Gero eta haserreago daude Zubietako herritarrak Donostiako udalarekin

Atalak: Errausketa, Gipuzkoa, Zubieta

Zubieta, Gipuzkoako hondakinen arduradunek errauste plantaz “hornitu” nahi duten herria, Donostia eta Usurbilgo udalen artean dago banatuta. Urte luzez zelai eta baserri-lurren erreserbatzat egon da kasik ahaztua, eta azken urteotan aldiz bertako lurretan pilatzen ari dira Donostiako bere hirigunetik urrundu nahi dituen guztiak. Erraustegiaz gain Gipuzkoako espetxe berria hor eraiki nahi dute, litekeena da Loiolako koarteleko militarrak ere bertara joatea… Herritarrek egunotan beren haserrea azaldu dute. Albistea irakur daiteke “Berria“n, “Gara“n eta “Noticias de Gipuzkoa“n.

Loiolako kuartela jarriko dieten beldur dira Zubietako auzotarrak (Berria)

Garai batean zuten herri izaera berreskuratzeko bideari ekitekotan dabil Zubietako Herri Batzarra

AINARA ARRATIBEL

Donostia

«Zubieta txikia da, txikiak izaten jarraitu nahi dugu. Baina ez gaituzte txikituko». Zubietako Herri Batzarreko buru Eñaut Zuriarrainek azaldu zuen hitz horiekin Zubietako auzotarren kexa Donostiako Udalak eta Gipuzkoako Foru Aldundiak bertan ezarri nahi dituzten proiektuekiko. Orain arte errauste plantaren, kartzela berriaren, 1.110 etxebizitzaren eta industrialde baten eraikuntza arbuiatu dituzte. Orain, halaber, susmoa dute Donostiako Loiola auzoan dagoen kuartela hara eraman nahi dutela. «Donostiako Udalaren lur erreserban, behintzat, hala jasotzen da». Proiektu horiek duten helburua arbuiatu dute auzotarrek. «Eraikuntzari lotutako espekulazioa baino ez dago horren atzean».

Zubieta Usurbil eta Donostia artean dagoen auzoa da. 500 bizilagun bizi dira bertan. Egun Usurbilgo Udalarekin dituzten harremanak «onak» dira. Donostiako Udalarekin dituzten harremanak, berriz, oso bestelakoak dira. «Urtebete daramagu bilera xume bat eskatzen, baina ez dugu erantzunik jaso. Ez dute gurekin hitz egin nahi, badakitelako beren proiektu erraldoi eta txikitzaileen aurka gaudela. Ez dute gure iritzia kontuan hartzen». Horren aurrean garai batean zuten herri nortasuna berreskuratzea da konponbide bakarra haien ustez. Eta, bien bitartean, toki-erakunde txikiago bat izatea. «Ondo baino hobeto dakigu zer-nolako Zubieta nahi dugun». Oraingoz, aztertzen ari dira horren bideragarritasuna eta egin beharreko urratsak. Herri nortasuna izateko legediak 2.000 bizilagun izatea eskatzen du.

Donostiako Udalak eta Foru Aldundiak aurrera eraman nahi dituzten proiektuek Zubietaren etorkizuna baldintzatzen dutela salatu dute. Errauste planta jarri dute horren adibide. «Gezur hutsetan oinarrituriko proiektua da, eta oinarri-oinarrizko legeak betetzen ez dituena». Horri lotuta, kezka agertu dute Donostiako Udalak bertan eraiki nahi duen industrialdearekiko: «Ez ote da izango errauste plantak sortuko dituen gai toxikoak isurtzeko gunea?».

Kartzela eraikitzeko asmoa ere salatu dute. «Erraldoia izango da, eta espetxe politika suntsitzailearen bermea. Hori bai, egia lotsagarriak politikarien begiak zauri ez ditzan, mendian ezkutatuta eraikiko dute». Kartzelarekin batera Loiolako kuartela hara eraman nahi izateak garbi erakusten du, haien ustez, «eraikuntzari lotutako interesak giza eskubideen gainetik daudela».

