Enkontruak hirugarren fasean

2012-11-08  //  Sailkatu gabea  //  2 iruzkin

Julen
Arexolaleiba erreferentea da soziolinguistika arloan gurean. Eta azken
egun hauetan (arrazoi bategatik edo bestegatik) hainbat aldiz egin dut
topo berarekin.

Batetik, Administazioan euskaraz idatzitako artikulu batek eraman ninduen beragana: Euskaldunen arlo pertsonal eta intimoa: euskaldunon hizkuntza komunitatea. Geroago, Emuneko 15. urteurrenaren baitan eman zuen hitzaldiak. Hurrena, telebistan egin zioten elkarrizketa bat zela eta. Eta, azkenik, EKT ikastaroa dela eta, eman duen ikasgaia (eta bideo laburpena).

Aktibatzen …

2012-11-05  //  Sailkatu gabea  //  Iruzkinik ez

Aspaldiko soziolinguistika domestikoak euskaldunak aktibatzeko deia egiten zuen. Handik urtebetera-edo aktibazio modu batzuk gehitu nizkion hari. Eta gero aktiboa izan nahi? galdera egin.

Gaurkoan ere aktibazio modu berri batzuk aipatu nahi ditut:

– Gureaz blai irratsaioa:
Info7 irratian Emunek egiten duen saioa da, euskaldunak aktibo
bihurtzeko saioa. Momentuz 5 irratsaio egin dituzte eta itxura oso ona
du.

– Euskaraz ostia webgunea: azaroan interpelazio kanpaina erraldoia jarri dute martxan. 230 eragileri galdegingo diote euren webgunea euskaraz jar dezaten.

– Telp tailerren bloga abian jarri da.

Besterik ezagutzen al duzue? 

Azatzak 49: Galtzakomik

2012-10-30  //  Azatzak  //  Iruzkinik ez

Komikigintza gutxi jorratu dut azatzen artean, nahiz eta komikizalea izan. Aurreko batean Napartheid zaharrak apaletatik jaitsi eta azken aldiko arratsalderik gogoangarriena pasa nuen. A ze oroitzapenak!

Gaurkoan Galtzakomik lehiaketa dakargu, 49. azatza hain zuzen ere. Tolosako Galtzaundi euskara elkarteak antolatzen du lehiaketa. Lanak aurkezteko epea azaroaren 23an amaitzen da. Oinarri zehatzak http://galtzakomik.blogspot.com webgunean daude.

Giltza eman

2012-10-26  //  Sailkatu gabea  //  Iruzkin bat

Bideo batzuk aurkitu nituen aurrekoan, ombupean blogari esker.

Eta
zer ikusi nuen? Guraso erdaldunak euren hizkuntza bizipenei buruz berbetan
agertzen ziren, emozioetatik eta bizitakotik. Interesgarria da bizipen
hauek entzutea, bizipen hauekin aberastea, bizipen hauekin ikastea eta
aurreiritziak eraistea.

Hiznet 2012: ikerketa lanak

2012-10-23  //  Sailkatu gabea  //  Iruzkinik ez

Azken
hamar urteotan euskarazko soziolinguistika ikerketan berebiziko papera
bete du Hiznet-ek, batez ere ikastaro amaieran egin beharreko
ikerketa-lanak direla-eta. Gainera, hasieratik argi izan dute argitaratu
behar zirela eta denon eskura jarri.

Aurten ere berea eman du Hiznetek
eta zenbait ikerketa lan plazaratu dituzte, horietako asko sano
interesgarriak ziur (aurreko urteetakoak begiratzea ere ez da txarra,
harribitxi asko baitago ostenduta):

Gandarias Ispizua, Leire
(2012). “Azentu bariazio soziolinguistikorako lehen hurbilpena
Kortezubin, Tolosan eta Lekarotzen”. Hiznet 11-12ko sakontze egitasmoa
Urbieta Aizpurua, Josune (2012). “Euskaldun berriak laneko euskarazko dinamiketan”. Hiznet 11-12ko sakontze egitasmoa
Zeberio Loinaz, Mikeldi (2012). “Gazteei zuzendutako euskarazko aldizkarien azterketa”. Hiznet 11-12ko sakontze egitasmoa
Artola Lizarralde, Itxaro (2012). “Euskararen aingurak Arrasateko gazteen hizkuntza-praktikan”. Hiznet 11-12ko sakontze egitasmoa
Acero Alustiza, Maddalen (2012). “Donostiako Udalaren euskara-planak”. Hiznet 11-12ko sakontze egitasmoa
Aranguren Zubimendi, Maddi (2012). “Azpeitiako gazteak eta euskara”. Hiznet 11-12ko sakontze egitasmoa
Azpiroz Osa, Urko (2012). “Funtzio propioen lanketa”. Hiznet 11-12ko sakontze egitasmoa
Anduaga Insausti, Eneko
(2012). “Iseka Gazte Taldea. Atarrabiako aisialdia, eta Iseka
esku-hartzeak eragiten dituen ondorioak euskararen erabileran eta
motibazioan”. Hiznet 11-12ko sakontze egitasmoa
Lopez-Gil Peciña, Leire (2012). “Gasteizko erakunde publikoen eta herri ekimenaren osagarritasuna euskalgintzan”. Hiznet 11-12ko sakontze egitasmoa
León Perez de Ciriza, Lorea (2012).”Euskaldunen euskarazko zerbitzuen kontsumoa: Nafarroako Kutxaren kasua”. Hiznet 11-12ko sakontze egitasmoa
Laskibar Etxebarria, Nerea (2012). “Afasia. Elebitasuna eta terapia”. Hiznet 11-12ko sakontze egitasmoa
Etxeberria Oliden, Naiara (2012).
“Bigarren hizkuntzaren jabekuntzan eragiten duten faktore
sozioafektiboak eta lehen hizkuntzaren trataera”. Hiznet 11-12ko
sakontze egitasmoa
Miruri Muruaga, Goizane (2012). “Getxo marka-futbola euskalduntzeko plangintza”. Hiznet 11-12ko sakontze egitasmoa
Redondo Beitia, Ibai (2012). “Euskara eta euskalduntzeko p-lanak Osintxun”. Hiznet 11-12ko sakontze egitasmoa
Aparicio Olabarri, Mikel (2012). “Bipuntuzero: Euskara, web 2.0 eta gizarte sareak”. Hiznet 11-12ko sakontze egitasmoa

