Urratzaileak

Atalak: Sailkatu gabea

Pello Jauregik #motibatu jardunaldien barruan oso berbaldi interesgarria eman zuen: Jokaeratik jarrerara izenburukoa. Jabier Zabaletak Orion egin zen hitzaldi bera ondo baino hobeto laburbildu du. Bide batez, #motibatu jardunaldiko edukiak ere zeharo interesgarriak dira.

Jokaeratik jarrerara, erabileratik motibaziora, praktikatik emoziora. Alderantzizko bidea proposatzen du Pellok (orain arte kontrakoa landu da). Bere ustez, oso motibatuta dauden pertsonek koherentziaz aldatu egingo dute hizkuntza. Baina gehienok aldatu barik, egokitu, moldatu egiten garela dio.

Hau da, jokabide urratzailea, berritzailea izango duen gutxi batzuen multzoak izango du euskara erabiltzeko motibazio altua. Eta beste hiztunak horien abarora egokituko dira.

Izan ere, psikologiatik baino soziologiatik begiratzera egiten digu gedar. Hau da, motibazioa lortzeko biderik eraginkorrenak mekanismo edo neurri sozialak direla. Adibideekin, hobeto ulertzen da:

Enpresa batean sartzen zara lanera. Bertan euskaraz aritzen dira guztiak euren artean. Nahiz eta motibatuta ez izan euskara erabiltzeko, han nagusi den arauari men egingo diozu eta euskaraz aritu. Eta, seguruenik, jokaera horretatik abiatuta, jarrera hobea izango duzu euskararekiko aurrerantzean.

Beraz, aldatu beharrekoak mekanismo sozialak dira, arau sozialak edo Allartean-ek deitu bezala, erabilera arauak.