Zenbait gogoeta Villabonatik

Atalak: Atez atekoa, Gaikako bilketa

Noticias de Gipuzkoa.

Cartas a la Dirección

Alkatetza berriarekin zazpi hilabete bizi izan ondoren, gure bizilagunei gai garrantzitsu batzuei buruzko hausnarketak helarazi nahi dizkiegu:

1. Atez atekoa den gezur handiaren inguruan, orain arte sistema hau inposatu duten herrietako datuak faltsutu dituztela esan behar da, bertako bizilagun askok ondoko herrietara eramaten dutelako zaborra. “Zabor-zuhaitzak” herri guztian zehar banatuak egotearen kontra gaude, informazioa eta trebakuntzarekin gure herritarrek ahal den guztia birziklatuko dutela uste dugu. Gainera, birziklatu ezin daitekeen zaborrarekin zer egiteko asmoa duten jakin nahi genuke, Alemanian, beraiek eredu bezala hartzen duten lekuan, hiri-hondakin solidoen %33 ezin da birziklatu, eta horregatik %32a errausten dute (energia lortuz) eta %1 bakarrik joaten da zabortegietara. Horretaz gain, gure herritar bakoitzak dezente gehiago ordaindu beharko du “zerbitzu honegatik”. Ez da “Zero Zabor” lortzen gaikako bilketa-sistema bat edo bestea ezartzearekin (edukiontzi bidezkoa edo atez atekoa). Lan egin dezagun jendea heztearren, eta ez inposaketaren alde.

2. Kartelei dagokienez, indarrean dagoen araudia betearaztea nahi dugu (Iragarkiak jartzeari buruzko Ordenantza Arautzailea, 1988ko azaroaren 22koa). Ez dugu uste herri guztia kartelez beterik egotea txukuna denik. Udaletxeak kolarekin itsatsirik dauden kartelak berehala kentzeko betebeharra du, eta zeloarekin itsatsiak daudenak egun gutxietara. Birziklatzeaz eta errekurtsoak zentzuz erabiltzeaz hitz egiten dugunez, araudi hau beteaz, papera eta guztien artean ordaintzen ditugun garbiketa gastuak ekidin genitzake.

3. Zazpi hilabete igaro dira Bildu udaletxean dugunetik , eta orain hasi dira informazio batzorde batzuk. Beraz, orain arte, ez dute ezer egin, edo ez digute egindakoaren berririk eman.

4. Bilduri eskertzen diogu gure hauteskunde-programan genituen ideiak proposatzen hasi izana, guri hori egiteko asmoa zutela adierazi ez arren. Hala nola, Vicente Ameztoy-ri agian egingo zaion omenaldia, eta batez ere Agaraitz-ko presagaina (Adunako presagaina) aprobetxatzearen aldeko ikerketa bat egitea, herriko energia iturri bezala erabiltzeko. Gure programa gauzatzen jarraitzeko gonbidapena luzatzen diegu.

Gure facebook-ean (EAJ-PNV Villabona) egiten diren bileren gure laburpenak jartzen ditugu, edonork ikusi nahi baditu.

Ibon Ariznabarreta Urdapilleta

Villabonako EAJ-PNVren Uri Buru Batzarra