Dentsitateak zer eragina du kale erabileran?

Atalak: Sailkatu gabea

Olatz Altunak Bat aldizkariaren 106. aldizkarian “Euskaldunon dentsitateak zer-nolako eragina du euskararen kale-erabileran?” artikulua eman du argitara. Ehunka datu, ehunka interpretazio egiten ditu Olatzek. Komenigarria da osorik irakurtzea, jakina, baina nik bi aipu ekarri gurako nituzke gaur blogera:

Gune soziolinguistiko honetan (euskaldunak %20-%50) ondorioa da adin-talde guztietan emakumezkoek gizonezkoek baino zertxobait gehiago hitz egiten dutela euskaraz.

Ezagutza altua ez denean, erabilera dezente baxuagoa da.

Euskararen gaitasunak gora egin ahala, ez da bakarrik gertatzen euskara gehiago erabiltzen dela, baizik eta gaitasunarekiko proportzioan erabilerak gora egiten duela. Hau da, gaitasunaren eta erabileraren arteko aldea txikiagotu egiten da gaitasunak gora egin ahala.

Hortaz, badirudi oraindik kale erabilera handitu gura badugu, gaitasunei ere egin beharko diegula kasu, biderkatu beharko ditugula gaitasunak eta horri lotutako ezagutzak.