Urbil merkatal guneak erdira jaitsi ditu zabortegira bidaltzeko hondakinak

Atalak: Berrerabilpena

Sortutako hondakinen %84 birziklatzea lortu dute aurten Urbil merkatalgunean (Usurbil) eta, ondorioz, zabortegira %16 bakarrik bidaltzea. Emaitzak Gipuzkoako Foru Aldundiarekin batera adostutako plangintzaren ondorio dira, zakar gutxiago sortzeko eta gehiago birziklatzeko. Horri esker, iazko datuak hobetu dituzte: 2008an %61 birziklatu zuten, eta gainerako %39 zabortegira bidali behar izan zuten.

Zabortegira eramateko hondakinak erdira gutxitu ditu Urbil merkatalguneakdonostia (Noticias de Gipuzkoa)

Berziklatu, konpostatu eta berrerabiltzeko plan aitzindaria jarri dute abian foru aldundiarekin

Sortutako hondakinen %84 birziklatzea lortu dute aurten Urbil merkatalgunean (Usurbil) eta, ondorioz, zabortegira %16 bakarrik bidaltzea. Emaitzak Gipuzkoako Foru Aldundiarekin batera adostutako plangintzaren ondorio dira, zakar gutxiago sortzeko eta gehiago birziklatzeko. Horri esker, iazko datuak hobetu dituzte: 2008an %61 birziklatu zuten, eta gainerako %39 zabortegira bidali behar izan zuten.

Zentro komertzial bateko zakarrak murrizteko plan aitzindari honen emaitzak aurkeztu zituzten atzo, eta nola gauzatu duten azaldu zuten Urbileko, Eroskiko eta Foru Aldundiko arduradunek. Mondragon Unibertsitatearen laguntzarekin garatu dute ekimena: berrerabilpena handitzeko Donostiako Emaus fundazioaren Ekocenter zentroarekin lan egin dute; Eroski hipermerkatuak berrerabiltzeko 8.150 boltsa saldu ditu (plastikozkoen artean, %30 gutxiago erabili dituzte) eta azken uneko merkatuan (iraungitze data gertu duten elikagaiak prezio merkeagotan salgai jartzeko ekimena) 1.000 kilo produktu saldu ditu.

Gainera, aurretik ez zuten konpostatzen eta Aldundiarekin sinatutako akordioaz geroztik, horretarako baliabideak jarri dituzte taberna guztietan: 47.179 kilo konpostatzea lortu dute. Azken finean, planaren helburua berrerabilpena, birzikla-tzea eta konpostatzea indartzea zen, bezero eta langileak kontzientzia-tzearekin batera eta sortutako zaborrak murriztearekin batera. Azken honi dagokionez, plan berriarekin lau hilabetetan 164.368 kilo zakar sortu dituzte, 2008n lortutakoak baino 44.403 kilo gutxiago. Hor, hala ere, aurtengoa krisi urtea dela eta horrek ere eragina izan duela aipatu beharra dago eta, honenbestez, hipermerkatuko zein denda eta tabernetako jarduera murriztu dela ere bai.

Azkenik, bezeroen kontzientziazioan eragiteko, birziklatzeko hamabost puntu jarri dituzte zentro komertzialean, beste bost kanpoaldean eta sei aparkalekuan. Komunikazio kanpaina ere antolatu zuten ekainean, Nazioarteko Ingurugiroaren Egunarekin bat eginez, eta haur eta gazteentzat tailerrak antolatu dituzte birziklatzeari buruz ikas dezaten.