Proiektu horiez baino gehiago auzotarrek dituzten «benetako arazoez» kezkatzea eskatu dute: «Hainbat azpiegitura eta gizarte zerbitzuren egoera kaskarrei erreparatzea besterik ez dago ditugun arazoez konturatzeko». Garraio publiko duina bermatzeko ere eskatu diote Foru Aldundiari. «Auzoan autobus zerbitzua jartzea defizitarioa dela esaten digute. Ez dute batere duintasunik».

-o-o-o-

Donostiaren «mehatxuak» ugaldu ahala handitzen doa zubietarren haserrea (Gara)

Bostehun bizilagun dituen Zubieta, Donostiako eta Usurbilgo auzune gisa dago izendatua egun. Hala ere, herri bilakatzeko eman beharreko pausoak aztertuko ditu Zubietako Herri Batzarrak. Are gehiago, Donostiako Udalak bertan ezarri nahi dituen proiektuak kontuan izanik: errausketa planta, makrokartzela, industriagunea, 1.100 etxebizitza eta oraindik zurrumurrua den baina gero eta indar handiagoa duen kuartel militar espainola eraikitzeko proiektua.
Gari MUJIKA |

«Txiki izaten jarraitu nahi dugu, baina ez gaituzue txikituko». Esaldi bakarrean aldarrikapena eta ohartarazpena ere egin du Zubietako Herri Batzarrak, etorkizun hurbilari so eginez udalerria hankaz gora jarriko duen makina bat proiektu egin nahi baititu bertan Donostiako Udalak. Odon Elorzaren gobernuak Zubietarekiko utzikeria oinarri duen politika garatzen duela salatu dute, baita herri izaerari eutsiko diotela argi adierazi ere.

Eñaut Zuriarrain eta Unai Agirre Zubietako Herri Batzarreko kideek atzo emandako prentsaurrekoan salatu zutenaren arabera, «Zubieta ez da existitzen Donostiarentzat». Eta hori esateko argudio ugari dituztela ere argi utzi zuten segidan.

Urtebete bilkura baten eske

Iazko udal hauteskundeek utzi zituzten emaitzak kontuan hartuz osatu zuten Herri Batzarra. Orduz geroztik, Zubietak dituen beharrez eta eginbehar nagusiez arduratzen da, udal propioa izango bailiran lan eginez.

Usurbilgo Udalarekin harreman onak dituztela azaldu zuten -Usurbilgo eta Donostiako auzo gisa izendatua baitago-, Gipuzkoako hiriburukoarekin, aldiz, ia harremanik ez dute; nahiz eta Odon Elorzaren gobernuak zubietarrekin hartu-emanean egoteko ordezkaria baduen; gaur egun, EBko Duñike Arrizabalaga da arduraduna.

Hala ere, azken urtebetean bilkura eske ari dira zubietarrak etengabe; baina erantzunik ez dute jasotzen. «Ez daude Zubietarekin hitz egiteko prest», ondorioztatu dute, beraz, Zubietako bizilagunek. Izan ere, pisuzko argudioak eta kezkak dituzte zubietarrek «mehatxupean» sentitzeko, eta, ondorioz, baita Donostiako Udalarekin biltzeko ere. Baina Gipuzkoako Aldundia ere ez da salaketa honetaz libro: Zubietara iristeko autobusa behingoagatik ezartzeko eskaera egin bazuten ere, Aldundiak ez omen dauka horretarako dirurik. Hori izan zen Aldundiak eman zien erantzuna, prentsaurrekoan salatu zutenez.

Erraustegia ezarri nahi dute Zubietan; bizilagunen esanetan, gezurra oinarri duen «inposaketa» da gipuzkoarrentzat. Martuteneko espetxea eraustearekin batera, Zubietan jarri nahi da baita «kartzela erraldoia» ere. Hori gutxi ez, eta Loiolako auzoan Espainiako Armadak daukan kuartel militarra ere Zubietara eramateko asmoaren inguruko zurrumurruak gero eta indartsuagoak dira; «nahiz eta proiektu horiek oraindik ez dauden zehaztuta, Donostiako Udalaren lur erreserban agertzen dira», gaineratu zuten.

