Abu29 0

Iñigo Suberbiola: “Erraustegiaren ondoan, gora egiten du minbiziak”

Iñigo Suberbiola doktorea Arrasaten (Argazkia: Gontzal Landa Herbias)

Herriko Zero Zabor taldeak deiturik, Arrasaten hitzaldia eskaini du Iñigo Suberbiola (Lasarte, 1975) doktoreak. Elkarrizketa laburra eskaini dio Goienak: “Iñigo Suberbiola: ‘Erraustegi baten ondoan, gora egiten dute minbizi kasuek, frogatuta dago“. Hitzaldia Mondraberri hedabidean laburbildu du Gontzal Landa Herbiasek: “Tabakoa kaltegarria ez zela ere esaten zuten“. Tartean hau esan zuen Arrasaten Suberbiola medikuak: “[Errausketaren aurkako] Mediku taldeak Arartekoari aurkeztu zizkion errauskailuaren osasunean dauzkan kalteak frogatzen zituzten ikerketak. Baina Euskal Autonomia Erkidegoko Herritarraren Defendatzaileak ‘ez zigun kasurik egin'”. Hilabete pasa den arren, oraindik ez da jakin ez Arartekoak eta ez haren bulegoko inork erantzun dionik Suberbiolaren salaketari.

[PS]Iñigo Suberbiolak zenbait zehaztapen eta ohar egin nahi ditu argitaratutako informazioaz:

Bat: Suberbiolak hitzaldian ez zuen esan “minbiziak gora egiten duela frogatuta dagoela” hitzez hitz. “Medikuntzan, zerbait frogatua dagoela esatea zaila baita. ‘Estatistikoki dagoen ezberdintasuna esanguratsua’ dela esan nuen. Jende askorentzat berdina izan daiteke, baina ez da guztiz berdina. Ikerketei dagokienez, komentatu nuen dozenaka irakurri ondoren, ezberdintasuna esanguratsua dela iruditzen zaigula. Gure ustea hau da, diseinu zientifiko txukunena, datu gehien biltzen dituen eta gure egoeraren antzekotasun handiena ikertzen duen ikerketak, ezberdintasunak aurkitzen dituela. Horrek esan nahi du %95ko posibilitatearekin errealitatea hori dela. Eta zuzenbide horretan doaz irakurritako ikerketa gehienen ondorioak.

Ikerketa hau 2013an (gaurkoago ezin) eta Espainian argitaratu da (alegia gaur egungo eta inguran ditugun erraustegien datuekin) eta 10 urtetako datuak bildu dira. Carlos III institutuak argitaratu du, gai hauetan nahiko inpartziala gure ustetan”.

Bi: Arartekoari errausketaren aurkako medikuek entregatutako txostenaz, dio Suberbiolak: “Guk, 2004an aurkeztu genion ordura arte zegoen informazio medikua, duela, 9 urte inguru. Eta kasu egin, egin zigun. Donostian Arartekoak duen bulegoan hartu gintuen. Entzun zigun, baina beste gai askotan gertatzen den bezala Arartekoak entzun egiten du, baina botererik ez du, eta horretantxe geratu zen”. Orduan Iñigo Lamarka zen EAEko Arartekoa, gaur dena bera.

Iñigo Suberbiola: “Erraustegiaren ondoan, gora egiten du minbiziak”

Iruzkina idatzi Baztertu erantzuna

Azken bidalketak

Iruzkin berriak

Artxiboak

Kategoriak

Meta