|
Beste artikulu
laburra bezain mamitsua. Izan ere, albiste bat baino ez da, baina honen
inguruko hausnarketatxoa egin gurako nuke. Albisteak ez du aparteko
garrantzirik. Kontseiluak
euskaldunak animatzen ditu errenta aitorpena euskaraz egitera.
Baina artikulu
honek gure hiztun komunitatearen ahultasuna berretsi baino ez du egiten.
Imajinatzen al dituzue munduko hizkuntza normaldu batean holako deialdiak?
Ez, ezta? Bada, Euskal Herrian arruntak dira honen moduko deialdiak.
Dena den, eduki
positiboa ere bilatu nahiko nioke artikuluari. Hiztun komunitate ahula bai,
baina dinamikoa ere bai. Izan ere, Euskal Herrian beste inon ez bezala
euskararen aldeko herri mugimendua indartsua dago. Euskal hiztunok gure burua
antolatzeko gaitasuna daukagu, hainbat elkarteren bidez. Eta erakunde horien
bilgunea Kontseilua da.
Hiztun komunitate
ahula daukagun arren, hein berean gure burua artikulatzeko gaitasuna erakutsi
dugu euskaldunok behin eta berriro. Dena den, herri mugimenduen eta
erakundeen arteko lankidetza eta kooperazioa bilatu behar dira etengabe,
horixe baita aurrera egiteko modurik eraginkorrena.
Hezkuntzaren
alorrera ekarriz, argi dago hezkuntza arloan herri mugimenduek ere zeregin
garrantzitsua izan dutela eta dutela euskalduntasunari dagokionez. Izan ere, ikastolak hortxe ditugu
aitzindari hezkuntza elebidunean. Herri mugimendu honek erakusten du euskal
hiztun komunitateak normaltzeko gogoa duela, bizirauteko gogoa, azken finean.
Eta hori, zelan ez, artikulatu behar da, nahitaez.
|
Geure burua artikulatzeko? Ez zaigu gehiegi kostatzen artikulazio hori gauza “normaletara” ekartzea? (errentarena adibidez)
Ez gara gehiegi artikulatzen gauza berezien inguruan (jaiak, kultur emanaldiak,…) eta gutxiegi eguneroko gauzen inguruan?
Putada bat da orain dela bi urteko testuak defendatu behar izatea. izan ere, zure pentsamenduak eboluzionatu egin du. Arrazoi duzu, Benito. Artikulazioan hobeto jardun dugu egun bateko kontuetan, eguneroko kontuetan baino. Dena den, nik uste dut eguneroko kontuetan ere artikulazio polita eduki dugula. Ez nahi beste, baina ezta gutxiesteko modukoa ere. Positiboagoa izan zitekeen hala ere (niri beti os deigarria iruditu zait lehen euskara elkarteek EHE baino 15 bat urte beranduago sortzea, oso adierazgarria).