Zero Waste Europe biltzarra Donostian: larunbat eta igandeko egitaraua

Atalak: Gaikako bilketa

Atzodanik, ostirala 11, Zero Waste Europe koordinakundeak bere biltzarra dauka Donostian. Hernani eta Usurbil bisitatu zituzten atzo, hondakinen gaikako Atez Ateko bilketa herri horietan nola burutzen duten ezagutzeko. Arratsaldean Enzo Favoino konpostean aditu italiarra mintzatu zitzaien berrikitan osatu den Hondakinen Aholku Batzordeko kideei. Ilunabarrean, Joan Marc Simón katalandarra Arrasaten mintzatu zen eta Donostiako udalean Paul Connet iparramerikarrak. Hona asteburuko gainerako egitarau osoa:

Maiatzak 12 Larunbata

Aiete Jauregiko Kultur etxean (Donostia):

10:00etan:

* Gipuzkoako Foru Aldundiaren harrera – Juan Carlos Alduntzin, Ingurumen eta Lurralde Antolamenduko Diputatua.

* 10 urrats Zero Zaborrera iristeko: udalentzako estrategia – Dr. Paul Connett.

* Gaikako bilketa selektiboa eta errefusa biologikoki egonkortzeko esperientziaren aurkezpena – Enzo Favoino, Iswa (International Solid Waste Association) enpresako tratamendu biologikoei buruzko lan taldearen lehendakaria eta European Composting Network (ECN) taldeko lehendakariordea. Scuola Agraria del Parco di Monza.

11:45etan atsedena

12:00etan:

* Italiako Zero Zabor udalerri baten esperientziaren aurkezpena – Rossano Ercolini, Zero Zaborri buruzko Ikerketa Zentroaren Koordinatzailea Capannorin eta Zero Zabor udalerrien elkarte italiarraren lehendakaria.

* Kataluniako Zero Zabor udal baten aurkezpena – Josep Lluís Moner, Iraunkortasunaren aldeko Institutuaren Koordinatzailea Bartzelonako Unibertsitate Politeknikoan eta Zero Hondakin Estrategia Katalanaren batzorde sustatzailearen kidea.

* Usurbilgo esperientzia, lehen pertsonan kontatua – Xabier Mikel Errekondo, Usurbilgo alkate ohia.

* Europako Zero Zabor udalen sarea osatzen – Joan Marc Simon.

13:30etan amaiera

Larunbata arratsaldea ZWEk barne bilerarako gorde du. Bertan aipatuko diren gai nagusiak honakoak izanen dira:

– “Europako Zero Waste mugimendua lehen, gaur eta etorkizunean”, Joan Marc Simon.

– “Nola epaitu Zero Waste udalak? Europako udalentzako 4 erakustaile proposatuz”, Entzo Favoino.

– “ZmartZeroWasteLiving” proiektuaren aurkezpena, Pal Martensson, Zero Waste Suedia.

– “Zero Zabor ikerketa zentroaren aurkezpena”, Rossano Ercolini & Patrizia LoSciuto, Zero Waste Italia.

Bilkura honetan GZZk sareko kide izateko eskaera egingo du.

Zero Waste Europe “Annual Meeting Zero Waste Europe, 11th‐13th May 2012, Gipuzkoa“