Zero Waste Europeren biltzarretik ekarritako zenbait ikasgai

Atalak: Dokumentuak, Plangintza, Zero Waste Europe

Zero Waste Europek Paris-Bobignyn burutu berri duen biltzarretik, honen kontakizuna laburbiltzen duten kronikez gain, Pello Zubiria Kaminok Xehe blogean proposatu ditu “Zero Waste Europeren biltzarretik ekarritako zenbait ikasgai” gehiago. Tartean honakoak azpimarratu ditu:

– Zero Zabor mugimendua oso gaztea da Europan, Atez Ateko bilketan hasi zen lehenbiziko herria Italiako Belusco izaki, 1993an.
– Hondakin sorrera murriztea denez helburua, lortzen diren emaitzak kilotan neurtzen hasi beharra dago: zenbat kilo sortzen den leku bakoitzean pertsonako eta urteko.
– Hondakinen hierarkian beti aipatzen diren 3R famatuei (Reduce, Reuse, Recycle) bi gehiago batu behar zaizkie, 5R bihurtzeko: Rot (usteldu, konposta egin) eta Re-design (berdiseinatu).
– Zero Zabor estrategiaren hiru printzipioak: 1) Hondakinak ikusgai egi; 2) Bilketa oso ondo egin; 3) Ebitatzen ahal den hondakin orori stop, produkzioaren zirkulua txikiagotu.
– 10 urratsez osatzen da Zero Zabor estrategia: 1) Sorlekuan bereizi. 2) Atez Ate bildu. 3) Konpostatu. 4) Birziklatu. 5) Berrerabili eta konpontzeko guneak. 6) Hondakinak murrizteko ekintzak. 7) Pizgarri ekonomikoak. 8) Errefusa bereiztea eta Zero Zabor Ikerketa Zentroa. 9) Industriaren erantzukizuna. 10) Behin-behineko errefusategia.
– Zero Zabor lege berri bat sustatu behar da.

[P.S.] Zero Waste Europek Youtubeko kanal honetan eskaintzen ditu Paris-Bobignyn entzun ziren hitzaldiak oro.