Hirugarrenaren ondotik azaldu zuten laugarren makro-proiektua: 160.000 metro karratuko industriagunea; «dena lotua dute», salatu zuten. Eta, azkenik, Donostiako Udalak Zubietan 1.100 etxebizitza egiteko proiektua duela ere azaldu zuten. Hori bai, zubietarrekin deus hitz egin gabe, eta Zubietako Herri Batzarrak bere lurralde eta etxebizitza plan propioa duela kontuan hartu gabe. Are gehiago, 500 biztanle dituen auzoa hirukoiztu egingo duen proiektua dela kontuan izanik.

Eta udalerriari begira, bizilagunak kontuan hartu gabe, egin nahi dituzten proiektuak horiek izanik, zerbitzu publikoak edo errepideak oinarri dituzten eskaera guztiei muzin egiten diete agintariek. «Zubietan orain dela ehun urte bezala bizi gara», salatu zuten, ikastolara joateko edo erosketak egiteko kilometro ugari oinez egin behar dituztela nabarmenduz.

Baina «jarrera erasokor» horren aurrean, Zubietaren izena eta izana indartuko dutela azaldu zuten, bai eta herri bilakatzeko eman beharreko pausoak aztertzen hasiko direla ere.

-o-o-o-

Zubieta amenaza con reclamar un Ayuntamiento propio (Noticias de Gipuzkoa)

La junta vecinal, dispuesta ainiciar los trámites
Los vecinos se quejan de la “imposición” por Donostia de proyectos como la incineradora o la cárcel

Donostia. La Junta Local de Zubieta anunció ayer que está estudiando la posibilidad de iniciar los trámites para constituirse como municipio independiente, como consecuencia de los proyectos previstos por el Ayuntamiento de Donostia en la zona, como “la incineradora, la construcción de 1.100 viviendas, la nueva cárcel” y posiblemente “el traslado de los cuarteles de Loiola”, según señalaron los miembros de la Junta Eñaut Zubiarrain y Unai Agirre.

Ambos comparecieron junto con otros miembros de este órgano para manifestar su malestar ante “las amenazas que vienen” a la zona, en referencia a la construcción de la futura planta incineradora, a la ejecución “de 1.100 viviendas”, de la nueva cárcel que sustituirá a la de Martutene y al previsible “traslado de los cuarteles de Loiola” a la zona. Algo que todavía no está “definido” pero así lo sugiere “la reserva de suelo del Ayuntamiento de Donostia”, añadieron.

Según señalaron, la Junta está “analizando” la posibilidad de “recuperar” la “identidad” de Zubieta, actualmente dependiente de los ayuntamientos de Donostia y Usurbil “como pueblo”. Los miembros de la Junta Local justificaron la posibilidad de que exijan la creación de un Ayuntamiento en la falta de atención por parte del de Donostia. Así, Zubiarrain y Agirre denunciaron que “el Ayuntamiento de San Sebastián habla con dulce voz pero ignora qué es Zubieta, dónde está y, lo peor, le importa un pito”.

Los representantes vecinales se quejaron de la falta de interlocución con el alcalde de la ciudad, Odón Elorza. Agirre, quien también formuló críticas contra la Diputación, se dirigió a ambas instituciones: “Saben que en absoluto estamos de acuerdo ni con sus enormes proyectos destructivos como la alegal incineradora contaminante, la exterminadora cárcel, los cuarteles de militares españoles, un seudoparque industrial que daría servicio a la incineradora, 1.100 viviendas, ni su connivente silencio”.

La Junta Vecinal se quejó de que las administraciones no hayan tomado en cuenta la opinión de los residentes de esta zona rural. “Todo está decidido, no hay alternativas ni discusión. Menos aún una información inteligible”, señalaron sus portavoces.

La Junta Vecinal denunció que frente a lo que calificó como “proyectos faraónicos” los zubietarras “han de ir a pie a la escuela, al médico, a hacer compras… fuera del pueblo, porque el pueblo no hay nada de eso: ni transporte público, ni una carretera digna… es decir, como hace siglos”. En este sentido, se preguntó si el autobús no es un servicio social. Y criticó que la Diputación de Gipuzkoa aluda a que sería deficitario para no incluir a Zubieta en su red de transporte público. “No están dispuestos a poner dinero”, señaló para volver a interrogarse, en alusión a los miembros del ente foral, por “qué superávit generan sus constantes viajes o los sueldos de sus asesores de imagen”.