Orioko udaletxean, birziklatze tasa adierazteko panela: %36

Atalak: Bost kontenedore, Ekitaldia, Udalak

Orioko birziklatze tasa azaltzen duen panela udaletxeko balkoian (Argazkia: Aiora Larrañaga)

Orioko udaletxean, hondakinen mahaiaren erabakiz, panela ezarri dute azaltzen duena herrian zenbat ari diren birziklatzen. Une honetan “36” dio. Hitzak “Panel bat jarri dute Orioko udaletxean, birziklatze tasaren berri emateko” albistean azaldu duenez, gaur egun 1.200 etxetan dute hondakin organikoa bereizteko edukiontzi marroia, Orioko etxebizitzetatik %52tan. Ahalegin horrekin gaikako bilketa tasa %36raino eramatea lortu da, duela hiru urte herrian lortzen ziren %22tik. Orioko hondakin mahaian berrikitan ezarri zuen helburutzat 2015an iristea hondakinen %65 gaika biltzera. Urte hartan, 2015ean, Oriorekin muga egiten duen Usurbilek sei urte eramango ditu %80 lortzen.