Ahozkotasuna
Ahozkotasunak itzelezko eragin sortzailea du. Ez dira neure berbak, Ngugi wa Thiong´o idazle txit handiarenak baizik. Eta bat nator. Aditu, bestela, bertsolaritzak, antzerkiak edo irratigintzak duten indarra (euskarazko kulturan behinik behin). Ikus-entzunezkoen arloa da hor hankamotz daukaguna (ikus-entzunezkoen laborategi berriak egiten ditugun bitartean).
Baina badira gurean bestelako ahozko adierazpide batzuk ere: hitzaldiak, literatur klubak, solasaldiak, …Eta ahozkotasun modu berri(tu)ak: rapsodiak, hip-hop-aren inguruko inprobisazioak, poema errezitaldiak, ipuin-kontalariak …Hor ere euskara maingu samar dabil, baina tira.
Baina egunerokoan zer? Bileren herrian bizi ei gara … horrek eragina du ahozkotasunean? Berbalagunen inguruan astero batzen diren milaka horiek ere eragina izango dute, ezta? Eta Euskaraldiak? Nire ustez, bada garaia ahozkotasunaren indar sortzailea gehiago erabiltzeko.
Eta argazkikoa nor da? Euskalduna da? Zer lan egiten du? Zer zerikusi du ahozkotasunaren egoerak horretan diharduten zenbait profesional ikusezin izatearekin?
Argazkia hartu dut Ahoz aho nazioarteko ahozkotasunaren jaialditik.
Hemendik, hain zuzen ere.