Hondarribian GAIA eta Ekologistak Martxan erakundeek bukatu dute mundu biltzarra hondakinen errausketaz

Atalak: Errausketa, Gipuzkoa, Txingudi

Hondarribian hirietako hondakin solidoez burutu duten mundu biltzarra bukatu dute GAIA eta Ekologistak Martxan erakundeek. Azken ekitaldian, bertara mundu osotik bildutako aditu eta militanteek eskatu dute errauste plantak eraikitzeko planak geldi ditzatela. Albistea eskaini
dute ” Berria “k ( Gipuzkoan bi errauste planta egiteko planak gelditzeko eskatu du GAIAk ), ” Gara “k ( GAIA: «Errausterik eta hondakinik gabeko komunitatea ez da utopia» ) eta       ” Diario Vasco “k ( Expertos ecologistas critican la incineración de residuos en un congreso en Hondarribia ).

Gipuzkoan bi errauste planta egiteko planak gelditzeko eskatu du GAIAk (Berria)

Donostia

Herenegun
amaitu zen Hondarribian (Gipuzkoa) Erraustearen Alternatibarako Aliantza Globalak (GAIA) hiru egunez eginiko bilkura. 39 herrialdetako gobernuz kanpoko 130 erakundeetako ordezkari, ikerlari eta hiri hondakinen kudeaketan aditu diren lagunak izan dira Hondarribian, errauste sistemak dituen ondorioez eztabaidatu eta mundu osoan martxan jarritako alternatibak aztertzeko. Bilkuraren harira kaleratutako agirian, Gipuzkoan –Txingudin eta Zubietan– errauste planta bana egiteko dauden bi proiektuak geldiarazteko eskatu dute parte-hartzaileek.

Gipuzkoan instituzioek «alternatiben inguruko eztabaida sistematikoki ukatuz» bi plantak ezartzea defendatu duten bitartean, gizarteak hiri hondakinen kudeaketaren norabidea aldatzeko
aktiboki laguntzeko borondatea azaldu duela dio GAIAk. Hala, «herritarrekin bat eginez», estrategia berri baten beharra aldarrikatu du, oinarritzat bi egitasmoak gelditzea hartuta. Halaber, konpostatzea
egiteko materia organikoa berehala biltzen hastea, Gipuzkoako Hiri Hondakinak Kudeatzeko Plan Nagusiaren (PIGRUG) berrikusketa egitea eta zero hondakin plan bat martxan jartzea aipatu ditu aliantzak estrategia berri horren oinarrien artean.

Hondarribian eginiko bilkuran, GAIAren esanetan, argi geratu zen «hondakinen errausketa nahiz
zabortegien erabilera XXI. mendean erabiltzen jarraitu ezin dugun teknika jasangaitzak direla». Ordea, zero hondakin planek, hiri hondakinen arazoari «irtenbide erreala» ematen diotela defendatu du.

DONOSTIAKO EAJ ETA EA-REN ESKAERA. San Markos Mankomunitatea «PIGRUGaren aurka
agertu diren alderdien esku geratzeak kezka handia» eragiten die Donostiako EAJ eta EA udal taldeei, adierazi dutenez. Hala, Donostiako alkate Odon Elorzari gutuna igorri diotela jakinarazi zuten atzo. San
Markosen baitan sortutako egoera «bere onera ekartzeko prest» daudela esan, eta Donostiako Udalak dituen bi ordezkariak talde sozialistakoak izateko eskatu diote alkateari.

GAIA: «Errausterik eta hondakinik gabeko komunitatea ez da utopia» ( Gara)

GAIAk, erraustearen alternatiben alde lanean ari den munduko sareak, lau  eguneko jardunaldiak egin ditu berriki Hondarribian. 39 herrialdetako 130 ordezkari aritu dira bertan zaborren eta kutsaduraren arazoak izan ditzakeen konponbideei buruz eztabaidan, eta adierazpen bat adostu dute, Gipuzkoako eta Europako herritarrei hondakinen kudeaketa aldatzeko bidean elkartasuna azaltzeko mezu bat.

Maider IANTZI |

GAIA erraustearen kontrako munduko sareak hirugarren biltzarra egin zuen Hondarribian irailaren 15etik 18ra. 39 herrialdetako 130 ordezkari elkartu ziren: hainbat Gobernuz Kanpoko Erakunde, plataforma eta sindikatutakoak, ikertzaileak, klima aldaketa gelditzeko lanean ari den jendea, errauste plantaren baten ondoan bizi diren lagunak eta etxe inguruan horrelako azpiegituraren bat eraikitzeko beldur direnak, bertzeren artean. Sarea sendotzea eta errausterik eta hondakinik gabeko komunitate osasungarriak eta justuak garatzeko konpromisoa berrestea zuten helburu.

GAIAk Buenos Airesen duen idazkariak, Cecilia Allenek, atzoko prentsaurrekoan jakinarazi zuenez, «gai garrantzitsuen eta erronka handien gainean eztabaidatu eta ikasi» zuten, baita herritarren parte-hartzea sustatzeko ahaleginari buruz ere.

