Casado da Rocha Atez Atekoaren etikaz mintzatuko da Hernanin 11n

Atalak: Atez Atekoaren alde, Etika, Iritziak / Adierazpenak

Hernanin Zero Zabor taldeak antolatuta, ekainaren 11an, 19:00etan Hernaniko Biteri kultur etxean Antonio Casado da Rocha mintzatuko da gai honen inguruan:

“¿Es el ‘Atez- Ate’ un sistema más ético de gestionar los residuos? ¿Por qué?”

Antonio Casado da Rocha (Argazkia: Uberan.org)

Antonio Casado da Rocha (1970) filosofo eta ikerlariak Dilemata gunean plazaratu dituen lau artikulutan landu du hondakinen kudeaketarako eredu ezberdinen eta etikaren arteko harremana.

Euskaraz publikatutako Esku Ezkerraz poema liburuaz gain, gaztelaniaz etikaz eta desobedientziaz dauzka gutxienez beste hiru. Henry Thoreauren bizitzaren eta obraren ezagutzaile handia da. Donostiako ospitalean batzorde etikoko kidea da, eta gaur egun Euskal Herriko Unibertsitatean ari da Biologiaren Filosofia arloko ikerlanetan. Etica y gestión de residuos lana plazaratu du lau ataletan.

Apirilaren 23ko datarekin Dilematan jarri zuen artikuluari “Etica y gestión de recursos (3): espacio y tiempo” ipini zion izenburu, azken esaldi honekin bukatzeko: “Pero adelanto las conclusiones: creo que el PaP nos hace mejores, en el sentido de que nos hace ciudadanos que reciclan más y consumen de manera más consciente.”

Antonio Casado da Rochak gai honetan dauzkan ideiak azken asteotan prentsan azaldu ditu. Hona erreferentziak:

– ARGIA astekarian “Antonio Casado da Rochak etikatik alderatu ditu hondakin ereduak” (“Etica y Recursos (3)”ren laburpenarekin):

– Berrian Edu Lartzangurenen elkarrizketa: “Atez ateko zabor bilketan dugu etorkizuna era baikorrean ikusteko aukera”

– Hernaniko Kronikan albistea: “Atez atekoaren gestioa etikoagoa al da?“