Errauskailuarekiko FCCk eta RESAk egindakoak azaldu ditu Petxarromanek
Besteren artean Gipuzkoako errauskailuaren historia “Su haietatik, ke hauek” liburuan kontatu dituen Iñaki Petxarroman kazetariak Berrian plazaratu “Eta postrerako, hondakinak” analisi artikuluan azaldu ditu FCCk eta RESA konpainiak Zubietako proiektuaren kudeaketan egindako urratsen datu berriak.
Duela egun batzuk “Partzuergoa errauskailuaren eraikitzaileetatik birekin kontratua haustekotan” albistean aipatu zenez, Gipuzkoako Hondakinen Partzuergoak laster eten behar ditu Zubietan errauste planta eraikitzen ari diren enpresetako birekin, RESA eta IBH ingeniaritza konpainiekin,dauzkan kontratuak. Zatirik handienean Mikel Peruarena Ansaren “Errauste plantako lanen bi kontratutan GHK-k legea urratu zuela sumatu dute” kronikan oinarritu zen albiste hartan aipatzen zen ere nolaz GHK negoziatzen ari den, EITBren iturrien arabera, aurreko agintaldian Zubietako errauskailuaren eraikuntza esleitu zitzaion taldearekin kontratuaren etetea.
FCC, Serbitzu, Altuna y Uria eta AE&E Inovak konpainiek osatutako UTEan liderra den FCCren eta aipatu RESAren arteko harremanen datu berriak dira orain Petxarromanek haizatu dituenak. Kronika horretan ageri denetik pentsatu behar da Gipuzkoan izen ezaguna bihurtuko dela duela urte bete GHKko oraingo agintariek kanporatu zuten zuzendari teknikoarena: Armengol Grau
Iruzkinik ez
Trackbacks/Pingbacks