Teoria maketoa (Mari Luz Esteban)
Aspaldi ez nuen ekartzen hona poema soziolinguistikorik. Oraingo honetan, Mari Luz Estebanek idatzitako Teoria maketoa ekarri dut hona. Uda on denoi!
nago
euskalduntasunaren teoria maketo baten
premian bagarela
teoria maketoa
kanporako eta barrurako kolonialismoaren aztarnak
agerian uzteko
teoria maketoa
iragana, orainaldia eta etorkizuna
batera jotzeko
teoria maketoa
gure artean diren desberdintasunak eta desberdinkeriak
ez ahazteko
teoria maketoa
euskal jakintzaren iruditeriak, kanonak
ezegonkortzeko
teoria maketoa
ahoskera, doinu, azentu (omen) desegokiei
harrera ona egiteko
teoria maketoa
euskaldun perfekturik ez dela ez inoiz ez inon izango
berresteko
teoria maketoa
bizi garen lurraren maizterrak baino ez garela
adierazteko
teoria maketoa
gizaki zaurgarri eta elkarren menpeko gisara, ezezagunekin
kondenaturik garela ohartzeko
teoria maketoa
gure kanpo eta barne mugek seinalatzen dituzten
lotsak zauriak grinak desirak hautematen asmatzeko
etorri ginelako gara
etorriko direlako izango gara
Kendu, kendu maketua gira Euzkadi askatua kantarazten kantarazoten ziguten, euskuen, herriko jaietan, eta batzuk, euskaraz ari ginelako, harro. Zergatik daroazu kaiku bat jantzita zu vascoa ez zarenean? Euskal herrian jaio eta abizen atzerritarrari esateuskuen, Eta euzkadianoek nik euskaraklasea ematen netsenean be, atzerritartzat nindukaten. Eta geroxeago ere antzeko jarrerak ikusi ditut Euzkaditik urrun sentitzen diren libertadoreengandik. Baina nik ez dot etsiko, eusjara maite eta erabiltzen dot eta harro nago. Deskubritu nebakako aspaldi euskara erabiltzea dela euskadun eguten nabena