Oñatiko Atez Atekoaren emaitzak: politikarien balorazioak

Atalak: Atez atekoa, Udalak

Udalak jakinarazi ostean Atez Atekoa abian jarri denetik bi hilabetetan Oñatin Atez Atekoaz %80a gainditu dutela, herriko talde politikoen lehen balorazioak bildu ditu Goienak. Mikel Biain herriko alkateak (Bildu) udal gobernu taldearen izenean herritarrak zoriondu ditu lehenbiziko egunetik azaldutako jarreragatik, horri esker herriko hondakinen bilketan aldaketa handia denbora gutxian lortzea ahalbideratuz (Goienaren bideoa: “Ekarpen positiboak” dituen edonorentzat Hondakinen Jarraipen Batzordera batzeko deia egiten du alkateak “bilketa sistema hobetzen jarraitzeko”). Hondakinen jarraipen batzordea sortu duenez udalak sistema hobetzeko, irekia den batzordean parte hartzeko deia egin die herritarrei.

Aldiz, Atez Atekoaren kontra dagoen EAJko Lurdes Idoiagak (Goienaren bideoa: “Datuen gerran” ez direla sartuko eta gaiari gertuko jarraipena egingo diotela dio oposizioak“) azpimarratu du kontra dauden herritarrek ere disziplina erakutsi dutela sistema berriari egokitzerakoan eta horrek erakusten duela edukiontzien sistemarekin ere emaitza onak lortu ahal izango zirela. Nabarmendu du EAJren kezka ere bilketa sistema berriak ekarriko dituen kosteengati.