Diskurtsoa dela-eta
Tiraka blogean artikulu interesgarria egin dute: Noranahikoa?
Hortik entresaka bat:
David Crystal, Juan Carlos Moreno Cabrera… ongi etorriak izan daitezela maizegi borrokatoki (b)ekaitzez
betea dirudien gure plaza ahul honetara. Ohiko ika-mika eta
ezin-ikusiez haratago beste freskura eta argitasun bat ematen digutela
iruditzen zait. Eta behar-beharrezkoa dugun beste zerbait: diskurtso
koherente bat.
Bai,
zoritxarrez, bestela predikatzen dugun arren, hemen beti gabiltza
aurkaria nola larrutu asmatu nahian edo, bestela, geure burua behin eta
berriz ederretsiz. Zehazkiago: euskaldun batzuentzat mundua bitan
zatitzen da: “euskararen etsaiak” (Estatu Espainiarra, Estatu Frantsesa
eta Eusko Jaurlaritza) alde batetik, eta “Euskal Herria”,
“euskalgintza”, “herritarrok”, jende ona beste aldetik; Jaurlaritzako
hizkuntza politikako arduradunen ustez, aldiz, beti aurrera goaz, asko
dugu egiteko baina ikaragarri aurreratu dugu, eredugarriak gara
munduan, dena da oso polita, arrosa kolorekoa, eta elkarlana aipatu bai
baina ez dute askorik praktikatzen.
Crystal eta Moreno Cabreraren elkarrizketak:
– Argian. David Crystal.
– El correon, Moreno Cabrerari.
– Deian, Moreno Cabrerari.
– El paisen, David Crystal.
Arraroa da Garan eta Berrian bi hauei elkarrizketarik ez egitea, ezta?
Egia esateko, xiber, ez naiz konturatu zuk esan arte. Arraroa da bai, elcorreo eta elpais lekua egitea eta Berrian eta Garan ezer ez agertzea. Arrazoiren bat egongo da, baina nik ez dakit zein.
Domekako Berrian bai agertu zen David Crystali egindako elkarrizketa bat. Putada da interneten ez dutela jartzen domekako gehigarria. Horrez gain, Xabier Zabaltzari ere egindako elkarrizketa interesgarria argitaratu zuen gehigarri horrek.
Katalunian ere elkarrizketatu dute Crystal.
Argiakoek Xabier Zabaltzaren artikuluaren zatitxu bet ekarri deurie webgunera. Titulua polemikoa ezta, Txerra? Komentario bat baino gehiago datoz neure burura, baie isilduko naz artikulua leidu arte, behintzet. Euskara natural galdu zala esatie be!!!!