Jardunaldi hauetan munduko hainbat txokotan aplikatzen ari diren planak izan zituzten mintzagai, hondakinik gabeko gizartea lortzeko egitasmoak, Zaborra 0 deitutakoak. GAIAko idazkariak argitu zuenez, politika integral hauek hondakinak bereizi eta baliabide moduan tratatzea dute xede. Birziklatzearen alde daude, baina oraindik urrunago joaten dira, material batzuk ezin baitira birziklatu. Kasu horietan konpostajea izanen litzateke irtenbidea, edo industriekin solastatzea bertzela, erabilitako eta botatako guztia berreskura dadin.

«Baina hori ez al da utopia?», galdegin zioten kazetariek berehala. Ezezkoa izan zen erantzuna, gisa horretako ehun plan baino gehiago gauzatzen ari baitira Coloradon, Buenos Airesen, Zeelanda Berrian, Canberran eta bertze toki anitzetan.

Allenen ustez, gakoetako bat industria enpresei ekoizten dutenaren gaineko ardura itzultzea da, eurek izatea hondakinak lantzeko ardura, horrela errazago eginen dutelako ekoizpen garbiaren
alde. Berrerabilpenaren eta berreskurapenaren garrantzia nabarmendu zuen Ekologistak Martxan taldeko ordezkari Pilar Barquinek. «Kutsatzen duenak ordaindu egin behar duela dio legeak, baina ez da hala gertatzen, ez zaie ekoizleei ardurarik ematen. Ekoizpena alda daiteke borondatea baldin badago», baieztatu zuen.

Ekologistak Martxaneko bertze kide batek, Kepa Olaizek, birziklatu ezin diren produktuak garestiago merkaturatzea neurri egokia izan daitekeela ohartarazi zuen. Hemen ere baditugu halako adibideak: denda batzuetan kobratu egiten dituzte plastikozko poltsak. Munduak «era zirkularrean» funtzionatzen duela erran zuen Olaizek; guk, berriz, «erabat modu linealean». Horren erakusgarri da hondakinak erraustea. «Gipuzkoari eta Europako gizarte zibilari» elkartasuna

Mintzatzeaz
eta eztabaidatzeaz gain, GAIAren biltzarrean parte hartu zutenek idatzi bat adostu zuten «Europako gizarte zibilari eta Gipuzkoari» elkartasuna adierazteko. Probintzia horretan indarrean dauden Txingudiko eta Zubietako errauste proiektuak gelditzeko eta hondakinak deuseztatzeko sistema hori debekatzeko eskatzen dute dokumentu horretan, baita Zaborra 0 plan bat osatu eta zaborren tratamendu jasangarria sustatzeko ere. Europar Batasunari begira ere paratzen dira. Filipinetan GAIAren idazkari Gigie Cruzek ohartarazi zuenez, pertsonen osasunari eta ingurumenari kalterik egiten ez dioten politikak eta prozesuak martxan jartzeko garaia du. Izan ere, Europak hondakinak tratatzeko duen modua «erreferente baita mundu osoan».

Expertos ecologistas critican la incineración de residuos en un congreso en Hondarribia (Diario Vasco)
En el encuentro se presentaron casos de ciudades con planes alternativos Exigen que la industria se haga cargo de los desechos que generan sus artículos

SAN SEBASTIÁN. DV. «La incineración de residuos es un método obsoleto que responde a una política del siglo XX, y no del XXI». Ésta es una de las conclusiones que se extraen del congreso que ha tenido lugar durante cuatro días en Hondarribia, organizado por la asociación internacional Alianza Global para Alternativas a la Incineración (Gaia).

En el encuentro han participado más de 140 personas de 39 países, entre ellas miembros de plataformas ciudadanas y expertos del cambio climático. Todos ellos han analizado diferentes planes de reciclaje que se están llevando a cabo en ciudades como Camberra, San Francisco o Buenos Aires, como alternativa a la incineración.

Los encargados de trasladar las conclusiones fueron las responsables de las oficinas de Gaia en Argentina y Filipinas, Cecilia Allen y Gigie Cruz; y los miembros de Ekologistak Martxan, Kepa Olaitz y Pilar Barquin. Allen rechazó de lleno el método de incineración, ya que «está totalmente demostrado científicamente lo perjudicial que puede ser para la salud, incluso con las nuevas tecnologías empleadas».

La experta argentina en su alocución marcó el camino a seguir por los gobiernos. Según explicó el ideal
sería aplicar una política de «residuos cero», medidas que ya se aplican en varias ciudades de California, Australia o Japón. «Estas normas están consiguiendo un nivel de recuperación de residuos de hasta casi el 70%, lo que significa que sólo entierran un 30% de la basura que producen», afirmó.

Viabilidad

Según los
miembros de Gaia y Ekologistak Martxan, el congreso de Hondarribia ha servido para «demostrar que existen alternativas a la incineración y al enterramiento, y que no sólo son viables y posibles, sino que son el camino a seguir».

Por otra parte, aseguraron que es fundamental una mayor implicación de la sociedad en esta problemática, al igual que del Gobierno y la industria. En este sentido, Allen afirmó que «todo lo
que no se puede reciclar o devolver a la naturaleza de forma segura, no debe producirse». Para ello exigió que la industria se haga cargo de los desechos que generan los artículos que produce. «La ley
constitucional ya indica que quien contamina paga, ahora sólo hay que cumplirlo», añadió Pilar Barquin.

Tras el congreso, se aprobó además una declaración de apoyo a los movimientos ciudadanos contrarios
a la incineración en Gipuzkoa, en la que se pidió la prohibición de este método y la urgente revisión del plan de residuos del territorio.