Kasualitatea ote?
Abdullah Öcalanek idatzitako Zibilizazio Demokratiko baten aldeko Manifestua irakurtzen ari naiz (momentuz lehen bi aleak irentsi ditut). Soziolinguistikarekin edo hizkuntza soziologiarekin momentuz zerikusi gutxi du orain arte irakurri dudanak, baina tira …
Bigarren ale honen hitzaurrea Raul Zibechik idatzi du. Eta honako hau dio: “Herri kurduaren erresistentziak, Txiapaseko zapatistekin batera, sasoi honetako jarduera askatzailearen eta pentsamendu kritikoaren onena gorpuzten du”.
Praktika askatzaileak egiten ari dira kurduak, praktika eraldatzaileak egiten ari dira zapatistak. Askatasuna, irudimena eta tradizioa elkar elikatzen duen hirukian garatzen ari dira praktika horiek. Eta, nire ustez, ez da inondik ere kasualitatea praktika horiek hizkuntza menostu eta gutxiagotu baten abaroan sortzea. Hala ere, nire ustez, mugimendu biek badute zer hobetua euren hizkuntza gutxiagotuen babes eta zabalkundean.
Baina, tira, Öcalanek esaten duen bezala, “ez dago erralitate aldaezinik, apurtu ezinik. Gainera, zapalketa eta esplotazioa dakarten erakundeak suntsitzea bizitza askerako bete beharreko betekizuna da”. Hortaz, hizkuntza askapen bideei ere ekin beharko diete noiz edo noiz, berandu baino lehen.
Oso interesgarria, naiz eta oraindik nik lehen alea soilik irakurri, nahi izanez gero liburu ugari eta informazio asko dago sarean.
Hizkuntza gutxituei dagokionez, oso lan interesgarria egiten ari direla deritzot. Siriako Iparraldean, “Konfederazio demokratikoaren” bidez gobernatzen diren tokietan Kurmanji Kurdoari indar handia eman diote, eskola eta unibertsitatean sartuz. Baina ez hori bakarrik, asiriarra, armeniarra, turkomanoa eta zirkasierakin ere lan egin dute. Adibidez, Zirkasiera irakaskuntzan nola sartzen ari direneko testu pare bat irakurri ditut, nahiz eta hizkuntza hori inoiz ez den irakaskuntza formalean egon, zailtasun ugarirekin baina aurrera zioazen.
Gauza dexente irakurri ditut Siria iparraldean hizkuntza gutxituekin egiten ari diren lanaz, baina zoritxarrez ez dut aurkitu lan bat hori biltzen duenik.
Bukatzeko, lan ona egiten duzuna!
Joe, Iker, biziki eskertuko nuke testu horiek irakurtzea, baina tira. Badakit jakin lan handia egiten ari direla, baina, era berean, badakit hizkuntzei ez dietela ematen ari beste gai batzuei (emakumeen ahalduntzea, ekologia, asanblea bidezko antolaketa, …) ematen ari dieten garrantzia. Hala ere, agian arrazoi duzu eta agian zorrotzegi jokatu dut.
Eskerrik asko!