Zarauzko hondakinen mahaia bilketa sistema definitzeko fasean sartu da

Atalak: Gaikako bilketa, Udalak

Udalean ordezkaritza duten alderdi guztiak, auzo elkarteak eta Birziklapena Bai Atez Ateko Bilketa Ez plataforma biltzen dituen Zarauzko Hondakinen Mahaia bilketa sistema definitzeko fasean sartu da. Lau hilabete daramatza martxan mahaiak eta EHUren laguntza teknikoa dauka bi alorretan: Arkitektura fakultateko talde batek proposatutako bilketa sistemak aztertuko ditu; eta Zientzia Politikoen fakultateko Parte Hartuz taldeak herritarrekin egin beharreko prozesu parte hartzailea diseinatu eta koordinatuko du.

Hondakinen Mahaiak zazpi bilera egin ditu honezkero eta uztailaren 15ekoan adostu zutenez, %70eko sailkapen tasa lortzea jarriko dute helburu. Xede horrekin hasiko dira lanean mahaia irailetik aurrera. Tasaz gain, adostu dute aukeratutako sistemak helburua lortu beharko duela. Herritarren kontzientziazioa handitzea ere helburuen artean jarri dute. Eta sistemak lege aldetik bideragarria izateaz gain, teknikoki eta ekonomikoki bideragarria izan beharko du. Erabiltzaileen oniritzia lortu beharko du eta herriko auzo guztietan sistema berdina ezartzea aurreikusten da, nekazal guneetan aldaketak aurreikusten badira ere.

El Diario Vasco: “La Mesa de Residuos de Zarautz ha entrado en fase de definición del sistema de recogida”.