Portfolioa (I)

Atalak: Sailkatu gabea

Gaur nire blogean atal berri bat ireki nahi
dut. Orain dela bi urte, nire lagun batek Haur Hezkuntza ikasi zuen Mondragon Unibertsitatean. Denboraz
nahiko larri zebilenez, eskatu zidan ea egin ahal nion lan bat. Nik baiezkoa
eman eta lana goitik behera egin nion.

Lana honetan zetzan: hiru hilabetetan
portfolio bat egin behar zuen, prentsan edo dena delakoetan hezkuntza
elebidunari buruz agertzen ziren artikuluekin. Gainera, artikulu horiei
komentarioak erantsi behar zitzaizkien. Blogera ekarriko dut atalka portfolio
horretan jasotakoa. Dena den, portfolio osoa interneten eskegi dut hemen. Nire lagunaren izena,
ebidentemente, ezabatu egin dut.

Eta zergatik igotzen dut? Ba, hiru
arrazoiengatik:

–        
Bloga elikatzen joateko. Zaila da blogean
txertatzeko moduko edukiak izatea beti. Gainera, eduki hauek nire ustez
interesgarriak dira, landuak dira eta guztiekin partekatzeko gogoa dut.

–        
Zuen komentario eta kritika gogorrak nahi
ditudalako. Badakit orain dela bi urteko gaiak direla, baina horietako baten
bat oraindik orain puri-purian dago.

–        
Eta, azkenik, minduta nagoelako. Minduta
bai, irakasleak horrenbesteko lana eskatu zidan honi 8 bat jarri ziolako. Eta
nik uste dut hori baino gehiago merezi zuela.