Arrasateko gazteen aingurak

Atalak: Sailkatu gabea

Itxaro Artolak egindako sakontze egitasmoa irakurri berri dut: Euskararen aingurak Arrasateko gazteen hizkuntza-praktikatan. Ideia batzuk azpimarratu nahi ditut ikerketatik:

– Etxearen garrantzia beste behin ere argi geratu da. Etxeak du giltza, gaitasunari eta erabilerari dagokionez. Arrasaten egunerokotasunean euskaraz hitz egiteko ohitura duten gazteen etxeetan euskaraz egiten da nagusiki.

– Gazteek jendarteko pertsona erreferenteen artean ez dute oro har pertsona edo talde eredugarririk aipatzen. Ezta irakasleek ere.

– Euskaraz egiteko hautua egin duten gazteak kritiko dira erdaraz egiteko joera duten gazteekiko, batez ere jarrera abertzalea hartzen dutenekiko.

– Arrasateko euskalkian hitz egiteko mugak dituztenek ezintasun hori gainditzeko erdarara aldatzen dute.

– Oso gutxi dira gazteen artean euskaraz hitz egiteko ohitura duten lagun taldeak. Eta dauden apurrak, neska taldeak dira.

– Gazteen aisialdiko berezko guneetan (batez ere, gaueko giroan) erdararen uholdeak harrapatzen ditu euskaraz egiteko ohitura duten asko ere.

– Arrasateko gazteen berezko aisialdi guneen artean (tabernak, diskotekak, …) ez dago euskararen erreferente denik.