Europako Parlamentuak nahi du desagertu daitezen zabortegiak eta errausketa

Atalak: Errausketa, Zabortegia

Europatik datorren erabakia da

Europako Parlamentuko Ingurumen batzordeak herenegun onartu du txosten bat non proposatzen baita desagertaraztea hondakinentzako zabortegiak eta errauste plantak, hondakinentzako sistema ekologikoagoak bultzatuz.

Efe agentziak zabaldu duenez, batzordeko 48 kideren aldeko boza jaso zuen erabakiak, hiruren kontrakoa eta bosten abstenzioa. Proposamenak eskatzen dio Europako Batzordeari 2014rako prestatu dezala zabortegiak eliminatzeko plana eta 2020rako ez dadila ere aurrerantzean birziklatu edo konpost bihurtu daitekeen hondakinik.

Munduan Zero Zabor izenez ezagun den estrategiaren ildoko neurri gehiago aipatzen dira txostenean: produktuen diseinua hobetu dadila gehiago iraun dezaten eta errezago birziklatu edo konpondu daitezen. Fiskalitatean ingurumena ere kontutan edukitzea eskatzen da, hondakinen kudeaketa ona saritu eta ingurumena kaltetzen dutenak zigortu daitezen, tartean orain dirulaguntzak jasotzen dituzten praktika batzuk (horien artean dago hondakinen errausketa).

Txosten hau Europako Parlamentuak maiatzean egingo duen bilkuran aurkeztuko dute.

Iturriak:

El Ideal de Granada: Los eurodiputados apuestan por la desaparición gradual de los vertederos

Gestores de Residuos: El Parlamento Europea aboga por una desaparición gradual de los vertederos e incineración