasle
eta egoera hau zuzenean biziko dutenak batzea izango du helburu.

Informazio gehiago:

http://cruscat.wordpress.com/2010/11/18/language-endangerment-documentation-pedagogy-and-revitalization/

http://www.crassh.cam.ac.uk/events/1332/

“CONGRÉS DE SERVEIS LINGÜÍSTICS
DE TERRITORIS DE PARLA CATALANA” JARDUNALDIAK MARTXOAREN 24 ETA
25EAN REUSEN

Jardunaldi hauen helburua, esperientzia eta gaiaren inguruko zalantzak
plazaratzeko elkargunea bat izatea da, eta bide batez, ideiak eta estrategiak
garatzea gaurko eta etorkizuneko arazoei aurre egiteko. Aurtengoa jardunaldi
hauen bigarren saioa izango da, aurreko urtean egin zenaren arrakasta
ikusita berriz ere antolatzea erabaki baitute.

Informazio gehiago:

http://www.congresconvit.cat/

IRITZIAK
– ELKARRIZKETAK – ARTIKULUAK

• Onintza Irureta: “EGA
  titulua aterako ez zuketen ikaskideak”
• Txerra Rodriguez:
  “Soziolinguistikaren TOP 10”
• Ekai Txapartegi: “Biloben
  maitasuna ”
• Martin Rezola: “Babeli
  gorazarre “
• Rober Gutierrez: “Euskararen
  liderrak”
• Iñaki Martinez de Luna : “Iritzi
  publikoaren bataila irabazi ezean, euskarak ez du etorkizunik izango”
• Andoni Olariaga: “Zerk
  egiten gaitu euskaldun? (Hizkuntza eta pentsamenduaz)”
• Antonio Basagoiti: “Euskara
  babestea eta sustatzea guztioi dagokigu”
• Maria Jesus Aranburu: “Euskara
  lehenengo mailan”“

ARGITALPEN
GOMENDATUAK

• Unesco (2010): Atlas
  de las Lenguas del Mundo en Peligro
• Aymà Aubeyzon, Josep Maria (2007): El
  català al carrer