Aborda dezagun erdigunea!

2012-10-19  //  Sailkatu gabea  //  Iruzkinik ez

Abuztuan Leire Narbaizak artikuluak idatzi zituen Berria egunkarian. Horietako bat Erdigunea izenekoa. Nukleo sinbolikoaz hitz egiten zuen behinola Txepetxek (inoiz ere entzun dut hizkuntza komunitatearen bihotza esamoldea):

Euskara ez dago hizkuntza-komunitatearen zentroan, marjinala da, bitxikeria. Euskaldun osoak (euskaraz ondo dakigunak) ez gara erdigunea. Zentro sinbolikoa, hirigunea, erdaldun elebakarrek okupatzen dute, eta euskaldun osoak errebalean gaude, anekdota xelebre eta pintoresko hutsa gara. Horrela baina txarto gabiltza, ez dugu inoiz aurrera egingo.

Inoiz zentro hori hartu eta okupatzen ausartuko ote gara? Horrela egin ezik, gure hizkuntzak jai dauka. Aborda dezagun erdigunea!

Azatzak 48: Euskararen maratoia

2012-10-18  //  Azatzak  //  Iruzkinik ez

Euskararen Maratoia lasarte-oriatar askok euskaldun izateko duten nahia sinbolizatzen duen jai bat da. 1986an hasi eta lau urtez behin egiten, ospatzen, duten jai bat. 40 ordu, etenik gabe, irauten duen jai bat.
Eguneroko maratoia, benetakoa, elikatzen laguntzen dien jaia.

Euskararen Maratoia larunbatean goizeko 8:00etan hasten da eta igandean gaueko 12:00etan amaitu. Bitartean, Maratoia, 5 minutu baino handiagoko isilunerik ezin izan dezakeen etengabeko mikrofono bat da.

40 orduak herriko plazan hezurmamitzen dira eta oholtza zortzikote batek dinamizatzen du, umorea ardatz duten ekitaldiak berariaz prestatuz eta herritarrek prestatuta dituzten emankizunei bide emanez (parte hartzeko baldintza da Lasarte-Orian jaio, bizi edo lan egitea).

Maratoiaren ardatza euskara da eta bere baliorik kuttunenetakoa, berriz, herriko euskaltzaleak, beren tira-bira ideologikoen gainetik, jaiaren inguruan biltzea. Maratoia da, korritu gabe, oso ongi esplika ezin daitekeen zerbait.

Hitz hauek ez dira neureak, neure egiten baditut ere. Iñaki Arrutirenak dira eta artikulu honetan azaltzen ditu azaldu beharrekoak nik baino hobeto.

Maratoia ez dadila eten …

Busco amante galego-falante

2012-10-15  //  Sailkatu gabea  //  Iruzkinik ez

Bere garain Sechu Sendek bota zuen leloa, Vigoko unibertsitateak bere egin eta kanpaina burutsua egin zuten.

Baina ez zen hor geratu. Sacha na horta taldeko neskek hartu eta kantu bihurtu zuten. Hona emaitza:

Busco Amante Galegofalante from as candongas do quirombo on Vimeo.

Bat 83: kulturgintza euskararen garabidean

2012-10-09  //  Sailkatu gabea  //  Iruzkinik ez

Entresaka txiki bat egin dut azken Bat aldizkaritik (egia esateko, lehen bi artikuluetatik):

Ilunaldi estrategiko batean gaude.

Lastoa balitz legez baztertu izan da kultur dimentsioa hizkuntz-plangintzetan.

(Kulturak) hizkuntza-komunitate gutxituetan funtzio bat du hiztun-komunitatearen ametsa, bizinahia eta auto-irudia elikatzeko.

Kultura izan liteke emozionalitatea hizkuntzarekin fusionatzeko bidea.

Izenburuak dioen legez, azken Bat aldizkarian kulturgintza papera euskararen garabidean aztertu dute luze eta zabal.

Azatzak 47: Euskal Karaokeak

2012-10-06  //  Azatzak  //  Iruzkinik ez

46 azatzen ondoren, egitasmo xume bezain arrakastatsu bati heldu nahi diot. Transmisioa eta zabalkundea oinarri duen egitasmo xumea.

Euskal karaokeak dugu egitasmoa. Gabi de la Maza izeneko irakasleak kudeatzen du. Euskal Girotze Barnetegietako irakaslea da bera. Eta zer egin du ba? Ba, karaokeak egin ditu euskarazko kantu ezagun askorekin. Momentu honetan 600dik gora karaoke egin ditu. Eta interneten 10 milioi bisitatik gora lortu dituzte.

Askotan galdetzen da: zer egin dezaket interneten euskararen alde? Ba, tori erantzun bat (beste asko ere egon daitezke: wikipedia, …)