Intzineradoraren kontra eta Atez Ateko bilketaren alde manifestaldia atzo Donostian

Atalak: Atez atekoa, Errausketa, Gaikako bilketa, Gipuzkoa, Zubieta

Gasteizko Legebiltzarrak Hondakinen Euskal Lege proposamena eztabaidatzeari ezezkoa eman ostean, Errausketaren Aurkako Herri Plataformen Koordinakundeak manifestazioa deitu zuen atzoko. Deialdiarekin bat egin eta makina bat herritarrek zeharkatu zituzten Donostiako kaleak errausketa baztertu, zaborren kudeaketarako atez ateko bilketa bultzatu eta herritarren parte hartzea sustatu dadin eskatzeko. Mobilizazioak eragile eta alderdi ugariren sostengua jaso zuen.Zaborren kudeaketan herritarren hitza aintzat hartzeko eskatu dute

Zaborren kudeaketan herritarren hitza aintzat hartzeko eskatu dute (Gara)

Gasteizko Legebiltzarrak Hondakinen Euskal Lege proposamena eztabaidatzeari ezezkoa eman ostean, Errausketaren Aurkako Herri Plataformen Koordinakundeak manifestazioa deitu zuen atzoko. Deialdiarekin bat egin eta makina bat herritarrek zeharkatu zituzten Donostiako kaleak errausketa baztertu, zaborren kudeaketarako atez ateko bilketa bultzatu eta herritarren parte hartzea sustatu dadin eskatzeko. Mobilizazioak eragile eta alderdi ugariren sostengua jaso zuen.
M.E. |

Donostiako kaleek hondakinen kudeaketa osasungarri eta iraunkorraren aldeko aldarria hartu zuten atzo. Baina haratago, Errausketaren Aurkako Herri Plataformen Koordinakundeak deitu eta hainbat alderdik eta eragilek sostengatu duten mobilizazioak herritarren parte hartzearen aldeko oihua ere zabaldu nahi izan zuen.

Bostak pasatxo zirela abiatu zen manifestazioa Donostiako Boulevardetik. Pankarta nagusian «Respeto a la participación, errausketarik ez» leloa irakur zitekeen eta parte hartzaileek, besteak beste, «Ez Zubietan ez inon» eta «Errausketarik ez, alternatibak bai» oihu egin zuten.

Manifestazioa amaitutakoan irakurri zuten idatziaren bidez ekainaren amaieran 35.000 sinaduratik gora jaso ostean aurkeztu zuten lege proposamenari Gasteizko Legebiltzarrak emandako erantzuna salatu nahi izan zuten irmo. «Parte hartzea saltzen dute, baina zer proiektutan eskatu digute herritarroi iritzia?», galdegin zuten, PP, PSOE, eta EAJ aurkeztutako testua eztabaidatzearen kontra agertu zirela gogora ekartzearekin batera. «Herritarrok, egunerokoa dugun zaborraren sortzearen eta honen trataeraren inguruan informatuta egoteko eta parte hartzeko eskubide osoa dugu, beti ere etorkizun osasungarriago eta jasangarriagoa izateko helburuarekin», aldarrikatu zuten.

Interes ekonomizista

Irakurritako testuan nabarmendu zuten moduan, oinarrizkoa da aldarrikatzen den Hondakinen Euskal Legea sustatzea. «Hau ingurugiro eta osasun irizpideetan oinarrituko da, beraz, errausketarik gabekoa izango da, Aldundiak eta Eusko Jaurlaritzak defendatzen duten interes ekonomizista soilaren aurrean», adierazi zuten. Hala, aurrerantzean ere kudeaketa osasungarria defendatzen jarraituko dutela berretsi zuten, «bilketa intentsiboa, materia organikoa barne, sustatuko duena».

Manifestazioan tokian tokiko salaketa eta mezuak ere ikus zitezkeen. Usubildarrek «Jada ez da beharrezkoa, errausketarik ez» leloarekin, apirilean herrian martxan jarri eta emaitza onak ematen ari den atez ateko bilketa sistema aldarrikatu zuten. Lasartearrek, berriz, «Emandako hitza errespetatu, atez atekoa orain» zihoen pankartarekin, Lasarte-Oriako Udalak onartutako hitzarmena ez duela bete salatu zuten.

-o-o-o-o-

Zaborren kudeaketari buruz herritarrek eginiko eskaerak errespetatzeko eskatu dute (Berria)

Hondakinen Legearen eztabaida eragotzi izana gaitzetsi dute Donostian manifestazioan bildu diren ehunka lagunek

Ainhoa Sarasola.

Errausketa eredu gisa hartuko ez lukeen Hondakinen Legea eztabaidatzeko, 35.000 sinadura bildu eta Eusko Legebiltzarrean aurkeztu zituen Errausketaren Aurkako Herri Plataformen Koordinakundeak. Ordea, 35.000 herritarren proposamenak «ez zuela eztabaidarik ere merezi erabaki zuten, ordubete baino gutxiagoko bileran, EAJk, PSEk eta PPk». Horixe salatzea zen Donostian atzo eginiko manifestazioaren helburu nagusia, Unai Agirre plataformako kideak azaldu zuenez. «Demokrazia falta» hori salatu, eta zaborren gaikako bilketa egokia garatzeko legea eskatzeko manifestazioak ehunka lagun bildu zituen Donostiako kaleetan.

