Oiartzungo herrian lehen urratsak emango dituzte atez-ateko zabor bilketara iristeko

Atalak: Atez atekoa, Gaikako bilketa

Oiartzungo udalak onartu berria du herrian hondakinak kudeatzeko sistema berria antolatzea, atez-ateko bilketan oinarrituta. Hala jakinarazi du “Noticias de Gipuzkoa” egunkariak. Lehen urrats bezala, herriko bi gunetan konpostatzeko bi makina jarriko dituzte berehalakoan martxan.
Oiartzunek datozen hilabeteetan hasiko du etxez etxeko zabor bilketa
Neurri honekin batera, herriko bi ikastetxeetan konposta makina bana jarriko ditu laster
Oiartzun. Duela hilabete bat Oiartzungo Udalak udalerriko materia organikoaren bilketa egiteko konpromisoa hartu zuen Osoko bilkura batean eta datozen hilabeteetan martxan jarriko dira jasangarritasuna ardatz duten ekimen ezberdinak.

Lehen urrats bezala, Oiartzungo herriaren ezaugarriak kontutan hartuz, udal arduradunek honako kudeaketa eredua aurreikusten dute: batetik, etxe bakoitzean sor-tzen diren hondakinen bilketa (hemen hasiko litzatekeelarik hondakin ezberdinen bereizketa); eta bestetik, hondakin organikoentzako konposta makinen ezartzea herriko gune zehatzetan.

Norabide horretan pausoak ematen hasteko eta konposta planten eraginkortasuna frogatzeko, bi makina ezarriko dira, bata Elizalde herri eskolan eta bestea Haur-tzaro ikastolan (bakoitzak egunean 40 kilo zabor sortzen du).

Honela bi erronkei heldu nahi die Udalak: batetik demostratzea hondakin organikoen konpostatzea egun dagoen irtenbide osasuntsuena dela; eta bestetik, gai honekiko sentsibilizazioa lantzea.

Bestalde, hondakin arriskutsuen bilketaren baitan (landare-olio erabiliak, etxeko hondakin arrisku-tsuak eta etxetresna elektriko txikiak), nora eraman behar diren gogoratu du Udalak. Honela Doneztebe plazan 9.00etatik 13.00 jasotzen dira hileko lehenengo eta hirugarren astearteetan. Bigarren eta azken astearteetan berriz, 16.00etatik 19.30era eraman daitezke.

Carrefour merkatal zentroan ere bilketa egiten dute bigarren larunbatetan 11.00etatik 14.00etara eta 15.00etatik 19.00etara.