Donostialdeko 2.600 enpresari gaurtik hondakinak Atez Ate biltzen zaizkie

Atalak: Atez atekoa, Mankomunitateak

San Marko mankomunitateak atzodanik Atez Ate biltzen dizkie beren hondakinak Donostialdeko industriguneetan ari diren 2.600 enpresari. Presidente Denis Itxaso sozialista daukan mankomunitateak abiarazi du sistema berria, aurretik PSE, PP eta EAJren ekinez agintetik kendu zuten Bilduko Ainhoa Intxaurrandietaren ekipoak diseinatu arren, Itxasok berak aitortua duenez. Donostialdeko hondakinen gaikako bilketa eta kudeaketan aurrerapauso handia ekarriko duen aldaketa da.

Hedabide nagusietan ez da aipatu Atez Atekoa denik, baina hala da. Diario Vascon azken urte luzeotan Gipuzkoako hondakinen gatazkaren albisteak idazten dituzten Fernando Segurak honela deskribatu du apirilaren 1eko “La recogida de residuos, más exigente desde  hoy en las empresas de Donostialdea” kronikan (ezin da Internetez libre irakurri): “El nuevo sistema es muy exigente con las empresas. Los residuos solo se podran depositar en los contenedores que han sido entregados por la Mancomunidad y deberán ser sacados al exterior de los pabellones únicamente en los días indicados. La normativa establece la separación obligatoria de los desperdicios para que sean retirados por el servicio de recogida“.

Beiraki, paper eta plastikoez gain, San Markoko arautegi berriak enpresak behartzen ditu xuxen bereiztera hondakin organikoak, elektrogailuak, egurrezkoak (paletak), poliespana, haltzariak eta abar… denetara 14 frakzio ezberdin osatu arte.

Diario Vascok nabarmendu ditu, bestalde, Denis Itxaso sozialista ez den beste norbaitek sinatuak izan balira eskandalu galanta sortuko zuten isunak. Seguraren kronikak dio, besteren artean: “La negativa a entregar los residuos o impedir la carga o descarga de los mismos se considera infracción grave”. En este caso, la sanción oscila entre los 9.000 euros y los 300.000. Gainerakoan, isunak arin, larri eta oso larrietan bereizten dira. Oso larritzat joko da ere berez oso arriskutsua ez den hondakina kontrolik gabe abandonatu edo jaurtitzea baldin eta horrekin jendeen osasuna arriskuan jarri baldin bada. Oso larritzat joko da hondakinak edukiontzi egokietatik kanpo lagatzea. Falta oso larriek jasoko dituzte 45.000 eurotik hasi eta 1.750.000 arteko isunak.

San Markok gaurtik abian daukan sistemarekin hondakinen gaikako bilketak Gipuzkoan urrats  kualitatibo bat eman du, azken errefusen kopuruetan eta birziklatze tasetan berehala nabarmenduko dena.  Bestalde, Atez Atekoa Donostia, Lasarte, Orereta-Errenteria eta beste hainbeste herritan gaurdanik sartua dela esan daiteke. Nork daki, agian politikariek probestuko dute urratsa eztabaida parametro tekniko eta logikoetara bideratzeko.

Hernaniko Kronika “Sortzen den hondakinaren arabera ordaindu beharko dute tasa, Buruntzaldeko enpresek”