Zubietako gainetan (Gipuzkoa) eraiki asmo duten errauste plantari ezezkoa emateko martxa izan zen atzokoa. Agirreren hitzetan, hasiak dira planta eraikitzeko azterketa eta zundaketa lanak, baina hori hasiera baino ez da, eta asko dago egiteko oraindik. Hala, «kalean astakeria hori bertan behera utzi, eta sistema egokiak martxan jar daitezela» eskatzen jarraituko du plataformak.

Aldarrikapen horretan bidelagun ehunka herritar izan zituzten Donostiako martxan. Baita ezker abertzaleko, Aralarreko, Ezker Batuko, Alternatibako eta Zutik-eko Gorripidea ildoko kideak ere. Han ziren, besteak beste, Ainhoa Beola eta Rebeka Ubera Aralarreko kideak, Xabier Mikel Errekondo Usurbilgo alkatea (Gipuzkoa), Ricardo Ortega San Markos Mankomunitateko lehendakaria eta Arantxa Gonzalez EBko batzarkidea. Eguzki talde ekologistako kideak, taldearen ikurra zuten banderak eskutan, eta Ekologistak Martxan taldekoak ere izan ziren protestan; eta babesa agertua zuten Greenpeace eta AHTaren aurkako Donostiako Asanbladak ere. Eta ELA, LAB, CCOO, EILAS, EHNE, ESK eta CNT sindikatuek ere bat egin zuten errausketaren aurkako aldarrikapenarekin.

Jai giroko protesta

Errausketaren Aurkako Plataformen Koordinakundeak, ohi bezala, atzoko protesta jai giroan egin zuten. Zaldi gainean zihoazen hogei bat lagun abiatu ziren Bulebarretik martxaren buruan, eta Baserria bizirik lelodun pankarta zeraman traktorea joan zen haien atzetik. Bozgorailuetan musika ozen entzuten bazen ere, haren gainetik oihuak egiteari ez zioten utzi manifestariek bide osoan. «Osasuna bai, errausketa ez» edo «Errauste planta negozio borobila» leloak behin eta berriro oihukatu zituzten, besteak beste.

Gisa bereko aldarriak idatzi zituzten martxan zehar hainbat lagunek zeramatzaten pankartetan. Zubieta bizirik, errausketari ez, zioen batean; Zaborra atez ate bildu, osasuna eskuz esku zabaldu, beste batean; Emandako hitza errespetatu, atez atekoa orain, aldarrikatzen zuen Lasarte-Oriako herritarrek zeramatenak; eta Jada ez da beharrezkoa, errausketarik ez, berriz, Usurbil Bizirik taldeko kideek zeramatenak. Erdiguneko kaleetan zebiltzan herritarren begiradak erakarri zituzten martxa koloretsuak berak eta batukada baten erritmoek.

Amaieran, manifestua irakurri zuten plataformako kideek. Haien hitzetan, hondakinen «lege proposamenaren eztabaida ere eragotzi izanak erakusten du zer-nolako balioa duen agintean dagoen klase politikoarentzat herritarren iritziak». Agintarien zati handi bat hipokrita dela uste dute horregatik: «Parte hartzea saltzen dute, baina zer proiektutan eskatu digute iritzia?».

Hondakinen Legea eskatzen jarraituko dutela ziurtatu zuten; ingurumenaren eta osasunaren alde egingo duen legea, 2001etik derrigorrezkoa den baina egiten ez den gaikako bilketa ezarriko duena, eta errausteari atea itxiko diona. Baita ere herritarrek kudeaketa publikoan izan behar duten parte-hartzea aldarrikatzen ere, herritarrek «zaborraren trataeraren inguruan informatuta egoteko eskubide osoa» dutelako.

-o-o-o-o-

Piden una ley vasca de residuos que evite la incineración (Diario Vasco)

Cerca de un millar de personas reclamaron ayer en Donostia que se apueste por la recogida puerta a puerta

Cientos de personas se manifestaron ayer por las calles de San Sebastián en contra de la incineradora de Usurbil y a favor de «una gestión saludable de los residuos» que incluya una fuerte apuesta por la recogida puerta a puerta. Los manifestantes reclamaron una ley vasca de residuos en la que la recogida selectiva «sea intensiva y no parcial», y que se sustente «en criterios medioambientales y de salud pública y, por ello, sin incineradoras», reclamaron.
La protesta fue convocada por la Coordinadora de Plataformas contra la Incineración y contó con el apoyo de varios partidos -Aralar, Ezker Batua, Alternatiba, Zutik-, la izquierda abertzale, así como de los sindicatos CC OO, CNT, EHNE; ELA, ESK, LAB y STEE, y de numerosas organizaciones ecologistas, entre ellas Greenpeace.
Una veintena de caballos montados por manifestantes precedió la marcha, en la que los ciudadanos reunidos para oponerse a la incineradora exhibieron diferentes pancartas y caminaron al ritmo de una ‘batukada’.

Un portavoz leyó un manifiesto en el que criticó que su propuesta sobre residuos, que obtuvo el respaldo de 35.000 firmantes, no pueda ser debatida en el Parlamento Vasco, lo que «constituye una nueva demostración de cuál es el valor que tiene la opinión de la ciudadanía entre la clase política en el poder». En este sentido, señaló que «el ciudadano tiene derecho a ser informado y a participar en algo que le afecta todos los días»