Uemaratu
Hauteskundeak
izan dira Hego Euskal Herrian. Udal hauteskundeak, besteak beste. Eta
euskararen gaia oraingo honetan ez da agendaren lehen lerroan izan.
Nahiz eta udaleko hizkuntza politika garrantzia handikoa izan.
Bilduk
emaitza ikaragarriak izan ditu, batez ere euskararen arnasguneak diren
herrietan. Herri askotan gehiengo osoa izan du. Eta kanpainan zehar,
Bildukoei entzun diegu Uema indartzeko asmoa.
Ea hala den. Bizkaian hainbat herritan dute horretarako aukera (Bermeo,
Dima, Ea, Elantxobe, Gamiz-Fika, Larrabetzu, Lekeitio, Mañaria, Meñaka,
Nabarniz, Ondarroa eta Zeberion), Gipuzkoan ere badaude
aukerak (Ataun, Azkoitia, Berastegi, Berrobi,
Bidania-Goiatz, Errezil, Legorreta,
Mendaro, Oñati, Segura eta Zarautzen), baita Nafarroan ere (Baztan, Bertizarana, Lesaka,
Sunbilla).
Herri
horietako asko Ueman sartuz gero (gehi beste alderdi batzuek
gobernatutako beste hainbat), Uema indartuko litzateke eta arnasguneen
aldeko dinamika potoloa martxan jartzeko aukera legoke. Ea aldaketa
horretan ere sumatzen den.
Jon Bollar, Uemako lehendakariak ere gauza bera adierazi du Uema egunaren harira egindako elkarrizketa batean:
“(udal eta foru hauteskundeetako emaitzak) itxaropen handikoak izan dira. Izan ere, uste dugu udalerri mordoxka bat batuko direla Uemaren inguruan”