Zabalgarbi: enpresaren argibideak, EHBilduren erantzuna…

Atalak: Errausketa, Gizarte eragileak, Politikariak, Zabalgarbi

[Pello Zubiria Kamino] Ekologistak Martxan elkarteak publikoki salatu ondoren Bizkaiko Zabalgarbi errauskailua kutsadura eragiteagatik eta energiaz inefikaza izateagatik, enpresak gezurtatu egin ditu salaketak oro. Efe agentziaren “Zabalgarbi niega que sobrepasase el límite de emisiones contaminantes en 2012” albistean irakur daitezke Zabalgarbiren argudioak: kutsadura maximoak ez dituela gainditu, kanpotik zaintzen dela bere funtzionamenduaren zuzentasuna, Europak eskatzen duen energiazko efizientzia eskaintzen duela eta ez duela inoiz jarri arriskutan herritarren osasuna. Horretaz gain, aditzera eman du salaketen egileen kontrako neurriak har ditzakeela: “(…) la empresa ha indicado que se reserva el derecho de adoptar las medidas legales pertinentes contra este tipo de acusaciones“. Deia egunkariak albistea titulatu du: “Zabalgarbi advierte de que no descarta denunciar a Bildu. La planta critica que la acusación de que ‘pone en riesgo la salud de los vizcainos’ es ‘extremadamente grave’“.

EHBildu koalizioak Zabalgarbiri arrapostu egin dio agiri honekin: “Zabalgarbik egindako adierazpenei eta EH Bilduren kontrako lege neurriak hartzearekin egindako mehatxuei erantzunez“. Koalizioak berretsi ditu otsailaren 11ko prentsaurrean esandakoak eta eskatu du Ekologistak Martxanen txostenaren egileak hitz egin dezala Bizkaiko Batzar Nagusietan eta Eusko Legebiltzarrean.