Ahalduntzen …

Atalak: Sailkatu gabea

Bariku honetan Bilbon hizkuntzen biziberritzea eta emakumeen ahalduntzea non gurutzatzen diren edo gurutzatu daitezkeen aztertuko duen egun osoko jardunaldia dago, Garabidek antolatuta. Goizean hainbat hizkuntza komunitatetako kideak eta Emakumeen Mundu Martxako kideak izango dira gai hauen gainean berbetan. Saioa itxia da, baina arratsaldean saio irekia izango da.

Mahai-inguru bat egingo da eta nik ere hartuko dut parte. Mahai-inguruan Kurdistan eta Yucatan aldeko esperientziekin batera, Euskal Herrikoak ere izango du bere partea. Ni ari naiz prestatzen nire zatia, nire ekarpena eta, horretarako, hainbat gauza berrirakurtzen aritu naiz nire blogean. Hona mahai-inguru honi begira egin dudan artikuluen entresaka:

• Martxoaren 8ko grebatik irakaspenak
• Zergatik egiten dute emakumeek euskara gehiago?
• Nola txertatu genero ikuspegia hizkuntza politikan: bat eta bi.
• Emakume elkarteak eta euskara elkarteak
• Feminismoaz irakurtzen euskalgintzako betaurrekoekin
• Emakumeen esprinta XXI. mendean
• Esprinta ala maratoia?

Hau aperitiboa baino ez da, berbaldian gauza gehiago aipatzeko asmoa dut, baina tira, horretarako, etorri beharko duzue …