Zubietako herritarrek errauste plantaren kontrako botoa eman dute

Atalak: Errausketa, Gipuzkoa, Zubieta

Maiatzaren 27an udal hauteskundeez gain errauste plantari buruzko erreferenduma egiteko eguna ere izan zen Zubietan. Herritarren %62k eman zuen botoa, eta bozkatu zuten 243 pertsonetatik 242 kontra azaldu zen. Kontsulta Zubietako Herri Batzarrak antolatu zuen. Albiste hori “Berria” egunkariak titulu honekin bildu du:  “Zubietako herritarrek errauste plantaren kontra eta alternatiben alde egin dute”
. Eta “Gara”k berriz honela: “Aplastante rechazo a la incineradora en el referéndum de Zubieta” .

Zubietako herritarrek errauste plantaren kontra eta alternatiben alde egin dute

Hondakinak erretzea ez dela zaborra kudeatzeko modu egokia esan dute hautesleen %62k

JAKES GOIKOETXEA – Donostia

Zubietak ezetz esan dio errauste plantari. Azpiegiturari buruzko herri galdeketan parte hartu zuten 243 herritarretatik 242k eman zuten errauste plantaren kontrako botoa; herritar bakar batek egin zuen
errauste plantaren alde. Botoa emateko eskubidea duten zubietarren %62,62k parte hartu zuten Zubietako Herri Batzarrak antolatutako herri galdeketan.

Kontrako botoa eman zutenek onartu zuten prest zeudela hondakinak tratatzeko modu alternatiboak bultzatzeko. Alternatiba horren oinarriak izango lirateke zaborraren sorrera murriztea, hondakinak ahalik eta gehien berrerabiltzea eta hondakinak ahalik eta gehien birziklatzea.

Horretarako, «ezinbesteko» bi neurri proposatu dituzte. Alde batetik, gaika egindako bilketa antolatzea: «Gaur egun biltzen direnez gain, etxeetan sortzen den materia ustelkor guztia eta erreusak biltzea». Bestetik, gaia egindako bilketan jasotako materia organikoa konpost bihurtzea, «aukera guztiak erabiliz, sortzen den lekutik ahalik eta hurbilena».

Zubietako Herri Batzarra pozik dago, herritarrek errauste plantaren kontra eta alternatiben alde egin dutelako. Badaki herri galdeketak ez duela ondorio praktikorik izango erakundeetan, baina galdeketaren berri emango diete Gipuzkoako Diputazioari, Usurbilgo eta Donostiako udalei eta San Markos Mankomunitateari.

Imanol Azpiroz Zubietako Herri Batzarreko jarduneko alkatea da. EAE-ANVko zinegotzi hautatu dute Usurbilen. Hauteskundeen emaitzak ikusita, erakundeetan errauste plantaren kontra lan egiteko aukera
izango dutela uste du. «Lehen ia ez geneukan tresnarik. Orain emaitza oso onak lortu ditugu San Markos barruko hainbat udaletan. Bertan lan egin ahal izango dugu proiektuaren kontra». Erakundeetako lanaz gain, kanpoko lana nabarmendu du: «Herriaren mobilizazioak geratuko du errauste planta».

Hauek dira Zubietako herritarrek aukeran errauste plantaren proiektuari buruz iritzia emateko herri galdeketan aukeran zituzten bi testuak: Errauste plantaren kontra: «Ez dut onartzen errausketa zaborra
kudeatzeko modu egoki bezala, eta aldi berean motu alternatiboak bultzatzeko ahaleginak egiteko prest nago». Errauste plantaren alde: «Bai, onartzen dut errausketa zaborra kudeatzeko modu egoki bezala, eta horregatik ez nuke eragozpenik jarriko nire herrian jarriko balitz ere».

Aplastante rechazo a la incineradora en el referéndum de Zubieta

Gara.

La asamblea popular de Zubieta llevó ayer a cabo un referéndum sobre la instalación de una incineradora y la opción de esta alternativa para el tratamiento de basuras, que se saldó con un aplastante rechazo: 342 votos en contra y uno sólo a favor, con una participación del 62,6% de
los vecinos.

Algunos habitantes de Usurbil y Lasarte quisieron votar, pero no pudieron hacerlo al no estar empadronados. Los organizadores mostraron su satisfacción.