Astigarraga, Lezo, Urnieta: errefus tonak bezalako frogarik ez

Atalak: Atez atekoa, Bost kontenedore, Mankomunitateak, Udalak

Aitor Miner hernaniarrak San Marko mankomunitatearen informazioak baliatuz grafiko interesgarrian alderatu ditu Donostialdeko hiru herrik hondakinen  kudeaketan lortu dituzten emaitzak. Alde batetik, Lezo eta Astigarraga (hau hilabete lehenago hasirik) Atez Ateko bilketan ari dira udaberri honetatik. Bestetik, Urnietak 2012ko udazkenetik borondatezko 5. edukiontziarekin dihardu. Hiruetako bakoitzean sortutako errefus kopuruek salatzen dute zein  emaitza ezberdina lortzen duen batak eta besteak.

Bildutako errefus kopurua Lezon, Astigarragan eta Urnietan (Aitor Minerren grafikoa)

Hiru herrietan antzeko errefus kopuruak bildu ziren 2012an; inkluso apiriletik maiatzera arte antzeko igoera berdintsua eduki zuten hirurek. Astigarragak Atez Atekoari ekitearekin arras gutxitu zituen errefus tonak hilabetean: 2012an 126, 2013an 29, hurrengo hilabetean 23raino jaisteko (hamabi hilabete lehenago jasotako 137etatik oso urrun).

Hilabete beranduago hasi baitzen sistema berriarekin Lezo, 2012an sortutako errefus kopuruaren antzekoa sortu zuen 2013ko apirilean, baina maiatzerako hori laurden batera jaitsia zuen, aurreko urtean 135 tona izan zirenak 33raino urrituz.

Bitartean, hondakinen borondatezko bilketarekin, 5 edukiontzia deitzen zaionarekin, jaitsiera benetan txikia ezagutu du Urnietak: 2012ko maiatzean 152 tona bildu ziren lekuan aurtengoan 115 jaso dira.