Eskoriatzak udaberrian finkatuko du bilketa sistema definitiboa

Atalak: Sistema mixtoa, Udalak

Eskoriatzako alkate Beñat Hercek Diario Vascori jakinarazi dionez (“El nuevo sistema de recogida, en marzo“) urtarrilean egingo dute berriro herri horren herenean burutzen ari den proba pilotuaren balantzea eta martxoan erabakiko dute zein izango den 2014an herri osoan %70ko birziklatzea bermatuko duen sistema.

Eskoriatzako sistemak konbinatzen ditu errefusarentzako zintzilikarioak eta hondakin organikoarentzako edukiontzi komunitarioak. Orain arteko emaitzak txukunak direla dio alkateak (“aceptables“) eta hobetzeko modukoak direla. Hori horrela ez balitz, Atez Ateko klasikora gehiago hurbiltzea pentsatuko lukete. Udalak sistema berriaz egin duen balorazioa osorik irakurri daiteke hemen: “Prentsaurrekoa: HBS berriaren lehen balorazioa”

Bitartean, Eskoriatza Garbiak bultzaturik jarraitzen dute sistemaren kontrako sabotaje ekintzek, argazki honetan eta honetan ikus daitekeenez. Plataforma horren kontrako paskinak ere azaldu dira herrian.